تكفون يا ابلات دشو وردوا

[حبيبة نفسي]

[مرحبا حبايبي
بختصر عليكم آنا بقالي كورس واتخرج من كلية التربية جامعة الكويت تخصص اسلامية م/ث
بسألكم اذا سحبت اوراقي لمن تدزها الجامعة للديوان وقدمت من جد وجديد على وظيفة غير التدريس يوظفوني او لا
لان اختي لما جربت التدريس تقولي لايحوشج
ويارب اللي ترد علي الله يرزقها من اوسع ابوابه]

 

[Turquoiseya]

اللي اعرفه انتي تقدمين اوراقج مو الجامعة تدزها للديوان

روحي للاوقاف يقبلون تخصصج

الله يوفقج

 

[حبيبة نفسي]

رد : تكفون يا ابلات دشو وردوا

اجمعين حبيبتي

 

[جنى الجنتين888]

اذا طلع ترشيحج للتربية ارفضي بس جذيه يمكن اطولين لين يقبلونه بالأوقاف.
رفيجت اختي تخرجت معاها من التربية الاساسية عربي ويوم قدموا على الديوان اقبلوا اختي تربية ورفيجتها الأوقاف بدون واسطة بس هذا كان قبل ٧سنين قبل لا يمسكون الوزاره حريم
والله يوفقج وصلي استخارة واستشيري اهل الخبرة والله يكتب لج اللي فيه الخيره.

 

[أبله^زوزو]

انا الي اعرفه ان التربيه محتكره التربوين (خريجي كليه التربيه)

انا كنت ابي النفط بس اول ترشيح لي التربيه كان

فمادري شالطريقه انا سمعت يبيلها واسطه وقبل كانت السالفه سهالات الحين حتى يبيلها واسطه قويه

والله يعينج ان شاءالله التربيه موقتلت طموحنا دفنتنا بالحيى