تكفووون ردو علي وقولولي وين اروح؟؟؟

[مهاوي المزيونه]

السلااام
شلوونكم بنات شخباركم؟؟
بصرااحه عندي سؤال ويريت اتجاوبوني
لانه حيييييييييل منقهره وماعندي احد اقوله
امي ما ادري شلوون صايره مو حيل معاها وخواتي همن جذي
وابوي انساااان عديم الاحساس وووو.....
العايله الكريمه بكييييفهم قرروا انه انا حف ولد عمي بدوون ما ياخذون رايي وانا ابصراحه مااابي اتزوج الحين ابي اعيش حياتي وابي اتعرف ع زوجي قبل الزواج عشان اعرف شنو طبعه وجي.. اهمه يقولون انه حييل زين وحلو وفري وفاهم ومو متحجر و وحيد امه وابوه وامه حييييييييل زينه يعني بختصار هذا الي كل بنت تتمنااه وانا ولا مره شفته بس سمعت عنه لانه امه الزوجه الثانيه وما تجيلنا وايد اهي و ولدها...
المشكله اهيه
*انه انا ما احب ابوه الي اهو عمي
*وكل عماني متزوجين 2 او 3 حريم ومن ضمنهم عمي اخاف باجر يتزوج علي 70 مره بسر
*وانا خايفه يغصبووني ع الزواج علبو انه ولد عمي وعيب ارده
*اهم حاطين بالهم انه انا حقه وانه انا خلاص محجووزه بس اهم حتا ما خذو راييي وانا عنيده
فـــــ قاعد افكر اذا سووها ابي اروح اشتكي عليهم او اروح حق حقوق الانسان واخذ حقي اكييد بتقولون اشدعوا ياحافظ بس كلام ليش امكبره الموضوع بس السالفه هذي مو بس حجي اهم خلاص جادين





اي ونسيت اقوول ترا انا قلت ونبحت محد راااااد علي...
اشرااايكم سااعدوني حييل خاايفه وبلييز ردو علي لانه انتوا املي الوحيد وما عندي احد

​

 

[DA3LOoOLA]

الله يهداج بس هذا كلام بنت عاقلة شنو تشتكين على اهلج عشان شي بعده ماصار ويمكن بعد مايصير ؟؟؟
انتي بالاول شوفي الريال وقعدي معاه وبعدهاا صلي استخارة وانشالله الله يكتب الي فيه الخير لج اذا من نصيبج الله بسهل امورج واذا لا اكيد ماراح يكون بينكم نصيب واذا ماقتنعتي فيه قولي لاهلج انا مومرتاحتله والله يوفقج انشالله

 

[shaikhat elbnat]

والله يا حبيبتي انا فاهمه و عارفه عقلية اهلج مع احترامي لهم
رياييل ما اقدروا يقنعونهم و لا يطلعون من شورهم فما بالج انتي البنت

بس مو حل انج اتروحين و تشتكين .. و بعد ما تشتكين شنو راح اتكون علاقتج فيهم ؟ شنو نظرتهم لج ؟
اكيد راح يتصرفون معاج بتصرف خطير

اذا انتي واصله لي مرحلة انج تشتكين بحقوق الانسان فأنا اقول من باب أولى كلمي عمج و قوليله ما ابي ولدك .. و قوليله بيني و بينك هالحجي لعله و عسى انه يتفهم و يكنسلون السالفه من صوبهم

فلنفرض عدت هالسالفه .. اذا ياج خطيب ثاني اشبتسوين؟ هالمره ولد عمج و قادره توصلينله .. بس لو ناس ابعد؟!!

الله يعينج انشالله و ينور على عقول اهلج

 

[مهاوي المزيونه]

رد : تكفووون ردو علي وقولولي وين اروح؟؟؟

امي مالها رااي بالعايله والعايله يمكن تقولوون مشتته وابوي يبي يقلل مسؤليته تلوموني وثاني شي منو اب يسمعني

 

[الشهد كله]

انتي ياية بشرج ؟؟؟؟؟؟؟؟

انتي الولد ما شفتيه ولا تعرفينه ولا يعرفج ، بس العادات والتقاليد خلتهم يخطبونج ، تبين ترفضين وتشتكين

وتقلبين الدنيا عشان ولد عمج خابج ؟ اشدعوا اشصاير ؟؟؟؟؟؟؟؟؟؟؟

نا أقول روحي اشتكي على أهلج عند لجنة حقوق الإنسان أحسن لج :n2006107:​

 

[زهراء الركابي]

رد : تكفووون ردو علي وقولولي وين اروح؟؟؟

عسى ان تكرهو شي واهو خير لكم))))) صدق الله العظيم

انتي رافضه وماتبينه يمكن يطلع خوش ولد وترتاحين معاه

وافقي وفي فترة خطوووووووووووبة تتعرون فيها على بعض اذا ما عجبج قولي لاهلج جذي عيوبه واهو مو عاجبني واذا عجبج ان شالله خيرررررررررررررر والله يوفقج

 

[مهاوي المزيونه]

رد : تكفووون ردو علي وقولولي وين اروح؟؟؟

تسلمووون ع الردوود

 

[مهاوي المزيونه]

رد : تكفووون ردو علي وقولولي وين اروح؟؟؟

وشكلي راح اسكت وانطر وع قولتكم اقعد معاه واشوفه وبعدين اسير خير

 

[أنا Top أنا]

رد : تكفووون ردو علي وقولولي وين اروح؟؟؟

انتي كارهه الشي ..

ما تدرين يمكن فيه خير لج وبالاول والاخير ولد عمج ماراح يضرج

...وعسى ان تكرهوا شيئا وهو خير لكم ... والله يوفقج ~

 

[أبله كويتيه]

حياتي اول شي عيب تكلمين عن اهلج جذي شنو ابوي عديم الاحساس

واحنا برمضان .. (( ولاتقل لهم اوف ولا تنهرهما ))

كرمي اهلج مهما صار ومهما سوواا

ثانيا يمكن عقليتهم جذي ... اهو صحيح دام الواحد متزوج اكثر من مره فحطي احتمال يتزوج عليج بمستقبل

وعذره الكل متزوج من عمامه ...

بس بنفس الوقت ماتقدرين تفتين بهالموضوع

اانا اقول استخيري ولاتعاندين

وفكري عدل يمكن يكون احسن لج ن هذا الي بتعرفين عليه

ماتدرين اذا بهالزمن بتلقين واحد تعرفين عليه قبل الزواج يحبج ويحترمج ويصونج

وماتدرين اذا بييج نصيب غيره ولا لا

اقوول فكري واستخيري وخلج من هالحجي الي ماله معنى

 

[حجيه هيونه]

ماكو شي غصب الحين


لاتوافقين شنو يعني ماراح يسحبونج من شعرج ويزووجونج غصب


واذا كلش كلمي عمج وقولي مابي اتزوج مو غصب الزواج

 

[كرز حالي.]

رد : تكفووون ردو علي وقولولي وين اروح؟؟؟

حسيت من كلامج انج صغيره
ومفكره ان الزواج لازم اعرفه واحبه
لا حبيبتي مو شرط
اذا ولد عمج زين وخوش ريال استخيري وان شاء الله خير
وابوج اكيد يبي مصلحته
واذا اهلج يتزوجون 3 و4 اهو مو شرط يكون نفسهم
بعدين لاتفكرين بحياتج بعد 20 سنه لا غلط
فكري في الحاضر بس واذا ولد عمج موقاصره شي
توكلي على الله

 

[sweet dashttya]

رد : تكفووون ردو علي وقولولي وين اروح؟؟؟

ترى ما في شي بالغصب وهذا زواج من حقج ترفضين او توافقين

 

[حبيبي وبس]

انتي مثل حالة اختي ولد عمي ولااحد شاورها ولا شي
ومثلج بجت وصارخت ونبحت على قولتج وماكو فايده على انه خوش ولد
واللحين تجهز ومساتنسه وعرسها مو باقي عليه شي لانها بدت تعرفه شوي
ربي يوفقج اهم شي الاستخاره مو مني والطريج تقولين ماابيه او بتعرف عليه قبل الزواج ولا مااتزوج

 

[عيش و مرق]

دقى على ولد عمج وقولى له انت مثل اخوى بس لا اكثر ولا اقل ..... وقولى له لاتقول لاهلى انا داقه خلهم يفهمون ان الرفض منك

انت غيرت رايك يعنى

 

[chunkeya]

رد: رد : تكفووون ردو علي وقولولي وين اروح؟؟؟

وشكلي راح اسكت وانطر وع قولتكم اقعد معاه واشوفه وبعدين اسير خير

قعدي معاه وشوفيه .. اذا ما عجبج ولا ارتحتيله
قطيها بويهه قوليله انا مابيك مابيك !! خل يحس انج لايعة منه
فا مستحيل بياخذ وحده ما تبيه .. هالكلام في حالة انه ما عجبج

 

[هيبة ملك]

يمكن يكون أخير لج

أنت صبري

 

[فله]

لاتحكمين عليه
انا جذيه خذيت اخو مرت اخوي بالغصب يعني اخوي استحى يرد ابو زوجته لا ومطلق بعد ؟؟؟؟؟؟
ولا حد رد علي واللي يقهر اني يتيمة ابو تدرين شسويت ركعه ركعه استخارة ودعيت ربي الخيرة والحمدلله صار النصيب واتوقع لو خذيت واحد غيره ماراح احبه نفس زوجي رغم كل عيوبة المحبة من الله والتوفيق من الله بس انت قعدي معاه وشوفي لاتاخذين السالفة عناد
واهلج لاتقولين عنهم هالكلام
الله يكتب لج الخيرة كتبت قصتي عشان تكون لج عبرة

 

[مشتاقتلج يمه]

رد : تكفووون ردو علي وقولولي وين اروح؟؟؟

لالالالا لا دقين على ولد عمج لا اهي تقول عمرها ما شفته فشله عيب لا دقين

كل شي بالتفهم وحاولي تشكين لاحد قريب منج سواء عمج او خالج يقدر يحل المشكله

ادعي ربج واهي يفرجه لج انشاااء الله ويمكن يكون نصيب زين؟ لا تكرهين هاذا الشي يمكن يكون خير لج ما تدرين

صلي دايما ركعتين بالثلث الاخير وادعي واقرئي سورة يس وخلي املج بالله كبير يمكن يكون نصيب خير ليش لا ؟
صلي استخارة الله معاج انشاااء الله تتيسر امورج يارب وتنفتلج ابواب الخير والرزق يارب وانشاااء الله راح ادعيلج

لا تخافين ما في شي غصب اهم شي رايج

الله معاج
بالله يا بنات ادعوا لامي ترد بسلامه من العلاج بالخارج ويشفيه رب العالمين عاجلا غير اجالا
وان تتيسر اموري انا وزوجي وتنفتحلنا ابواب الخير والرزق امين امين امين

 

[ام القمرالمطيري]

الله يهديج دام كل الصفات الحلوه الي فيه وتفكرين تدورين غيره ليش ..؟

بدال تخافين ولا تفكرين بثاني .. ليش ماتسالين عنه اكثر عشان تتطمنين

وانتي شكو بابوه ولا امه .. انتي بتزوجين منو بالضبط ..؟

واذا تعرفتي ع واحد وانتي هدفج الزواج .. بس طلعتي مقروده والاخ هدفه االلعب وطلع مو زين شنو شعورج ..؟

ياما ناس تزوجو بدون حب واستمرو

مسالة اروح انطر واحد اتعرف عليه عشان ادرسه واتزوجه مااحب .. لان هالي بتعرف عليه .. لو في بنت احلى مني مرت بنفس اللحظه بيسكب لي وبيروح يغازلها .......... ع هالمبدا .. مبدا خزني وعجبته وغازلني واخذت رقمه .. اشلون ابني حب وثقه واسس بيت وزواج

بالله كل يوم مطيح بنفس المجمع ومتعرف ع قبلي وااجد

اصحي ياحلوه

شنو بتزوج عن معرفه وادور شخصيته

صلي استخاره واسالي عن ولد عمج .. حاولي اتعرفين شخصيته هو وتحبينه هو قبل الزواج

وان ماجازلج مو غصب بس مو تتسرعين ومو تبنيين حياتج ع منطق المسلسلات

وع فكره انا ولد عمي محيرني وحاجزني من عمري 17 لي 22 وماصار نصيب وقبله اخوه خطبني وانا عمري 14 وماصار نصيب ......... اخذت واحد من نفس قبيلتي بس كلش مانعرفه ولا نعرف اهله

يعني مو شرط .. بس انا اقول لاتستعجلين وتخافين وانتي ماتدرين عنه الا ان ابوه راعي زواج

مو شرط يطلع نفس تفكير ابوه .. ليش انتي نفس تفكير امج ..؟


والله يوفقج