تكفون ولدي معور قلبي ابي الرد الي يبرد قلبي

[^غلاي أنت^]

السلام عليكم ..
حبايبي ماعليكم امر بغيت رقم محمد عبدالعال العتيبي الي يجبر الكسور..
او متى اروح له بالضبط بعد الفطور ولا عقب صلاة العصر؟؟
الي عندها خبر ترد ..ولدي عمره سنه 1 ونص طايح وجتفه وارم ووديته الطبيب يقولون مافيه شي..
ناطرتكم الله يعافيكم ..ردوا علي

 

[a7la MUM]

اسم الله عليه حبيبي
الله يحفظه ادعيله حبيبتي
الله يشفيه والله ماعندي فكرة بس لاتأخرين عليه

 

[@Miss Dio@]

رد : رد: تكفون ولدي معور قلبي ابي الرد الي يبرد قلبي

سويتي اشعه ؟ ما ادري انا ولدي لما كان صغير ورمت ريله وديته مع الاشعه لمساعد السعيد بس مجبر ما ادري اختي عنونو عظمه لين

 

[^غلاي أنت^]

رد: رد : رد: تكفون ولدي معور قلبي ابي الرد الي يبرد قلبي

اي سويتله يقولون مافيه شي بس يكسر الخاطر حتى مايقدر يقلب واهو نايم من العوار

 

[@@روح الورد@@]

ما يشوف شر


انتي سوي اشعة وانا بحاول ادور رقمة او حتى عنوانة بس اللي اعرفة انة ساكن بالفحيحيل ولو تروحين اي واحد تسالينة عن بيدليج عليه

 

[غير كل الناس]

بعد قلبي مافيه الا العافيه

انا سمعت انه تعبان والهندي بمكانه

 

[^غلاي أنت^]

الله يسلمكم..
مشكورين حبايب قلبي لا هنتوا رحت لبيت الشيخ لقيته خلص استقبال الناس واذا اي احد بيروح عسى الشر مايجيكم لازم تاخذون رقم قبل الفطور وعقب الفطور يبلش لي الساعه 10 بالليل تقريبا لاني رحت 10 ونص قالوا موموجود تعالي باجر

 

[اللاندكروز]

انشالله مايشوف شر ويفرح قلبج بسلامته

 

[@@روح الورد@@]

دورته لج يقولون ما يعرفونه وخالتي اللي ساكنه بالفحيحيل رايحة العمرة

ياليت تحطين عنوان او رقم المجبر محمد للافادة الغير
والله يقوم ولدج بالسلامة