تكفوووون ساعدوني ياخبيرات لندن

[brettey]

اشلونكم يا بنات
انا انشاء الله الشهر الياي رايحه ماليزيا بس من ارد قررت باذن الله اني ايمع تميييعه سنعه وعدله عشان الصيف الياي ودي وبخاطري ومناي اروح لندن خبري فيها من زمان سنين ومنين يوم انا ياهل وبالصراحه اذا انشالله تسهلت ورحت ابي اعرف شكثر تكلف انا بروح مع زوجي وعيالي اثنين الله يحفظهم بقعد اسبوع او بالكثير 10 ايام لاني ما احب اطول بالسفر واحتمال اسبوع بس لان ودي اشوفها بعرف شكثر تكلف ؟ وابي فندق رخيص بو 3 نجوم عادي مو مشكله بس بعرف كمصرف شكثر تكلف وتذاكرها بحدود جم عشان احسب حسابي

 

[nanosa78]

انا توني راجعه من لندن نااااار وايد غاليه ,بالنسبه للفنادق ما ادري عن 3 نجوم انا قعدت بالكمبرلاند تمام يم الاكسفورد بس الليله 100 وشي دينار
والاكل غالي كل شي يبيه معاج

يعني بطل الماي الصغير 700 فلس
تغدينا بمطعم بيتزا هت انا وريلي وطفلين 18 دينار

بس يمعي وروحي تسوى

 

[brettey]

يعني جم يبي بالتقريب؟

 

[brettey]

اشدعوه ؟ محد يساعد ؟

 

[toot^o^mishmish]

انا بنصحج نصيحة ...انا طول عمري اروح لندن عالاقل اخذي بما يقارب معاج الفين ونص دينار بدون التذاكر والسكن
لان كلشي غالي الحين بشكل ما تتصورينه
اما بخصوص الفنادق ما اعرف بوثلاث نجوم بس جربي متربول وهوليداي ان الي ورا اكسفورد
وانصحج طلعي بره لندن عندج بلاك بول اتينن واااااااااااااااااايد ومارجيت وبرايتن كلهم ارخص من لندن
وبالسلامه انشاالله واي شي تبين انا حااااااااااضر

 

[brettey]

بعد عمري ماتقرين عسى ربي ينولج الي في بالج وهالمناطق الي ذكرتيها شكثر تبعد عن لندن ؟

 

[dalprincess]

حبيبتي لندن غاليه وايد ,,,, واذا بتتسوقين وتشترين يعني يبيلج 2000 دينار غير التذاكر والفنادق ,,, يعني حتى اكلها غالي غير السوق هم غالي ,,, واحنا نقعد بفندق ثستل ماربل ارج وايد حلو وليلته اب 80 ,,,,

 

[toot^o^mishmish]

المناطق الي قتلج عنها كله بالقطار في منها الي ساعتين وابعد وحده بلاك بول اربع ساعات اذا القطار بيوقف وايد محطات وكل وحده فيها مدينه ملاهي واكبر شي واتينن بلاك بول