تكفووون بستشيركم لا ترديني دخلي!!

[@محروسه@]

مرحبا بنات
انا لي اربع سنوات زواج وما الله كتب لي حمل
حملت مره بتلقيح وطاح بعد التحليل بيومين

انا معاي هرمون حليب مرتفع وغده ترتفع بسسس صار لي ثلاث سنوات منتظمه الهرمونات ودورتي منتظمه
سويت 6 عمليات تلقيح اصطناعي حملت مره وحده
وسويت طفل انبوب مره وحده وفشلت
سويت اشعه صبغه مره وحده قبل سنتين
كل تجاربي كانت عند مستشفى العرف عند الدكتور منصور
ورحت للدكتور ماجد الشمري سويت اخر تلقيح وبسس
وزوحي سلييم الحمدالله

الحين شنو اسوي زهقت حياتي حتى التمريخ سويت اكثر من خمس مرات
وحتى مطوع رحت

بنات شنو تقدرون تفيدوني اسوي في تحاليل معينه اسويها مع ان تبويضي مممتاز ليش ماتتلقح البويضات
كم مره يطلعون لي اكثر من خمس بويضات وماتتلقح ولا وحده احس في شي
تكفون ياعل ربي يرزق كل وحده الضنى
يمكن وحده تنبهني بشغله انا غافله عنها
مشكورين

 

[ابدا يالغالي مانساك]

دامج مشالله حبيبتي حملتي من قبل وكل شي فيج سليم اقولج شغله خليج علي سورة اابقره والاستغفار وربح كريم ماندري وين خيرته ياختي

 

[يستفزني غلاك]

الله يرزقج ي رب

 

[last piece]

روحي حق ناهق حماديه ما شاءالله عليه نسبة النجاح عنده من اعلى النسب بالعالم
وبالاخر الدكاتره سبب

ربي يكتب لج الخير ويرضيج فيه

 

[صبري نفذ]

استخيري وغيري دكتورج ومادام حملتي مره راح تحملين ان شاء الله
الحريم الكبار يقولون كل ساقط لاقط
داومي على البقره وسوره مريم والاستغفار والله كريم

الله يرزقنا الذريه ولا يحرمنا

 

[ليتني عيونكـ]

الله يرزقج ان شاء الله

 

[~سحابة~]

اي فعلا حبيبتي لا تيأسين
في ناس عشر سنين وسبحان الله احملوا
كملي علاجج والله يكتب لج الحمل عاجلا غير اجل حبيبتي

 

[@محروسه@]

الله يجزاكم خير على ردكم

احس مليت زهقت حياتي
صارت حياتي ممله مع زوجي مافي شي يسعدني معاه
دكتوري ماابي ارجع له بغير
محتاره بين فوزيه القطان وناهض و ماجده اليتامى

 

[احساس طفلهـ]

حياتي

تو ربي مكاتب لج الحمل وكل تأخير ه فيها خيره

نصيحه والله خلي الطبيب شهرين انسي كل مراجعات والتحليل

وعليج بالبقره يوميا ويس ومريم واكثري الاستغفار وخلي يقينك بالله

وان شاء الله تبشر ينا عاجلا غير آجلا

 

[@سيدة نفسي@]

جربتي الصدقة ؟!!

ياحبيبتي انتي تعالجتي عند دكاترة الدنيا ومانفعوج

جربي علاج رب العالمين وباذن اللي ماتنام عينه بيعطيج

ليمااا يرضيج سبحانه

" داووا مرضاكم .. بــالصدقة"

 

[حبي مودي..]

حبيبتي لاتنسين صلاة الوتر وسورة البقره الرقيه الشرعيه انت ارقي نفسك وماء زمزم ولاتنسين زيت الزيتون مقري عليه ادهني بطنك..الله يرزقك ويرزقني وكل محرووومه ياحي ياقيوم..

 

[عسل حدي]

اب اب اب

 

[العشوقة]

اسمعي بقولك على شي لاكن بعد الله كلامي لان الله مانع معطي معز مذل انا والله سويت حتى انابيب رحت جيت 9سنوات حملت بعد الله ثم الصدقه هذا اللي ابغاك تنتبهين لكلامي لاني احس بشعورك مريت باللي انتي فيه ياقلبي

اتصدقي اتصدقي اتصدقي لان احتمال فيك حسد يعني احد من قبل عينه عليك او على زوجك بس ماعليك باذن الله غير تحملين

لاوصيك على صدقة ملبس لمولود جديد

 

[عسل حدي]

اب اب اب

 

[سنفوره8]

توكلي على الله و تصدقي. واقرئي سورة البقره. والاستغفار

 

[qoot]

انصحج بناهض حماده وايد زين وشاااطر وفاهم شغله ونسبة نجاح اطفال الانابيب من اعلى النسب

وعليج بالصدددقه والاستغفااار وعسى الله يرزقج بالحمل القريب

 

[بحر الذكريات]

غيري دكتورج ولاتزمي بسورة البقره والاستغفار والله يرزقج ويرزقنا من واسع فضله يارب العالمين

 

[أأأميرة الورد]

التزمي بالدعاء والاستغفار


والله يرزقج

 

[bnt_kwt]

حبيبتي حاسه فيج الله يرزقج
بطفل كامل الصحه والعافيه بالقريب العاجل
بس بسأل سؤال
جم وزنج ؟ هل تعانين من السمنه ولا لا
اذا تعانين من السمنه بس حلج وعلاجج بيدج
ضعفي وعقب ما تضعفين بتحملين
ياريت تجاوبيني على سؤالي عشان انا افيدج باللي اعرفه

 

[اميره بكلمتي]

شوفي حبيبتي بقولج عن تجربه صديقتي نفسك ظلت 7 سنوات من غير حمل وكانت تعالج باستمرار وفجأة تركت العلاج قالت بريح رحمي من العلاج ونخلي الموضوع لله اللي كاتبه ربي بصير وقعدت تستغفر وتقرا سوره البقرة وتتصدق بنيه الحمل أهي وزوجها نفس الشي ومع الاذكار وإلرقيه الشرعيه والدعاء استمرت عليهم عدل وسبحان الله مامرت 4 شهور سوت تحليل حمل وطلعت حامل

انتي سوي ألطريقه هاذي وقفي العلاج شهر او اكثر لانه مرات الرحم يتعب من العلاج ومايصيًر حمل سبحان الله واستمري بالاستغفار كثير والبقرة بنيه والله يرزقج بالحمل ان شاء الله وتبشرينا يااارب