تكفون لا تكشتوون

[شيخه الغيد]

بنات اخوي بيروح 4. يعايرونه يهال انت ماتعرف تكتب ولا تقرا مايحب دراسه من أبلته عربي عكس اول تكفون انقذوني ابله تخاف ربها وشاطره حيل وحبوبه عربي تكفون

 

[مشغوله و محتاسه]

ماكو احسن من القاعدة الحلبية



الله يخليه لكم

 

[شيخه الغيد]

وين هالمكان؟ صعب نوديه معهد ابي مدرس او مدرسه للبيت فيه ذمه وضمير الولد حيل كاش من دراسه تكفون ذمه وضمير وبدعيلها طول عمري مابنساها قلبي يعورني عليه مابيه يكش من دراسه مشكوره اختي ويحفظج ان شالله

 

[Rero]

يا قلبي المنطق يقول اسعَ يا عبدي واستعن بي أبارك سعيك

مثل ما قالت لج الإخت ودوه القاعدة الحلبية مكانها بالأندلس

صوب بيوت الحكومة يم مكتبة السنافر بأخر الشارع يم الإشارة بالضبط

و مو بس أخوج اللي جذي للأسف الحين معظم الجيل اليديد يوصلون للمتوسط

و قراءة ميح و جايز أخوج يعاني من الدسلكسيا عشان جذي كاش من الدراسة

تأكدي أول لو حالته دسلكسيا و لا لا لأن ما راح ينفع معاه التدريس

لأن بطيء بالفهم جداً و صعب يستوعب إذا فيه دسلكسيا ودوه جمعية الدسلكسيا الكويتية

و راح يحلون المشكلة بكل سهولة و يسر لأنهم متخصصين في هالشي

و لا تخافين الدسلكسيا مالها علاقة بذوي الإحتياجات الخاصة بتاتاً

و إن شاء الله قدرت أفيدج بشي

 

[ற!ŚŚ 7ŎǾř]

بصراحه انا طالبه بس انصحج بالقاعده الحلبيه نفس ماقالت مشغوله ومحتاسه اخواني كلهم بالابتدائي كــانو فيها وصج حيل تأسس ومو غاليه حيل رخيصه وبس وموجوده بكل مكان اذا تبين رقمهم ارسليلي ع الخــأص ..~

 

[iLLuMinaTion]

رفع لعيونج