تكفون شورووو. علي شلون اراضيه

[مزيونه بلا حظ]

صباح الخير بنات
بنات انا غلطت اليوم ومو اول مره اسويها بس والله غصبن علي
بنات انا دوام زوجي ايخليه يتاخر ليما الفجر وانا قاعده بشقه
مو عند حمولتي فاذا تاخر. اشيل المفتاح واهو يفتحه من مفتاحه
من برا بس بنات اليوم نسيت المفتاح على الباب وتخيلو يدق
تلفون من الساعه 4 ونص الى الساعه 6 ونص يعني ساعتين
بالضبط واهو يدق تلفون ويدق الجرس وانا في سابع نومه
تخيلو قعدت لقيت 44 مكالمه ولما قعدت للدوام فتحت الباب
متخرعه واهو معصب دش البيت بسرعه ايبدل ملابسه
لحقته قلت انا نسيت المفتاح تخيلو شنو رد علي
((( على تبن))) امبييييه بنات ولا مره قالها لي وما عندنا
السب بس بنات والله ناسيه مو بيدي اشلون اراضيه
مع اني انصدمت من الموقف ومن الكلمه ما ينلام
واحد جاي البيت متاخر وتعبان وينطر عند البيت
ساعتين بنات شلون اراضيه انا الحين طلعت الدوام
مالي خلق الدوام بس ادري اهو ما يبي ايشوفني
قهرته تكفووون لا رديت البيت شسوي شلون اراضيه

 

[ليلو جبريت]

رد : تكفون شورووو. علي شلون اراضيه

لين هدت اعصابه بيرضى بروحه
هو مقهور الحين خليه ولاتعطين الموضوع اهمية عشان مايكبر

 

[Queenleo]

رد : تكفون شورووو. علي شلون اراضيه

لوووول
والله مالووومه
انا لما ارد من الدووام والقى امي مقفله بااب الصاااله ووساعه ادق تليفونات ووارفس بالباااب يالله ترد علي اتنررفز
ووويرتفع ضغطي
فمابالح بريلج الي قااعد برى البيت وحده دايخ
المهم اشترريله بووكيه ورد وانتي راده البيت وبوسي راسه وقوليله انا اسفه وحقك علي
ولوو تبي حط المفتاح عالباب بردتي من الدوام وخلني ادق عليك 44 مره
قلبي السالفه على ضحك لاتاخذينها بجد وبتلقينه يطخ معاج

 

[الشهد كله]

معقولة 44 مكالمة وصوت الجرس ما تقومين من النوم

لهالدرجة نومج ثقيل ؟؟؟؟؟؟؟؟؟؟؟

الله يعينج

عموماً سكتي عنه اليوم وكلها جم ساعة ويطخ

إذا فتح معاج الموضوع حاولي تبررين موقفج إن البارحة كنتي تعبانة وكنتي منظفة البيت

ونمتي وانتي مو حاسة بنفسج ، وإذا صرخ أو زاد بالكلام سكتي عشان ما تكبر السالفة​

 

[دآيم آلحب]

انا مع لييييييلي لاتفكرين عشأن ماتتعومسسين ويكبر الموضوع
خلج عأدي وراضيييه بالكلام الحلوووو عاد لاوصصصيج :eh_s(15): وأخذي الموضوع انتي وياه ضحك
والله ييسر امورج ويوفقج عاد مره 2 لاتتقيردين على نفسج وتنسين المفتاح ​

 

[girl k.s.a]

اذا هدا بيسمع لج وقولي له غصبن عني مو بيدي هالشي

 

[ام شيخوه]

ماينلام

 

[ضايعة بدنيتي]

رد : تكفون شورووو. علي شلون اراضيه

لوووول
والله مالووومه
انا لما ارد من الدووام والقى امي مقفله بااب الصاااله ووساعه ادق تليفونات ووارفس بالباااب يالله ترد علي اتنررفز
ووويرتفع ضغطي
فمابالح بريلج الي قااعد برى البيت وحده دايخ
المهم اشترريله بووكيه ورد وانتي راده البيت وبوسي راسه وقوليله انا اسفه وحقك علي
ولوو تبي حط المفتاح عالباب بردتي من الدوام وخلني ادق عليك 44 مره
قلبي السالفه على ضحك لاتاخذينها بجد وبتلقينه يطخ معاج

ما شاء الله عليك معقولة 44 مكالمة وانتي مو حاسة ؟؟ كان سايلنت الموبايل يعني ؟؟

عموما جل من لا يسهو . وانا مع كوين بس خليه يطخ شوي . .. سوي له احلى غدا واعتذري له وان عصب تأسفي منه وقولي له ان شاء الله ما راح تتكرر مرة ثانية بس عاتبيه على كلمته هذي بس بدلع مو نجره وزعل .

عادي حبيبتي من فينا ما ينسى. بس بعد هو ما ينلام لا قال كلمة مني ولا مني . من حرته .


الله يهنيكم ويبعد عنكم شياطين الانس والجن

 

[kareeb]

رد : تكفون شورووو. علي شلون اراضيه

بصراحه ما ينلام الريال
على العموم اخذيله بوكيه ورد وبوسي راسه

 

[ليلو جبريت]

رد : تكفون شورووو. علي شلون اراضيه

بنات ترى في ناس نومهم ثقيل
انا امي جايبه واحد عنده دريل يغض الطوفه الي تحت غرفة اختي واختي نايمه بالعسل ولا قامت ولاحست
وامي الي قاعده ما اقدرت تستحمل من الصوت وراحت لبيت خالتي بعدين خافت اختي يكون فيها شي
والحبيبه نايمة ولاتدري بالدنيا وغرفتها انهزت هز والاغراض الي على الكمدينه طاحوا وهي مازالت نايمه

يعني جدا عادي ​

 

[حبـ admant ـك]

لا تفتحين الموضوع وياه
خلج عادي فرفشي واستانسي معاه
لازم في البدايه بيكون معصب لان السالفه توها صارت
بس مرده بينسى

 

[الحلا بنت ابوها]

رد : تكفون شورووو. علي شلون اراضيه

حبيبتي عادي بعد شتسوين غصبن عنج اهم شيء اذا طلعتي من الدوام. اخذي اي شيء معاج بوكيه ورد او اي شيء يحبه هديه كيفج اهم شيء اذا رديتي البيت ظبطي الغدا وتكشخي واعتذريله اكيد بعذرج والكلمه اللي قالها بعد ماتصفى النفوس عاتبيه بهداوه وضحك والله يهدي بنكم

 

[حبيبي مالكني]

رد : تكفون شورووو. علي شلون اراضيه

لا تكلمينه اللحين خليه لين يهدى وبعدين روحي له وتسامحي منه
مسكين ما ينلام وانتي بعد ما تنلامين الواحد ينسى احيانا
اذا رجعتي البيت قعدي دلعيه ونسيه الي صار وخذي الي ما في خاطره
وطرشيله مسجات اسف وحب و عزل ترى الريال يستانس عليهم انا ينفعوني مع ريلي
وعلى الكلمة الي قالها لج انسيها ولا تذكرين ريلج فيها جنج ما سمعتيها منه

 

[iLLuMinaTion]

لا تفتحين الموضوع

 

[إنسانه وأكثر]

لاتحاتين حبوبه مرده بيهدا وهذي مواقف مالكم مفررر منها لازم تصيرررر

انتي اذا رديتي اعتذري منه وقوليله ان شاءالله بتكون اخر مره

موفقه حبيبتي

 

[أم ريم]

نطري إذا قعد من النوم راضية بوردة وكتبي عليها كرت اعتذار و حطي عنده و صففيله من هالحجي الحلو و قوليله مستعدة اظل طول عمري صاحية و لاتقعد تنطرني برة جذيه ، و بعدين إذا هو دوامة لي الصبح يعني يطلع من البيت متأخر ، يعني ليش ما تخلينه هو اللي يغفل الباب واره و المفتاح مالج خليه عندج أو علقيه المهم انتي بالطريقة راح تظمنين ان الباب ما راح ينغفل عليه مره ثانية، والله انا هذي طريقتي لأن دوام ريلي شفتات فلما يكون دوامة ليل أقوله أنت أغفل الباب وراك لأن مالي خلق تقفل و شيل مفتاح و من هالسوالف و بالطريقة تظمنين عدم الإحراج والزعل و الباب مقفول :rerrerek:

 

[ام بديير]

حبيبتي حقريه واهو بيرضى بروحه لا تعودينه ,., باجر يصير عنده عادي يقط عليج الحجي وينطرج تراضينه ..

 

[ام بديير]

لوووووووووول انا اندمجت بموضوعج ,., بعد راحت عليج نومه شتسوين يعني !!!

وفي اسلوب احلى من جذي ,., ومووفقه حبيبتي ..

 

[فنكيه]

خلج رمنسيه وعزميه على ريوق او غده وييبيله هديه وكلميه قوليله والله نسيته

 

[MissChoco]

امبي ماااالوووومه

انا مره راده من السفر واشوه شقتي مبطله بس غرفة النوم ريلي نايم وقافل الباب ومو شايل المفتاح
امبيييه حدي انقهرت واشوي وابجي لاني كنت تعباااانه


انتي لا تفتحين الموضوع خليه لمن يهدا بعدين اعتذري