تكفوووون ساعدوني تعبت

[& حرم سموه &]

ياكويتيات ياسنعات00 جلست عند اهلي ثلاث اشهر ولما رجعت بيتي لقيت زوجي حايس الدنيا بالمجلس صار له غرفة معيشه وغرفة نوم والكنبه رايحه فيها لونها بني وبيج والبيج هو الغالب ومبقع وشكله من الوساخه ماادري كيف وانا ماعندي خدامه بلييييييييييييز ساعدوني امي قالت لي بتايد ومويه افركهم بفوطه بس مانفع وزوجي يدقق علي بالنظافه يديني تلفو من الفرك وماكو فايده00الله يسعدكم ساعدوووني:eh_s(16):

 

[النوري قمر]

كلمي شركة تنظيف يساعدونك بغسيلها

 

[& حرم سموه &]

مشكوره عمري ع ردك بس المشكله حمولتي نقادين وعندهم عييييييييب اجيب شركه بيخلون سيرتي ع كل لسان لان المتعارف عليه بمنطقتنا الحريم مايجيبون شركات تنظيف00تكفووووووووووون ابي ردود

 

[حصووونه]

اختي اذا زوجج راضي ماعليج من احد خليهم ينقدون من هنا لي بكره الشركه يمسحون الطوفه من فوق لي تحت وينظفون عدل عدل وانا نفس حالتج صراحه اتوهق لا رحت لاهلي اجي القا بيتي مغبر وحالته حالته والطوفه والارضيات حدث ولا حرج لازم مساح وتفريك وتنظيف تعب تعب...اذا ماقدرتي على الشركه جيبي خدامه نص دوام تنظف لج وتمسح او جيبي مؤقته ورجعيها ثاني يوم او عطي خدامة خالتج 4 دنانير وخليها تمسح معاج شتسوين بعد بس قولي لي نوع الوصخ باللضبط اشرحيه لي واقولج شنو تحطين عليه باللضبط ..؟

 

[& حرم سموه &]

مشكوره حصووونه فديت قلبك00 المشكله اني عند ناس الله لايوريك حتئ لما يريل هدومه المغسله تكلمو فيني وانا من صدقي مااعرف اكوي ااااااه شقول لاقول المهم اني تعبت منهم وماابيهم يمسكون علي شي تعرفين الاهل ياثرون ع ولدهم ويرمون عليه كلام بشكل غير مباشر00اما بالنسبه للبقع قهوه سودا وشاي شي بشع00ومشكوره اختي مره ثانيه

 

[& حرم سموه &]

وبالنسبه للخدامه عندهم سيريلانكيه تبي تكحلها تعميها 00ماعندي مشكله انا انظفه بس ابي شي يشيل البقع

 

[& حرم سموه &]

افااااااااااااااااااااا ماهقيتها منكم ولا وحده من اللي دخلو ماتعرف بها السوالف000حصووووونه وينك

 

[مربية اولادها]

حبيبتي بقع الشاي والقهوة اغسليهم بمنظف الزجاج الازرق او فيري مع كلوركس ملابس ملونه افركي الكنبه بليفة الجلدلانهاماتحوس القماش او إذا كان قماش الكنب ينفك فكيه وغسليه ورجعيه

 

[قيم واخلاق]

اختى جيبى صابون اى صابون مثل لوكس او دوف وافركى فيه الكنب وبعدين امسحيه بفوطة وماى دافى وعرضيهم للهوا

 

[& حرم سموه &]

مشكورات حبيباتي الله يجزيكم خير ويرزق كل من ردت علي من حيث لاتحتسب

 

[ســــوليس]

حبيبتي فاااااانش وااايد زين للبقع

والله يعينج ...

 

[& حرم سموه &]

مشكوره حبيبتي00والله يخلي لك بنتك ويبلغك فيها

 

[وردهـ الروز]

صابونه لوكس البيضا بس طولي وانتي تفركي

ورا تدعيلي ان شا الله

 

[DoDo2004]

مثل ماقالت الاخت رحيل

فانش المخصص للسجاد والاثاث ينظف عدللللل وريحته حلوه

ااااااااااه من الريال لاقعد في البيت بروحه >> حاسه فيج

 

[& حرم سموه &]

مشكورات خواتي الله لايحرمني منكم والله يستركم فوق الارض وتحتها ويوم العرض0