تكفوون قاعده ابكي ساعدووني

[مهووووش]

تكفووون ساعدوني مدري وش اسوي توني جايه من مطعم انا وزوجي كنا بمطعم وجنبنا ناس وانا مانتبهت يقولي في عجوز جالسه قدامي شوي واحنا قمنا علشان نطلع تخيلو لقيت الي قدامه بنات كل وحده ماسكه جوالها انا طالعته بنظره عين قويه قال والله لاشوف نظرتك مره ثانيه ماتلومين الا نفسك تخيلو وصلنا للبيت وهو زعلان قلت منو الي لازم يزعل انت الي كذبت علي تقول عجوز وطلعو بنات قام وطقني وقالي مابيك بريال وطلع وقاعده ابكي ماكان بينا شي وذكرا زواجنا يوم الخميس واحنا مسافرين مافيه احد بنات هو مو حق بنات ولا شي حتى الدخان مايحبه وراعي صلاه بس مدري ليش سوا كذا تكفوون خففو علي

 

[زوجة عزيز]

يمكن موقصده يطالع ويوم شفتيه مابغاج اتغيرين ترا سالفه عاديه ماتسوى انج اتسوين ابروحج جذي خاصه انه قلتي ماعنده هالسوالف الحمدلله يعني ماقط شفتي عليه شي الله يسخره لج

 

[* ملكني الخوف *]

يمكن يوم قالج عيوز مايبيج تغارين وخل يولون ليش تبجين بالعكس انتي احسن منهم وزوجته بالحلال امسحي دموعج واتصلي عليه وتدلعي ولاتخربين حياتج عشانهم قوليله انا اغار عليك ومابيك تشوف غيري عشان جذي تضايقت

 

[أغلى أمنياته]

الله يهديه ويسخره لج​

 

[franshiska]

حبيبتي انتي من النوع اللي وايد تغارين ؟؟
وهل غيرتج تسبب مشاكل بينج وبينه ؟؟
اذا اجابتج اي
معناته ان ماله خلق تنكدين عليه الطلعه

أو يمكن كانت عجوز فعلا وقامت والبنات خذوا طاولتها

حبيبتي لا تنكدين على نفسج ولا على زوجج لا يمل منج
ومره ثانيه اذا رحتي مكان خلي يقعد يجابل الطوفه

والحين قومي غسلي ويهج وصلي ركعتين وادعي ربج ان يشرح صدرج ويمسح على قلبج
وتمكيجي وقعدي نطريه

وقوليله هذا الشيطان دخل بينا

 

[! بــدويه وآآيــد !]

،

تعوذي من ابليس حبيبتي وهو غلط صراحه الله يهديه مادري شقولج

 

[غنج بدويـه]

طقج !!
شلون يطقج وتسكتين له
الله يهديه بس

 

[الحوراء_بنت نجد]

الموضوع في صوب والطق في صووب
لاتسامحينه على الطق ولا بتاخذ ايده على الطق نصييحة

 

[MissChoco]

شوفي اهوا غلط لمن قالج عيوز اوكي يمكن مايبي يقهرج وانتي تاكلين ومايبي يعكر جو الطلعه

بس يطقج ليش!! ماله حق يمد ايده عليج

 

[أإلع ـشق دلع ـهـأإ]

.












والله مآدري شقول

بس الله يهديه ويسخره لج ..





















.

 

[شموسة كيوت]

الله يكون بعونك حبيبتي ترى الغيرة الزايدة تسبب مشااكل وتوصل الى مالايحمد عقباااااااااااه انتبهي

 

[سعوديه ربشه]

حبيبتي وقفيه عند حده من ناحية الطق ولا ترا بتندمين

 

[jooosy]

اول شي نظرتج حقه كلللش مو حلوه جدام خلق الله
واذا بنات قاعدين عادي خل يكون عندج ثقه ابنفسج
واهو جذب يمكن عشان مايبي يخرب الطلعه
واذا على قولتج اتعرفينه عدل ومو راعي سوالف عيل ليش زعلتي
بس الطق مااااااااااله حق يمد ايييييده
لو مهما صار

 

[مولاي الفرج]

اهو الموضوع شوي سخيف عادي طوفي بس سالفه انه يطقج ماله حق

مو لي هالدرجه

ان شاءالله يراضيج ومايعيدها

 

[غلآوي .~]

حبيبتي دامه قال عجوز معناتها ما يبيج تغاريـن ومايبي يخرب جو الطلعه
وانتي الغلطانه يوم تقوليله تجذب علي الظاهر تنرفز ومد ايدهـ بس ماعليه
غلطه وصاارت .. ماله داعي تكبريـن الموضوع وخففي عليه

الله يهديـــه ويسسسسخرهـ لج ..

 

[مألوفة]

الحين ايي يراضيج ما عليج مسحي دموعج يلا روحي كشخي وتمكيجي وقعدي وسوي نفسج زعلانة عشان يراضيج<<<<<رد دبلوماسي

 

[FeShinGoOo]

لاتخلين غيرتج تهدم بيتج حبيبتي والمفروض ماتسئلينه منو قاعد جبالك بذكائج وبطريقه غير ملحوظه تشوفين بنفسج ..
انتي جذي تخنقينه بالغيره والشك .. يعني لو تلفونه ران وقايلتله منو داق عليك تنبلع بس بمطعم وتسئلينه منو جبالك هاذا شي يغث الصراحه

 

[masoo 511]

يمكن يوم قالج عيوز مايبيج تغارين وخل يولون ليش تبجين بالعكس انتي احسن منهم وزوجته بالحلال امسحي دموعج واتصلي عليه وتدلعي ولاتخربين حياتج عشانهم قوليله انا اغار عليك ومابيك تشوف غيري عشان جذي تضايقت

معاها لاتكبرين السالفة والغيرة اللي مالها معنى تضر وخليج واثقة من نفسج لا تخلينه يندم انه خذاج او طلع معاج لاتخربين بيتج

 

[حكاية شهرزاد]

مايبيج تزعلين وبنفس الوقت يبي يغازل ..

اذا هو عادي ليش يقول عجوز وينكر البنات ..

شفيه هذا ؟

لاتطالعينه بنظرات ولا تتحدينه .. عشان مايزفج ..

هو يبي يتحداج تتحدينه ؟؟

غيري اسلوبج معاه . مثل فلان قولي عادي انه بنات شفيها يعني .. خلك كوووول يبه .. بهالطريقة لانه مبين يبي يتلعب

 

[توتا حمرا]

اتعوذي من ابليس
اهو ما غلط يوم قالج ان قباله عجوز
يمكن بس ما يبيج تغارين
واذا اهو مو راعي سوالف حتى لو قباله بنات ماراح يخز فيهم
بس غلط يوم طقج
لازم تبينيله انج زعلانة يوم طقج وما تعخلينه يكرر هالشي​