تكفون نخيتكم ياخواتي

[عزتي بشموخي]

مرحبااا يالغاليات موضوعي بختصار اقسم بالله احس هم ع قلبي وحدي ضايقه الموضوع انا متزوجه وعندي ولدوبنت وماخذه ولد خالي مابينا اي شي حياتنا ولله الحمد اوكيه انا كاسبه خالتي والبنات بس عندي وحده من بنات خالي اهي متزوجه اذا جت البيتنا الناس تغير علي 180 درجه اضايق صك فيني الدنيا والله والله مع انه خبيثه ولا والمصيبه مدرسه تربيه اسلاميه تحش ونمامه بس خلاص مااعاد اتحمل زوجي لما اقوله يقول خليها تولي مناشبتني فيها غيرها موطبيعيه حتى خواتها اذا ضحكو معاي تعرفون اللي ودها تذبحهم اهي حمولتها لاعنيين خيرها تجي عندنا تحط الحره فينا والله طبعي هاديه بس ماابي اتمشكل معاه وزوجي حبيب لي حيل ومتفاهمين تكفون قولولي ذبحتني شسوي ع فكرها غيرتها بكل شي بكل شي

 

[~LiBrA~]

رد : تكفون نخيتكم ياخواتي

حبيبتي ريلج عطاج الحل لا تعورين راسه بهالسالفه ترا بعدين يكش منج ويمل من الحنه

مثل ماقال خليها تولي

واذا مقهورة منها بس فكري وحطي في بالج ان حمولتها لاعنين خيرها على قولتج ومطلعين حرتج كلها فيها وجذي راح يبرد قلبج شوي

والحمدالله انها مو قاصدتج انتي بالذات

عسى الله يهديها

 

[( مي )]

واحد من ال2
يا إنج تكلمينها رسمي وكلمة ورد غطاها وقت وجودها وما تعطينها فرصة انها تمسك عليج شي وتتمشكلين معاها
أو
ما تقعدين إذا كانت موجودة

 

[عزتي بشموخي]

رد : تكفون نخيتكم ياخواتي

هلا يالغاليه ام حيدر لا اهي قاصدتني انا حيل تصرفاااتها مبينه مشكوره يالغاليه ع ردج


..................................................


هلا يالغاليه مي والله ياحياتي تخيلي اذا اهي موجوده انا اروح لاهلي بس ماكو فايده اذا جت القى البيت متغير ولا بعد تنام عندنا 4 ايام او 3 ايام حتى ريلها احس يبي الفكه منهااا والله تعبت

 

[احساس زوجه]

نصيحه من اخت لاختها


لاتشكين لرجلح شبيسوي لج


مثل ما قالو البنات يا اتكلمينها كلمتين لا تكثرين وتكبرين الموضوع عشان ما يوقفون وياها واتصير مشكله


والا ارفعي الجام وعطيها اكبر طاف


لاااااا واذا جت صبي الكشخه صب وخليها تموت من الحره

 

[عزتي بشموخي]

رد : تكفون نخيتكم ياخواتي

فديييييييييييتج يااحساااااس مشكووووره بس هذا اللي قاهرهااا اني انا كشيخه واحب اللبس والدراريع والبدل والعطور احس تموت قهر اذا لبست والله مبين عليهاا الغيره

 

[سوسن1980]

رد : تكفون نخيتكم ياخواتي

الله يعينك عندنا وعندك خير بس مالك الا التطنيش سلام وبس

 

[*loveli-noni*]

انا مع الاخت مي

 

[ام جودي الحلوه]

رد : تكفون نخيتكم ياخواتي

نصيحه طنشيها ماكانها موجوده عطيها احلي طاف والحقران يقطع المصران وفيه وحده نفس حالتك اذا جات حماتها راحت بيت اهلها لحد ماترجع حماتها لبيتها وزوجها راضي يقول علشان ارتاح من المشاكل لانه يدري ان اخته غثيثه بس شنو يسوي ماله الا هالطريقه علشان يرتاح من وجع الراس

 

[عزتي بشموخي]

رد : تكفون نخيتكم ياخواتي

الله لايحرمني منكم وعسى الله يرزقكم الجنه

 

[احلى ـآ وحده]

رد : تكفون نخيتكم ياخواتي

لو انا منج احسن حل طاف جنها مو موجوده بالقعده

 

[شقرديـه عالطل]

طاااف ولاتخلينها اكبر همج وغلط اتشكين عند ريلج هذي سوالف حرييم لا تقدم ولا تاخر

 

[الأميرة جوري]

رد : تكفون نخيتكم ياخواتي

حمدي ربج انها متزوجه ومفتكه منها لو عندكم جان طفرتج صح واظاهر فيها عقده ومحتره ليش اهلي عليها مو مثل حمولتي علي .ولامدرسه تربيه اسلاميه استغفر الله