تكفون يا كويتيات مالي الا الله ثم انتو

[غلاتي عيالي]

.. السلام عليكم و رحمة الله ..​

تكفون يا كويتيات مالي الا الله ثم انتو​

انا تعبت من حياتي :eh_s(2):​

انا متزوجه صارلي 17 سنه و كنت عايشه حياتي مستقره ولله الحمد
ما كنت اشكي من شي و ما اتمنى اعيش بحال غير حالي :yaaaaaarb:​

من 5 سنين تغيرت حياتي ريلي ترك دوامه و صار مهمل
اهمل دوامه و بيته و عياله و اهملني معاهم
ما ادري شنو غيره ! ما ادري شنو قلبه ! ما ادري شنو عفسه !
حاولت اسمع منه و حاولت اغيره و حاولت اعرف شنو اللي غيره
مو راضي يفتح معاي هالسيره
انا اللي اصرف على البيت و على عيالي و على الخدم
انا صرت لعيالي الام و الابو
أهمل كل شي ما يقوم بدوره ولا مسؤولياته
حاولت معاه بكل الطرق ما تسنع
خمس سنين و كل ماله تسيء حالته
صار مايحب يسمع مني شي ولا يتحمل مني كلمه
اي كلمه يترك البيت و يطلع
صار البيت عنده مثل الفندق
يرد ينام و يقعد الصبح يطلع
مع اني قايمه بكل واجباتي معاه و مو مقصره بشي بس ما ادري شنو اللي غيره​

تكفون يا كويتيات انا محتاجتكم
دلوني على الحل ؟!
شرايكم ؟! شنو اسوي ؟!
و اللي ما عندها حل ابي منها دعوه :eh_s(17):​

 

[popa]

اول شي لاتصرفين عليه فلس
يعني بس صرفي عالبيت والعيال لكن اهو خليه مفلس يمكن يحس على نفسه ويدورله وظيفه
الله يعينج عليه

 

[دلوعة صلوح]

الله يهدى لج يارب العالمين.

 

[مناير ...!]

عليكم السلام
الله يعينج
مشكلتج ماتنطرح بمنتدى مشكلتج تحتاج اهلج او اهله دامج عيزتي تفهمين منه
صعبه اتقومين بكل شي وانتي ماتدرين شنو المتغير بريلج

 

[اانثى ولاكن]

ياحياتي الله يسخره لج وترجعون مثل قبل واحسن

 

[iLLuMinaTion]

الله يعينج

 

[الجوهرا]

مالج الا الدعاء والاستغفار لاحد يقولج سوي وسوي هذا زوجج وانتي ادرى فيه ادعي اللهم سخرلي زوجي كم سخرت البحر لموسى

 

[ام يـوسـف]

بعد قلبي والله كسرتي خاطري عسى ربي يفرجها عليج
اول الشي لازم تتقربين منه وتفهمين شنو السبب التغير
ويعدين اتصارحينه بشعورج والتعب اللي قاعده اتمرين فيه
وانه البيت والعيال والخدم كلا صار عليج بس خلي كلامكم هادئ
بدون اصراخ ونجره تقربي منه وقوليله ايد وحده ما تصفق
وانج وايد تعبتي واخذيه باللين عسى ربج يهديه لج ولعيالج
وقوليله انا راح اساعدك لين تحصل وظيفه ونتساعد عشان حياتنا لا تضيع
وصبري انا والله اني مريت نفس المشكله ورحت بيت امي وزعلت وندمت بالاخير
ورديت وساعدته وكلمت ناس لين توظف وقام يصرف على بيته وكانت معاناتي والله اربع السنين
وانا بضيم
الله يساعدج ويقويج يارب ويهون عليج

 

[وجدان الحلا]

حبيبتي الله يصلح حااالكم

 

[*E.B.D.A.3*]

المشكله انتي سويتي كل الي عليج يعني
تكلمتي معاه وقربتي منه وسويتي كل شي !!
يعني حتى ماخليتنا مجال نقترح !!

انا اخاف اهوه حايشه اكتئاب ؟؟
لان اكيد قاعد يعاني من حاله نفسيه معينة
يعني المزاج السيء كلنا نمر فيه وبعدين نصير اوكي ونكمل حياتنا بشكل طبيعي
بس انت ريلج مستمر 5 سنين !!

يمكن ريلج كانت متعشم بشي بدرجة قوية بعدين ماتحقق وحاشه احباط وكره عيشته كلها !!
او يمكن مر بمشكله معينة عقدتله حياته كلها وخاش عنكم هالشي !!
عفوا بس انتو علاقتكم الزوجية الخاصه، ممتازة والا هم تاثرت بتأثر نفسيته ؟؟
لان هم يمكن يكون ضعف معين حاشه وعليها انطوى على نفسه !!

في شي صار له ،، وهالشي كان نقطه تحول بحياته !
وماكو احد ممكن يعرف هالشي غيرج ،،
ردي بالوقت لي ورا وشوفي بالضبط متى اهوه صار جذي؟
ولمه صار جذي .. شنو اول شي بدى يهمله ؟
شنو اول شي عافه ؟

شنو اهيه مصادر مشاكل زوجج بحياته؟ ربعه ؟ دوامه؟ اهله ؟
شنو نقطه ضعفه ؟ معاشه شويه؟ يطمح انه يكون شخصية ؟ يسكت عن حقه؟ طيب اكثر من اللازم؟

يمعي كل الاجوبة يم بعض وراح تعرفين اشفيه ...

 

[توتا حمرا]

والله مادري شقولج الله يهديه

وغلط انج تصرفين لازم اتحطين له حد ومااتقطين ولا فلس من جيبج

 

[Beyoncee]

المشكله انتي سويتي كل الي عليج يعني
تكلمتي معاه وقربتي منه وسويتي كل شي !!
يعني حتى ماخليتنا مجال نقترح !!

انا اخاف اهوه حايشه اكتئاب ؟؟
لان اكيد قاعد يعاني من حاله نفسيه معينة
يعني المزاج السيء كلنا نمر فيه وبعدين نصير اوكي ونكمل حياتنا بشكل طبيعي
بس انت ريلج مستمر 5 سنين !!

يمكن ريلج كانت متعشم بشي بدرجة قوية بعدين ماتحقق وحاشه احباط وكره عيشته كلها !!
او يمكن مر بمشكله معينة عقدتله حياته كلها وخاش عنكم هالشي !!
عفوا بس انتو علاقتكم الزوجية الخاصه، ممتازة والا هم تاثرت بتأثر نفسيته ؟؟
لان هم يمكن يكون ضعف معين حاشه وعليها انطوى على نفسه !!

في شي صار له ،، وهالشي كان نقطه تحول بحياته !
وماكو احد ممكن يعرف هالشي غيرجدي بالوقت لي ورا وشوفي بالضبط متى اهوه صار جذي؟
ولمه صار جذي .. شنو اول شي بدى يهمله ؟
شنو اول شي عافه ؟

شنو اهيه مصادر مشاكل زوجج بحياته؟ ربعه ؟ دوامه؟ اهله ؟
شنو نقطه ضعفه ؟ معاشه شويه؟ يطمح انه يكون شخصية ؟ يسكت عن حقه؟ طيب اكثر من اللازم؟

يمعي كل الاجوبة يم بعض وراح تعرفين اشفيه ...

والله انج صج ابداع
كلامها عين العقل

 

[ام كوثر2007]

سويتي كل اللى عليج الحين لازم اهله يتدخلوون ويشووفون له دبره علي الاقل عشان مصاريف عياله

عسى الله يعينج ويسخره ويهديه لج

 

[أشبـاهـ المطـر]

قبـل خمس سنين طـرأ عليكم شي جديد ؟؟
يعني نزلت منزل جديد ؟؟
خذا ترقيه ؟؟
شرا سياره ؟؟

اذا بيتح فيه صور ومجسمات اطمسيها
وشغلي البقره يومياً ...
استودعي بيتج ونفسج وعيالج وزوجج واهل بيت كل ماطلعتي
وقولي اللهم أني اعوذ بك من كل عين لامه وكل شيطان وهامه ...

إذا كنتي تعاتبينه وقفي العتاب
وحسسيه بحاجتكم باسلوب لطيف
هالامور تاخذ وقت الصـبر الصـبر
أجره عظيم والله يأجرج في مصيبتج إن شاء الله​

 

[ديانا سبنسر]

شنو سبب التغييير علشان نساعدج بالحل

 

[انثى عاشقة]

اذا عرف السبب بطل العجب
جذي محد راح يقدر يساعدج انتي الي ادرى بكل تفاصيل حياتكم
اذا حيل حيل مافي فايدة لازم تشوفين احد من اهلك او اهله يوقف معاج
الوضع جذي اوفر والمدة خمسة سنين مهي هينة !!!​

 

[أحمرجوري]

المشكله لي واجها زوج اهني وانتي ذكرتيه
من 5 سنين تغيرت حياتي ريلي ترك دوامه و صار مهمل
اهمل دوامه و بيته و عياله و اهملني معاهم
ما ادري شنو غيره ! ما ادري شنو قلبه ! ما ادري شنو عفسه !

خليه يرجع لدوامه او يفتح مشروع لان الشغل والدوام فيه يرتب حياته من الالتزام والمسئوليه تجاه نفسه وتجاه غيره ​

 

[جوري 2007]

عبالج لما تقومين بكل واجباتج بتملكينه الا بتنفرينه منج وانتي مو حاسه

اتخذي مو قف حاسم وصيري انثى البيت مو ابو البيت مع احترامي لج

 

[مشتاقة الى الله]

الله يصبرنا حنا الحريم

كل شيء فوق روؤسنا

حبيبتي الله يجبر بخاطرج موضوعج جد يكسر الخاطر

ما ادري شاقول غير الله يكون في عونج حياتي

 

[دلوعة أبوهآ]

الله يفرج همك ويسخر قلبه لك :eh_s(17):