تكفوون ساعدوني لاحد يسفهني

[نواااري]

عندي مشكلتين الاولى


حجم الصوره اللي ابي اصمم عليها كبير صغرته بالفوتوشوب وسويت التصميم وحفظته رد حجمها الطبيعي كبيره حيل شالحل؟؟؟

والمشكله الثانيه ابي اسوي شريط اخباري متحرك

سويته بس المشكله ان الكلام اللي ابيه طويل حيل يطلع نصه شهالحل؟؟؟

بليز ساعدوني:eh_s(2)::eh_s(2)::eh_s(2)::eh_s(2):

 

[نواااري]

والله الكل سفهني شدعووه محد يعرف

 

[Miss-LuLu]

حبيبتي مستحيل تصغرين حجم الصورة وتسيفينها وترد بحجمها الطبيعي

طريقة تصغير حجم الصورة:

من قائمة Image اختاري Image size

وبالنسبة لسؤالج الثاني :

لازم تحركين الكلام لي اخره عشان يبين وياج بالشريط المتحرك

 

[نواااري]

اول شي مشكوره على ردج لي

وحجم الصوره والله يرد مثل ماكان مسويه نفس اللي قلتيه شنو الحل بليز

انزين حبويه شلون احرك الكلام

 

[يـــا بعدهـــم]

أهلين حبيبتي ~

بعد مآتبطلين الصورة تأكدي إنج قاعد تشتغلين عليهآ وحجمهآ 100% ، يعني ضغطي على أدآة التكبير دبل كليك !

،

الحين عندنآ طريقتين للتصغير ، الأولى مآقصرت مشرفتنآ مس لولو كتبتهآ

الثآنية سهله وبسيطة !

بعد مآتبطلين الصورة ، افتحي القفل منهآ { بالضغط على قآئمة Layer / بعدين New / ونختآر Background From Layer } أو نفتح القفل بالضغط على لآير الصورة دبل كليك ..

الحين نضغط من الكي بورد على Ctrl + T بتطلع ويآج مقآبض على أطرآف الصورة ، هالمقآبض تخلينآ نتحكم بحجم الصورة ، وصغريهآ بكيفج !

بعدين نحذف الجزء اللي مآنبيه بأدآة الاقتصاص هذي

بالنسبة لـ سؤآلج الثآني

تحركين النص اللي كتبتيه بأسهم الكي بورد ، تضيفين فريم وتحركين النص بسهم الكي بورد لجهة اليسآر وتخلينه مآيبين ، وبالفريم الثآني تحركين النص بسهم الكي بورد لجهة اليمين وتخلينه بعد مآيبين ، ومو مشكلة لو الكلآم طويل أو قصير لأن بكل الحالتين انتي بتحركينهم لأقصى الجهى سواء اليمنى أو اليسرى

وهالدرسين بيفيدونج

هون أو هون


موفقه

 

[نواااري]

مشكووووووووووووووووره ياقلبي بحاوووول أسوي اللي قلتيه

 

[نواااري]

يابعدهم

للاسف سويت الي قلتيه بس رجعت الصوره لحجمها الطبيعي حيل كبيره


بليز شنو الحل

 

[Miss-LuLu]

حبيبتي ياريت تصورين لنا الشاشه عقب ماتصغرين الصورة

 

[نواااري]

شكل الصوره بعد التثغير نفس الصوره اللي حطتها يابعدهم اللي فيها الاقتصاص

انا طبقت نفس اللي قلتو

وكل شي تمام بس لمن اسيفها حجمها يرد مثل ماكان :eh_s(2):

 

[ديناا كوليكشن]

وعليكم السلام والرحمه

حبوبه ممكن تحطين لناا طريقتج بتصغير الصور
وشلون تخزنين الصوره ؟

لان مستحيل تغيرين حجم الصوره وترد كما كانت
ماعليه تحمليناا شوي
واحناا ان شاء الله بنساعدج باللي نقدر عليه :eh_s(21):​

 

[نواااري]

طريقتي بتصغير الصوره طبقت مثل اللي قالته يابعدهم والحفظ أسوي حفظ باسم واختار الصيغه وحفظ

واذا بالايميج ردي ملف_ حفظ المحسن باسم_والصيغه أختارها وحفظ

أتمنى القى حل