تكفوووون فسرولي

[Dalo0o3a Cute]

السلام عليكم


تكفووووون فسروه لي والله خايفه :eh_s(2):


الحلم على الساعه 9 بليل

الحمدلله ملتزمه بصلاتي

مو متزوجه وادرس

حلمت اني بمدرسه وكنت لابسه لبس مدرسه قصير وتحت دلاقات طوال حرير يهبلووون
فجأه يو بنات كبري واصغر واهجموا علي ويقولون نبيج ونحبج ويكررون هالشي وانا مختنقه وقاعده ابجي بس من غير صوت وهم يبون يشقون ملابسي ويعتدون علي بعدين جت حرمه حامل وخلصتني منهم
بعدما انشق واحد من الدلاقات

وقعدت معاها وقمت اتشكرها على اللي سوته وهي كانت حاطه ايدها على بطنها وقالتلي شوفي الجنين يتحرك

بعدين اخذت مقص وقصيت الدلاق الثاني وكان ضايق خلقي ان ريولي راح تبين

رحت بعدين لمكان مثل باب ولما بطلته طلع بيت تحت الارض جنه قصر من جماله ودري البيت لولبي ورخام ابيض نزلت البيت وكان بيدي نعناع اكل منه وبعدين ابي اطلع وانا اطلع شفت مجموعة شبان وبينهم واحد من القوات الخاصه قام يلحقني وانا خايفه منه
ولما طلعت من البيت ابي ارجعله مره ثانيه وهم شفت مجموعه من القوات الخاصه بس بلبس عادي
وقالولي وين رايحه قلت لهم بيت امي ورجعت لنفس البيت وتلقتني حرمه تشبه عمتي بس مو عمتي وكانت تهبل ولبسها فخم وقلت لها يمه و حضنتها وحضنتني


و جزاكم ربي خير

 

[دلع العتبان]

هلا حياتي


بالاول اتفلي على يسارج وتعوذي من ابليس حياتي والحلم من الشيطان يبي يخرعج واضح والله اعلم وادرى


موفقه