تكفووووون يا بنات الكويت ساعدوني!!!

[***الأصيلة***]

انا من السعوديه وزواج اخوي بالكويت في ضاحية جابر العلي ولا انا اعرف بالكويت اي شئ اول مررره بروح والمشكله دوام زوجي ما يخلص الا قبل الزاج بيومين......تكفون يانات الكويت الفزعه ابي شغل زين واسعار مناسبه لان الميزانيه مو الي تشد لظهر
الله يسعد الي تساعدني ابي ارقام طقاقات زينات واسعارهم مناسبه وكذلك كوفيره لي ولخواتي ولا تنسون خواتي البوفيه واغراض التقديم والضيافه وهل الصاله لازم لها تلبيس لان اخوي خلاص حجزها بس ماني عارفه هل هي كامله او ناقصه؟؟؟
تكفون خواتي ابي مساعدتكن بارقام كلش لاني باحجز بالتلفون وبدز خالي يعطيهم العربون!!!!
ومشكوووورين مقدما....

 

[MiSS B.K]

في مواضيع مثبته بالمنتدى بتفيدج وايد
اب لعيونج حبيبتي

ومبروكين

 

[***الأصيلة***]

اخواتي الغاليات
اتمنى تدلون على طقاقات اسلاميات يعني يكون لبسهم ساتر وزين ويخافون الله لاننا بفضل الله عائله محافظه واهلي لوشافوا معاهم اورق او اي الة موسيقيه بيتركون الزواج
الله يعطيكن العافيه

 

[ạ7ạśêś ~]

صالون عندج حنان دشتي اما البوفيه تقدرين تاخذينه من اي فندق واحيانا يكون البوفيه مع صاله شوفيهم
اما على طقاقه ما اعرف بس عندج دي جي الاسلامي حييييييييييييل حلو
وعسى الله يوفق اخوج ويسهل امركم

 

[اناقتي الملكيه]

االف مبروك وعسى الله يهنيكم راح اعطيج على قد ميزانيتج اوكى البوفيه اخذى الوطنيه لتجهيزات الغذائيه والصالون روحى لمسه فن فى برقعى وفى بالمنقف والتقديم محل امبرس للحلويات بحوالى واذا ما عجبج بشارع نفسه فى محلات واجد للحلويات والطقاقات عندنا اسعارها 1200 اذا غالى بالنسبه لج حطى دى جى

 

[أم و حلوة]

والله الحلو عندج امبرس -اوبرا -واو
البوفيه عندج ميس الغانم
الصالون ليلي هارموني و عندج مس ريجينا

 

[..شـــرووق..]

في عندج ام محمد الشملان وبناتها محترمااااات وتعاملهم حلووو وهم إسلامي بس ماعندي رقمهم والله دوري بالنت
والأفضل انج تجيبين دي جي وااااااايد الديجهات تهبل واسلامي واذا تبين مطرب عندج الفيلجاوي والردهان مووووووووووووطبيعين بس اغلا من ااطقاقه اكيييد واسلامي طبعا
اما التزين عندج خالد المالك وتناغرا احلا شي وكلهم اكيييد لازم حجز مسبق ع الا قل ٣ شهور
البوفيه عادتاً من الصاله نفسها يكون الحلويات عندج واو و كيك ن بيك و لاريسيا و كيوي تقدرين تاخذين صينينيه من كل محل
والصوالين حنان دشتي و رشا شيك و مس فرساي وغيرهم واااايد كل شبر عندنا في صالون
أتمنا اكون فدتج حبيبتي

 

[زهره الجلنار]

اب اب

 

[***الأصيلة***]

MiSS B.K
مشكوووره وراده شوي اشكر الباقيات

 

[أم*سلمان]

عسى الله يوفقه و يهنيه يا رب ..

وآب

آب

لعيوونج

 

[ام زهقانه]

اب اب

 

[♥ SWeeRa ♥]

حبيبتي انتي كتبتي عن الميزاني

عندج الفيصل
بصراحه حلوو ديكوراته بس لازم حرمه تروح وتختار
مو رجال اذواقهم مو حلوه

الفيصل يسوي ديكورات اذا الصاله تحتاج
ويسوي بوفيه وعندهم تصوير وتصويرهم لا باس فيه
وعندهم دي جي




في عندج بوفيهات الوطنيه ويمدحون بوفيه المملكه
وفي الموفنبيك حلوو
وفيه بوفيه الخليج
هذووول اسعارهم حلوه ومناسبه
بس انصحج بالموفنبيك والمملكه
والخليج يقولون تعدل الحين عن قبل




الدي جي وايد
في الليل حلووو
واحد اسمه علي ..
وفي ديجي بلال الشامي
يعني الاغاني من بلال نفسه
عندج
روتانا






الحلويات عندج بحولي شاره ابن خلدوووون انوااااااااااااع المحلات
بتملين وانتي تروحين وتذوقين
اذا عندج حرمه بالكويت وتثقين فيها خليها تختار من شارع ابن خلدوون
في محل انصحج فيه احنا مجربينه
"بشارع ابن خلدون اسمه كلاس او كلاسيكال"
شي جذي
ماذكره بالضبط
بس شغلهم وااااااو وحلوه اسعاره
وفي امبرس رووووعه



واذا على الصالونات على حسب المنطقه اللي انتي فيها
واللي بتسكنين فيها

 

[نيو سيدنى]

"سبحان الله وبحمده سبحان الله العظيم"

 

[***الأصيلة***]

الاخوات الغاليات
ạ7ạśêś
اناقتي الملكيه
أم و حلوة
زهره الجلنار
نيو سيدنى
ام سلمان
مشكورات وما قصرتو ا بس ليتكم تعطوني ارقام تليفونات

 

[***الأصيلة***]

SWeeRa ♥
يعطيك العافيه قلبي وبيض الله وجهك اشكرك من كل قلبي

 

[***الأصيلة***]

اتمنى يا اخوات لو تعرفون طقاقات في حدود 500 دينار بس تعطوني ارقام عشان اكلمهم
ومشكورات

 

[كلي لكـ]

والله ماعرف
بس ان شاء الله البنات يفيدونج
واتوقع بهالسعر ماكو طقاقات الحين
بس يمكن تلقين دي جي اسلامي

 

[silent-girl]

الله يهنيه ويوفقه
ماعندي فكره
ومشاء الله البنات ماقصروا :rerrerek:

 

[reema q8]

والله ما عندي فكرة بس الله يهنيه 

 

[***الأصيلة***]

مشكورات الله يسعدكم بس الى الحين ما احد عطاني ارقام
على الاقل مافيه كوفيره تجينا بالبيت وتكون مضمونه