تكفون كويتيات ابي رايكم

[الحرة النداوية]

خدامتي كسرت شي غالي علي وهي زينه معاي ودايما تكسر في المطبخ اغراض واطوفها لها بدون عقاب ولا اخذ منها فلوس المكسور بس هالمرة غير احتريت حيل وهاوشتها وهي ببرود تقول ما دريت قلت باخذ معاشين قالت عادي والحين ماعرف شلون اتصرف معاها تكفون لا تخلوني ردوا علي باسرع وقت احس بنفجر

 

[shaikhat elbnat]

حبيبتي انتي قلبج طيب
و الرحمه حلوه و امبين انج رحومه
بس دامها مستهتره .. كل شي تكسره قصيه من معاشها
انتي طوفتي بما فيه الكفايه و اتلاقين منها استهتار ؟!!
والله انا ما عندي خبره بالخدم لاني مو متزوجه .. و يمكن قلبي ما يطتوعني اقص من معاشها
بس مادري موضوعج حرني

 

[وردة بيتنا]

انا اقول من الحين بيني لها ان اي شي تكسرينه باخذه من معاشج . بس لا تحسبين لها اللي طاف

يعني من المرة الياية قصي من معاشها

بس بيني لها انج جادة بالموضوع و ان اي شي ينكسر بينقص من معاشها . عشان يكون لها علم

 

[الوردةالمذهلة]

وانا من راي (وردة بيتنــا) حاسبيها من الياي

 

[كوارين]

مادري والله بس حرام تاخذين من معاشها
عالله وعلى هالمعاش


حاولي تزفينها