تكفووون

[رضا ماما]

بسم الله الرحمن الرحيم​

السلام عليكم ورحمة الله وبركاته​

تكفوووووووووووون فسسروو حللمي ورربي محتااجه

ولكــــــــــــم جزيــــــــــــل الشككـــــــــــــــررر​

.................​

رايت اني كنت في مطعم البيك وكانه نسائي فقط (مع اني ساكنه الرياض ولا يوجد البيك عندنا )..وكان شكل المطعم مثل الفصل الدراسي فيه طاولات وكراسي ..وكنت مع واختي المتزوجه اكبر مني..وكان اللي يدخل لازم يحجز له دور في الطلب ..
وبعدين كان من ضمن لموجودين الملك عبد الله جالس مع الناس عادي ولابس بشت اسود .ومعه ورقه وقلم ويكتب ..
المهم صارت مشكله في المطعم وهو ان في وحدة من الزبونات طلبت وجبه وكانت قيمتها (ثلاث الااف وخمس ميه )بس بعد المشكله مع صاحبه المطعم اخذت الوجبه بس انها زادت عليها ميتين ريال وكانت تقول احسن من اني اخسر الوجبه .
المهم اختي كان معاها خمسين ريال وصرفتها عند وحدة جالسة عندنا على فئه عشرات .
ودخلت امرءه كبيرة في السن وكانت تبغى تجلس قلنا لها اول شي روحي احجزي وقالت طيب وراحت تحجز ..
وبعد كذا جت البنت صاحبه المشكله وجلست جنب الملك علشان يحل لها المشكله وكان شكلها جميل وتتكلم مع الملك وهي مبسوطة .ووضح عليها في النهايه انها رضيت وانحلت المشكله وانتهت وقامت ..​

وبعدها دخلت علينا معلمه وقالت يلا الحين بدا الاختبار ووزعت علينا الاوراق وكل وحدة جالسه على كرسي ..المهم اخذنا الاوراق وبعدها شفت الملك قام وخرج من الفصل .​

وكنت ابغى احل بس ما اعرف شي لاني ماذاكرت وكان الماده تاريخ على مااظن ..وكانت الاسئله وجهين وقرات المعلمه الصفحه الاولى وقالت اقلبو الورقه على الوجه الثاني علشان تقرا الاسئله ..ويوم انا قلبتها لقيتها بيضاء وقلت للمعلمه ماعندي اسئله الصفحه فاضيه .. قالت خلاص جيبي ابدل لك الورقه واي وحدة عندها نفس المشكله تعطيني ورقتها ..​

وكانت ورقه اختي الخط مو واضح يعني الحبر خفيف وقلت لها بدليها احسن لك علشان تكون ورقتك واضحه ..وقامت بدلتهاا ومعها بعض من البناات بدلو اوراقهم .وكنت ابغى اغش مع اني شفت اجابه اول سؤال ..بس لا ماغشيت لاني مو من عوايدي ..​

المهم يوم اخذت انا ورقتي لقيتها كلها تعليمات يعني مو ورقه اختبار اعطتنيها المعلمه بالغلط .ورحت عندها وقلت لها السالفة ووقلت انا اصلا ماابغى اختبر لاني ماذاكرت امس كنت تعبانه ووالله ما فتحت الكتاب ..​

وابغى اختبر مع الغايبات ..المهم بعد المحاولات وافقت وقالت خلاص بااجل لك الامتحان .انا كنت فرحانه وقلت لها الله يفرج كربتك مثل ما فرجتي كربتي في الدنيا والاخره ..وقالت لي المعلمه وانتي الله يفرج كربتك .​

............................................​

انتهت الرؤيا..وصارت طويلـه لاني قلتها بالتفصيل ..
الرؤيه يوم الاربعاء 11/12/1432....بالليل قبل الفجر ...
متخرجه وما توظفت وقدمت على حافز للاعانه ..وجدارة للتوظيف والله كريم ..​

 

[مفسرة الاحلام]

ان صدقت الرؤيا قد تسمعين ان الملك انزل قرارات لتوظيف جديده

وايضا يتضحلي انك سوف تدخلين فى مفاضله فى التوظيف وايضا يتضحلي انه سوف ياتيك رزق اظنه والله اعلم حافز

فقط هذا ماتبين لي والله اعلم بالصواب

اسال الله لك التوفيق والنجاح

 

[مفسرة الاحلام]

ان صدقت الرؤيا قد تسمعين ان الملك انزل قرارات لتوظيف جديده

وايضا يتضحلي انك سوف تدخلين فى مفاضله فى التوظيف وايضا يتضحلي انه سوف ياتيك رزق اظنه والله اعلم حافز

فقط هذا ماتبين لي والله اعلم بالصواب

اسال الله لك التوفيق والنجاح