تكفووون عندي صور حجمهم كبير وابي اصغرهم

[فدعة الكويت]

شلونكم يالغاليات

عندي صور حجمهم كبير وماني عارفه شلون اصغرهم وحاولت بس ماعرفت شلون

ياليت اللي تعرف طريقه تعلمني او تـفزع لي هي وتصغرهم لي واكوون ممنونه لها

والله يوفق اللي ترد على موضوعي واللي ماترد بعد

 

[Maneena Manaana]

طرشيلي ياهم واصغرهم لج

واذا تبين الطريقة قوليلي أي برناامج تستخدمين عشان اقول لج الطريقة

 

[فدعة الكويت]

حبيبي والله جزاج الله خير اختي

جيكي على الخاص يالغاليه

والبرنامج اللي استخدمه الرسام

وهذا اللي اعرفه بس

 

[عالي مستواها]

هذي الطريقة

لا مو من موقع التحميل

هو الصور أول ما تنزلينهم من كاميرا الديجتال أو كاميرا التلفون يكون حجمها كبير .. بس تقدرين تعدلينها ببرامج الجرافيكس مثل الفتوشوب والبينت شوب وإذا ما عندج هالبرامج تقدرين ببرنامج البينت " الرسام " تلقينه بملحقات الوندوز

حجم الصورة الطبيعي اللي ما يكون كبير حيل أو صغير حيل بحدود 500 بكسل × 500 بكسل



هذي طريقة شلون تغيرين أبعاد الصورة باستخدام الفتوشوب ..

اول شي تفتحين الصورة من file تختارين open

لما تفتح روحي لقائمة image >>> image size

غيري الإرتفاع والعرض بالبكسل أو بالسانتي وبعدها خزني الصورة بامتداد gif أو jpg بعدين ارفعي الصورة على أي موقع ما راح يأثر على الأبعاد

إذا مو عندج الفتوشوب استخدمي الرسام طريقته سهلة

 

[فدعة الكويت]

عالي مستواها

فديتج والله تسلمين ياقلبي

وجزاج الله خير