تكفوون الحقوني ( عواار الخياط موو طبيعي ) شسوي

[بدويه دلوووعه]

السلام عليكم ورحمة الله وبركاته


بنات آسفة والله بدش بالموضوع على طووول مايحتمل المقدمات

أنا والدة صارلي 5 ايام وسويت خياط تجميلي والعوار مووووووو طبيعي

عطوني التحميله والمضاد وحبوب ثانية ومع ذلك احس بالعووار

شسوي مو قادرة اتحمل فيديوني بأي شي

وهل انتم حصل معاكم عوار جذي ؟

وعسى الله يرزقكم بالذرية الصالحة :yaaaaaarb:

 

[المتفائلة تعود]

رد : تكفوون الحقوني ( عواار الخياط موو طبيعي ) شسوي

غريبه ؟

المفروض ما تحسين بذاك العوار شي بسيط و تحسين بشد مكان الخياط...اخاف الجرح ملتهب راجعي دكتورتك!
هذي اول ولاده لك؟

حمدلله على سلامتك...وماتشوفين شر

 

[بدويه دلوووعه]

المتفائلة تعود

مشكوورة ياقلبي ع الرد ، الله يسلمج والشر مايجيج

لآ ياقلبي اللي يعورني بالضبط مكان المقعدة

والله مدري عاد الدكتور احسن واحد بالخياط

مشكورة ياقلبي عبرتيني ورديتي علي

 

[كراميل لاتيه]

اخاف بواسير او شرخ بالولادة

 

[NODA 2]

عادي تقريبا عطيه بعد 5 ايام وراح يخف واااايد اهم شي لا تنسين بخاخ البيتادين وكريم فوسودين واذا تبين موسكن
عند زيلوكين بس ما بنصرف إلا بوصفه طبيه اذا تعرفين احد في مستوصف وصيه عليه يكون مثل جل مخدر حق االخياط


وسلامتج

 

[.،:"$الـعـوبــــة$":،.]

رد : تكفوون الحقوني ( عواار الخياط موو طبيعي ) شسوي

الحين اللي يعورك مكان الخياط ؟؟
والا مكان القعدة كلها اللي هي الخلفية ؟؟
لأن اذا الخياط عندك الخوى جوى رووووووووووووووووعة ن وبترتاحين عليه ،،
اذا المقعدة نفسها ، هذا لأن الحوض توه متوسع على حجم البيبي عشا يطلع وتعورك عظامك ، انا بولدي والله ماكنت قادرة اقعد من العوار !
وحمدالله على سلامتك مرة ثانية ،،​

 

[ليتني ما حبيت]

ضرور ي اشترى حبوب فولترين اقوى نوع والله راح تدعين لي صج خطيرة وبخمس دقايق ماراح تحسين بشي

 

[سنا الفضة]

صارت لي نفس السالفة ببجري وماقدرت اتحمل خامس يوم رحت للدكتورة ابجي ماقدرت اصبر ...
قالت لي الخياط سليم ..... تدرين شطلع السبب؟؟
البواسير تكرمين وعطوني لها تحاميل وكريم من اول استخدام ارتحت ....
راجعي دكتورج وتأكدي وانشالله ماعليج الا العافية ....

 

[Tulips]

رد : رد: تكفوون الحقوني ( عواار الخياط موو طبيعي ) شسوي

ضرور ي اشترى حبوب فولترين اقوى نوع والله راح تدعين لي صج خطيرة وبخمس دقايق ماراح تحسين بشي

بس ديري بالج اذا له تأثير الدوا على المرضعه اذا كنت ترضعين

 

[.:lady bug :.]

رد : تكفوون الحقوني ( عواار الخياط موو طبيعي ) شسوي

حمدالله ع سلامتج
وماتشوفين شر ي قلبي
ومبروك مايبتي
والله يجعله من الذرية الصالحة

 

[الباسمه]

حبيبتي راجعي الدكتور لان يمكن ملتهبه
والبنات ما قصرو لازم البخاخ عشان تنشف الخياطه
واذا الالم استمر يمكن يكون بواسير او شرخ
لان اختي عبالها الالم من الخياط وطلع من الشرخ
الله يشفيج ويقومج بالسلامه

 

[حراير2]

اذا الخياط انا كنت اتنقع بماي دافي وخوا جوا وملح مرفبي
كنت ارتاح يسحب العوار ويريح

 

[Pissy Missy]

انا صار معاي جذي في بجري
حتى ما كنت اقدر اقعد واذا بغيت اقوم لازم احد يساعدني ومشيتي غلط
بس عقب 10 ايام لما راجعت دكتورتي وشالت لي الغرز وايد خف على وارتحت
كانت مسويتلي تجميل من فلب

 

[ملكه الحطب]

مبرووووووووووك
والله يشافيج ياااااااااارب
روحي الدكتوره وتشوف شنو فيج احسن

 

[fofowa_q8]

انا كنت نفسج وايد عورني الجرح ماكنت اقدر اقعد ورحت حق الدكتوره قالت ماكو شي

وشالت لي الغرز وارتحت شوي بس استمر العوار معاي والله يمكن 3 اسابيع وبعدين راح

روحي تأكدي اخاف الجرح ملتهب الله لايقدر او الخياط مفتوح

 

[خليفة العظماء]

واااااااي حيااااااااتي ربي يخفف المك يارب
ماعندي فكره بس االي اعرفه الخوا جوا حيل زين ,, وروحي الطبيب احسن

 

[*Little**Angel*]

شوفي
ما فيج الا واحد من اثنين

يا بواسير وعندج تحاميل تهبل اسمها نيو هيلار تريح واااااايد

او
التهاب بخياطج ولازم تاخذين مضاد ومثل ما قالوا البنات الخواجوا
(تحطين زيت زيتون عالنار وتخلينه يحتر شوي وتحطين عليه كسرة مره ونتفه عنزروت وشوي محلب وشوي خواجوا وتحوسينه وعقب تشخلينه وتستخدمينه وان شاء الله ما تحسين عقبها بشي)
وما تشوفين شر ان شاء الله

 

[مدمنة ككاو]

لا الخياط ما يعور تحسين بس ان المكان مشدود يمكن اذا عطستي او كحيتي تحسين بشوية الم

يمكن ملتهب او بواسير لازم تجيكين مع الدكتور

 

[سنفورة24]

رد : تكفوون الحقوني ( عواار الخياط موو طبيعي ) شسوي

زيت زيتون وكركم وحطي بالكوتكس وشوفي