تكفون ساعدوني همبه محتاجه خبرتكم ..

[Hambaa]

السلام عليكم
تقبل الله طاعتكم وكل عام انتم بخير

انا عندي قطوه عمرها 7 شهورما طعمتها لان كل ما ابي اطعمها اتكون فيها فطريات
وقبل ثلاث ايام رحت طعمتها
بس من امس تكرمون اسهال وترجيع
اليوم من الصبح وديتها البيطري
حرارتها مرتفعه38.8
وتكرمون اسهال مع دم بسيط وترجيع
وفيها خمول
الدكتور قالي يبيها ثلاث ايام اتغز ابره ويمكن ما اتعيش
فيها فايروس
حدي ضايق خلقي
ساعدوني شنو الحل

:eh_s(11)::eh_s(11)::eh_s(11)::eh_s(11)::eh_s(11)::eh_s(11):

 

[عود ومسك]

ان شاء الله ماعليها الا العافيه
وديها تاخذ ابرها وان شاء الله تطيب
انا اللي اعرفه انها بعد التطعيم عادي ترتفع حرارتها ويحوشها خمول
فا ان شاء الله خير

 

[lojeeen]

ما تشوفين شر انشاء الله
سبع شهور عمرها زين تقدر تقاوم الفيروس بس لو انج طعمتيها بعمر ثلاث شهور كان افضل
شلون حركتها و الاكل اتشوفينها تتحرك و تتجاوب معاج لما تمسحين عليها ؟
اذا جسمها ضعيف و ما كلت من ٢٤ساعة ضروري تاخذ مغذي بالوريد يعوضها
و طمنينا عليها

 

[Hambaa]

مشكورين على الردود
وديتها خذت ابره وقالي باجر وعقبه بعد بس
قالي فيها فايروس يمكن ماراح اتعيش تبين اغزها ابره او لا قلت له غزها علي الله ربي الحافظن
الحين اهي كله نايمه عطيتها روب بابره وماي وتكرمون رجعته كله واسهال اشوي بس بدون دم
بس نايمه ومالها خلق شي حتى لما اشيل جسمها مرتخي

زوجي قال خليها اتنمام اشوي عشان الابره الي خذتها
بس انا خايفه يصير فيها شي كل اشوي امسكها واشوفها

هالشي بنات صار لها واهي عمرها شهر واسبوعين نفس السالفه وقالي ماراح اتعيش ولا كانت تاكل بس ربي لك الحمد كتب لها عمر يديد

انشالله ربي يعديها انا طعمتها عشان تقوه مناعتها

 

[samsmeya]

هذا اي بيطري قالج جذي؟

اذا مستشفى الري هذا المكان ذبحلي 3 قطاوه يعطيهم ابر اوفير دوس ويذبحهم لي

نصيحه لج وديها مستشفى الوفره باسرع وقت

 

[Hambaa]

اي اهو قالي جذي مستشفى الري
وانا طعمتها بالدهماء الي يمه
بس الوفره وين صاير
وشاكره مرووورج

 

[jawaa]

واي حرام عورت قلبي انشالله تصير زينه حبي وديها حرام شوفي اللي بالوفره ماعرف مكانه بس دقي عالبداله او دوري بقوقل حرام

 

[RouNi-99]

يا حياتي
الله يشافيها ويعافيها
اي ترا مايمدحوم مستشفى الري

 

[cats-5-lover]

لااا

هذا اثر التطعيم

حرارة + لاتاكل ولا شي + خمول + اسهال "الله يكرمكم" + ترجيع

بس يمكن فايروس مين عارفه بس روحي عيادة تانية لو كان دا من التطعيم وهو بيعطيها ابر للفايروس احتمال ماتتحمل

فتاكدي الاول هذا اثر طبيعي بعد التطعيم ولا فايروس صدق

لانهم مثل الاطفال هالاعراض بعد التطعيم

 

[samsmeya]

نصيحه مني لج مستشفى الري اسميه انا مقبره

والله العظيم ذبح قطاوتي يعطونهم ابر جرعات زايده و يصير فيهم خمول 3 ايام ويموتون

انا جربت معاهم 3 قطاوه مو وحده نفس الحاله

بس قطوتي اللي عندي وديتها مستشفى الوفره والله ما مر يوم الا طابت الحمدلله ولا تاخذين الابره الثانيه والثالثه نصيحه

هذا موقع مستشفى الدولي بالوفره

http://www.ivhq8.com/

فيه ارقامهم وترا كل اللي يشتغلون هناك اجانب بريطانيين

 

[عود ومسك]

البيطري اللي بالوفره صوب اسطبلات الوفره مو بعيد نفس الجسر اللي يوديج ام الهيمان تاخذينه يمين
عندهم خوش دكتوره ايطاليه وهم دكتور ايطالي ترا حتى اللي يسبحون القطاوه اللي هناك الفلبن يفهمون بالقطاوه
اذا ماتحسنت قطوتج اليوم دقي عليهم ومريهم باجر بس قوليلهم اميرجنسي لان عادي يتفققون ومايعطونج موعد باجر
وطمنينا

 

[عود ومسك]

ايه نسيت اقولج اخذي معاج مبلغ
لان اسعارهم مو نفس الري ابدا
وزايدين اسعارهم اكثر من اول
انا صارلي حروة ال3 سنين اتعامل معاهم وتفاجأت اخر مره رحت فيها انهم رافعين اسعارهم شوي حبتين
بس يستاهلون بصراحه الدينار حق العلاج
لكن التطعيم عادي اي مكان اطعمهم مافي مشاكل بالتطعيم

 

[شربـــات لـــوز]

حياتي انتي غلطتي لانج طعمتيها عمرها سبع شهور
لان سبع شهور وايد كبيره على التطعيم
انا اعرف وحده طعمت قطوتها وكان عمرها سبع شهور وثاني يوم ماتت

 

[عود ومسك]

احب بنتي منورتي
لا التطعيم عادي بأي وقت وحتى الدكتور قايل لو شريتي قطوه ومو متأكده اذا مطعمه والا لأ نقدر نعيد لها التطعيم حتى لو عمرها سنه
بالعكس انا مره طعمت قطوتي فيها 6 7 شهور حمدلله لا صخنت ولا شي..ولا زلت انطر قطاوتي يتعدا عمرهم 4 شهور بعدين اطعمهم

 

[Hambaa]

بنات وديتها حق المستشفى مارضوا يعالجونها
يقولي الدكتور لان معطيها الدكتور ابره مايصير اعطيها ابره اخاف يصير تضاد واتموت لان ما يعرف شنو نوع الدوا الي بالابره
وقالي كملي العلاج عنده وانشالله ماكو شي
والحمد الله كملت العلاج من ثاني ابره وقف كل شي تكرمون الاسهال والترجيع
وبس كان عندها حراره مرتفعه واليوم اخر ابره والحمد الله مافي اي حراره وقامت تلعب وردت شطانتها فديتها
بنات اشكركم وااايد على المساعده والردود والله يخلي قطاوتكم

 

[miss.rosy]

حبيبتي الحمدلله يارب

انا جالسه اقرا الموضوع من البدايه وبخاطري اتمنى اشوفج كاتبه انها صارت زينه

الحمدلله الحمدلله

الله يخليها لج ويحفظظظظظها يارب

 

[عود ومسك]

قولولولولولووووووووووووووش
زين زين الحمدلله
الله يخليها لج ويعافيها يارب

 

[Hambaa]

تسلمون الله يخليكم ويخلي قطواتكم لكم فديتكم مشكورين على وقفتكم معاي