تكفووون لا تخلوني :(

[ريومة الرياض]

السلام عليكم
شلونكم يا بنات
اخيرا زوجي وافق يكون عيدنا هالسنه بالكويت :eh_s(9):
وان شاء الله بنكون في الكويت قبل العيد بيومين
لان الرياض بالعيد مررره عاديه
العام الماضي راح وقتنا كله نفرفر بالسياره :eh_s(16):
مافي اماكن ولا شيء :eh_s(2):

بس هالسنه ان شاء الله ننبسط وياكم
وياليت تعلموني كيف اوضاعكم يوم العيد
يعني وين تروحون وكيف يوم العيد بالليل
عطوني كل شيء تكفون
مابي اسال
ابي انتم تقولون لي كل شيء
مطاعم / منتزهات / اسواق / مسرحيات / سينما / كل شيء
مابي زوجي يقول الشرهه على اللي يسمع كلامك :eh_s(4):

انتظركم حبيباتي ربي يعافيكم :eh_s(7):​

 

[دلوعه كندا]

بالنسبه لي اول يوم نزور الاهل وبس.... باجي الايام جنه ايام عاديه ما يفرق

 

[مجنونة ولدها99]

يا هلا ومرحبآ ومسهلآ بأهل السعوديه حبايبنا وأهلنا ....
بتنور الكويت بجيتكم يا عمري ...
شوفي يا طويلة العمر أنا بحطلج الأماكن وأنتي سويلج جدول ...
بنشوفلج المطاعم اول شي :
عندج مطاعم الفنادق ومنهم الريحنسي يعجبني جوه وعندج موفمبيك البدع هم حلو ويونس وفيه قهواي ومطاعم وقعدات منوعه ...
وكراون بلازا فيه مطعم بحري لذييييييييذ ومطعم الأبراج ...
عندج الأماكن الترفيهيه مثل الأكوابارك والسيرك والسينما بينزلون أفلام حلوه للعيد مثل تورا بورا الكويتي وسامي اكسيد الكربون المصري وفي فيلم ياباني رعب وفيلم أجنبي إثاره يهببببببببل انا شايفه الأجزاء الأربعه منه وهذا الخامس ....
وعندج اكيد مسرحيتن وحده لطارق العلي بحولي والثانيه لعبد العزيز المسلم بمسرح سينما غرناطه ...
ولاااااااازم تمرين على المجمعات وقهاويها مثل الأفنيو و360 فيه قهوة لانوتر يممممممممه اموت بهالقهوه وعندهم سلطة سيزر بالدجاج موووووطبيعيه وكيكهم يهبل ....
وأخذوا معاكم فرشه صغيره ومطارة جاي وروحوا ع البحر وناااااسه (عشان تطلع رومانسية زوجج )...
وتقدرون تاجرون لكم يخت صغيروني يفر فيكم ع الخليج ويوصلكم للجزر ...
وهم تقدرون تأجرون لكم هيلاكوبتر تفر فيكم الكويت كلها .... راح تكون تجربه مثيره ....
حاليآ هذا إللي في بالي وإذا طرى علي شي بسدحه لج هنيه ....
ونصيحه مني إذا فيج سفره روحي دبي أونس .... الكويت أحس اماكنها محدوده ...
والله يهنيكم ويسعدكم وتقضون احلى عيد بحياتكم ...
وعيدج مبارك ... وكل عام وانتي بألف خير ...
ولنا الشرف بجيتكم ....
وأي أستفسار انا بالخدمه بس يا ليت يا حياتي يكون ع الخاص لأني أنسى المواضيع ....

 

[gala q8]

افـآآ اهل السعوديه بيوون لنـآ و ما يشوفون ديرتنـآ !!


من عيووووونـــي حبيبتي .. دقـآيق و تكون السته كلها عندج لوول و راح انزل لج صور و تقارير بإذن الله بس دقـآيق

 

[gala q8]

هذا تقرير انا كنت مسويته .. عن الكويت بس في وايد اشيـآء ما حطيتهـآ ,, عالعموم إذا حبيتي تمشين عالبحر عندج يبدي من دوار الابلاجات لي اخر البحر ( كله مطاعم + مجمع سوق شرق + سوق السمج لووول + المركز العلمي ( داخله كل الاشياء العلميه وحعتى السينمات لهم علميه وللاطفال بس انا و امي نستانس على افلامهم يعني اذا صار عندنا وقت فراغ نروح له + ابراج الكويت ( طبعا داخله في مطعم + كوفي + فوق في مثل منظار تشوفين الكويت من فوق + الاكوابارك ( المدينه المائيه بس ما يفتحون بالعيد جنه ).. ) < كل هذول يطلون عالبحر ..

و هذا تقريري اللي سويته جوله على الكويت الحبيبه ..

http://www.q8yat.com/t890761.html



عندج هالموضوع .. عن الاماكن الترفيهيه اللي عندنا .. بس الموضوع مبين انه قديم واكيد صارت تغيرات بس بسيطه

http://www.q8yat.com/t304156.html


و عندج هالتقرير عن المجمعـآت .. بس مجمه (360 ) مو موجود والحين راح انزل لج تقرير عنه بإذن الله

http://www.q8yat.com/t154228.html




يتبع .. برب

 

[gala q8]

وهذي صورة المجمع من بره

بسم الله الرحمن الرحيم يلا ندخل

وأول مادخلت تفاجأت ان اغلب المحلات مافتحت اهم قالو ان كل المحلات راح تفتح سوولنا نفس سالفة الافنيوز

المكان وايد شرح

يتبع

 

[gala q8]

المجمع حلو وفكرته يديدة وطلعت منه وانا مستانس الصراحة شي حلو

واغلب المحلات ماركات مثل
Gucci - D&G - Emporio Armani

وفيه ماركات يديدة اول مره تفتح بالكويت مثل coach - juicy couture وغيرهم

وراح احطلكم قائمة المحلات

وقعدات المطاعم فيه حلوة

بس بعدين لما طلعت تذكرت اني مانزلت السرداب ولا صعدت الدور الاخير اللي فيه الألعاب



*.* ترى منقول الموضوع *.*


​

يتبع

 

[gala q8]

راح ابدي بالمطاعم


هذا واحد من المطاعم اللي فالكويت بالافنيوز تحديدا ..

http://www.q8yat.com/t886981.html


و إذا حبيتي *.* ( قائمه المطاعم ) *.* تكبي بقوقل ( مطاعم الكويت ) راح تلقين موضوع بإسم ( قائمه المطاعم ) كل الاكلات الموجوده بهالموقع ..


عندج مطعم فريج عقاب و مطعم فريج صويلج .. من المتميزين بالاكلات الكويتيه .. بس يقولون ( فريج عقاب احلى ) و إن شـآء الله بجربه بالعيد

و هذي بعض الصور عنه

العنوان :

الفحاحيل - مجمع أجيال - الدور الثاني


هاتف : 23929229-23916996

جلسات عائلية بخصوصية رائعة

الضيافة

يتبع ..

 

[gala q8]

تقييمي للمطعم :




10 / 10 بالنظافة والخدمة والأسعار




*.* منقووول *.*






و اي شيء تبينه بعد قولي لي إذا حابه بالخاص

 

[gala q8]

الحين بحط لج المسرحيات .. بس ياليت تحجزين من الحين لان ممكن ما تقدرين تحجزين .. يعني تلقين الحجز فللل ..


المسرحيه الاولى :

عوده شيزبونه للاطفال بس يقولون الفكره رووعه مو مثل المسرح بستاند واحد لا يقولون مسوين المسرح دائري .. و غير هذا يقولون يروحون بكل اتجاه يعني تشوفين المسرح كآنه فلم مو مسرحيه .. يعني الطريقه حيل غير و بحاول احجز



(( للاطفال ))

المسرحيه الثانيه : شارك

(( للاطفال ))

المسرحيه الرابعه : بلاد العجائب



(( للاطفال ))

المسرحيه الخامسه : غدير راعيه الجمال


((للاطفال )










برووح ادور و ايي

 

[miss $_$ semsem]

ماشاء الله البنات كفوا ووفوا

 

[ريومة الرياض]

دلوعه كندا ليش هالتحطيم

 

[ريومة الرياض]

مجنونه ولدها
ربي يبارك فيك ويخلي لك عيالك وتشوفينهم معاريس
تم حفظ الرد

 

[ريومة الرياض]

gala q8

احرجتييييييييييني مررررررره
بصراحه ما خليتي شيء
حسيت اني بالكويت من ردودك
ربي يعافيك يرزقك ما تمنيين \ويحقق لك مبتغاك

 

[ريومة الرياض]

miss $_$ semsem

اي والله ما قصروا البنات
كلكم فيكم الخير والبركه

 

[ريومة الرياض]

gala q8

كان ودي ارسلك مسج خاص
بس مشاركاتي قليله
اذا ممكن تراسليني

 

[ريومة الرياض]

وينك gala q8

 

[معشوقتـــه]

اب اب لعنووونج

 

[ڕۆۆحــي ڣــڍااگ]

بتنوور الكويت والله
عندج واجد اماكن والله
مجمعات :- الافنيؤز -مارينا مول - ٣٦٠- المهلب - الفنار- الصالحيه - سؤق شرق -الكوت- المنشر
تبين العاب للاطفال :- مرح لاند- حولي بارك - كويت ماجيك - الشعب - المدينه الترفيهيه >>~ اذا في اماكن بعد ماعندي اي فكره والله لان شخبااري العاب
وصح عندج صالة التزلج
مطااعم :- وااجد في مطاعم عندج وجبات سريعه عندج مطاعم لبنانيه عندج كويتبه عندج صينيه عندج يابانيه
بحطلج بعض المطاعم اللي طرت على بالي :- الفايز -دعوات - ابل بييز - جوكيلت بار - ميس الغانم - فريج صؤيلج - فريج عقاب
الفنادق :- الموفبيك البدع - الهيلتون
وتبين تغيرين اجيرلج شاليه وناسه بعد عندج منتزهات خيران
وفي مسرحيات في لعبد

 

[ڕۆۆحــي ڣــڍااگ]

وماقصرؤا باقي البنات