تكفون ساعدوني

[سديم11]

ولدي عنده تأخر عقلي بسيط وعنده موعد في أبريل لتسجيل في المدرسة في المجلس الاعلى لشؤون المعاقين ودي أعرف افضل المدارس وإذا كانت خاصة يتحملون مصاريفها علما أنه شكله طبيعي لكن بالتشخيص عمره اقل من الطبيعي سنتين وسبع أشهر وعمره ثمان سنوات والله تأخرت في تسجيله ما أبي أظلمه يمكن يتحسن وسنه ضاعت عليه بسبب المجلس قالوا سكر التسجيل والأوراق كانت عندهم بس تأخروا فيها .

 

[الصابرة المحتسبة]

أخت سديم : ياهلا ومرحبا فيج...... اذا عنده شهادة اعاقه والمجلس معطيج شهادة لدخول اي مدرسه سواء عربيه او ثنائية اللغه فهم يتحملون كافة المصاريف وبالمجلس أوراق تتوزع مسجله فيها كافة المدارس والحضانات ....

 

[memes]

اذا عنده شهادة اعاقة روحي لقسم التعليم للمجلس الاعلى للمعاقين وفتحي او سجلي ملف تعليمي عندهم اخذي معاق شهادة الاعاقة والبطاقة المدنية للمعاقة والاب والام وشهادة الميلاد وصور شخصية والتقارير الطبية واختبار الذكاء
وسجليه للمدارس عندهم ونطري القرار يطلع لاي مدارس خاصة او حكومية لاتاخرين التسجيل فاتح مو مسكر امس رفيجتي عندهم.

 

[سديم11]

كويتية ولدي عندة شهادة إعاقة من عندهم وهم معطينة موعد التسجيل للمدرسة شهر ابريل وانتي تقولين فاتح التسجيل الحين يعني اروح الحينوالله ينخاف منهم بعدين سكر التسجيل.

 

[نونا العتيبى]

ليش معطينه موعد في ابريل ,اللي اعرفه ان التسجيل مفتوح علي طول

وآنا عطيتهم اوراق بنتياللي كانو طالبينها من شهر بس للحين ما ردوا

يقولون في لجنه بس بعد,بس ما أعتقد أنهم بيتأخرون لي شهر ابريل

أهم شي أنتي خذيتي تحويل منهم حق مركز الوراثه اللي يم مستشفي الولاده؟ وعطوج المغلف اللي تردينه المجلس؟

 

[HearT ChocolaTe]

انتي تقصدين وديتي الأوراق كامله للمجلس وعطوج موعد في ابريل ؟؟
أختي مو واضح المطلوب شنو ؟؟ اذا تقصدين المدارس في لسته يعطونج اياها المجلس
أو انج تبين تعرفين متى التسجيل ؟؟ ما لهم مدة تسجيل أصلا كل طفل على حسب إعاقته
ولا تقصدين يعني أحسن مدرسة ؟؟ في موضوع عن المدارس تقدرين تستفيدين منه

 

[سديم11]

السلام عليكم ام عزوز الله يحفظلج عزوز ويعافيه أنا وديت كل الأوراق المطلوبة كاها وعطوني موعد في أبريل ... وهم يحطونة في المدرسة على كيفهم وإلا شلون أنا اختار ,وعلى اي تساس يتم توزيعهم للمدارس ولدي تأخر عقلي بسيط نسبة ذكاءه 62 ودمت اختي

 

[الصابرة المحتسبة]

شصار عليج؟؟؟؟؟؟؟؟؟؟؟