تكفووووووون النمل ذبحنيييييييييييييييي؟

[برونزيه شقرا]

:0bee2e8d89:السلام عليكم كويتيات
تكفون اللي عندها حل للنمل
تقوللي
لوع جبدي يحوس بالشقه 24 ساعه حتى إعيالي قامو يخافون منه ؟
:eh_s(1):

 

[فنانة تشكيلية]

عندج البودرة مالت ماركة الفليت عجيبه حطيها وانسي النمل

وديري بالج ترى مو زين النمل يقولون يدش بالمخ ما ادري شنووو


وهم اهتمي بنظافة البيت لا اتخلين الاطفال يقطون حلاو ولا ياكلون بغرف النوم ابدا ابدا

اي جسمي كله قام يحكني بسبه موضوعج

 

[jojo]

اي والله انا بعد مثلج حتى يكسرون خاطري ما ودي اذبحهم بالماي لما ادخل الحمام تكرمون
بس والله اذيه البيت كبير وبكل مكان تلقينهم مع ان الخدم ينظفون البيت باستمرار ويحطون البودره
بس ماينفع .... ما ادري شالحل الظاهر مطعمين النمل ضد البودره

 

[paraka]

مره كنت شاريه سمسم يوم شافته الخدامه قالت ماما هذا حق الكيك ، قلت لها لأ هذا شريته لأني سمعت معلومة بالتلفزيون أن مانشوف النمل بمحلات الحلويات لأنهم يستخدمون السمسم ، فقلت أشتري واجرب يمكن إذا حطيته بالمطبخ ما أشوف النمل بعد ، ثاني يوم ياتني الخدامة تقول ماما أنا حطي هذا سمسم على الطاولة يجي نمل يشيل كله أثنين مرة أنا حطي هو يشيل ، والله مت من الضحك عليها <<< المعلومة إلي سامعتها غلط.

 

[sHa6o0ra]

حتى شقتي قبل كانت نفس الشي

دوري البيوت والاماكت الي يطلعون منها وحطي فيها قاز وصكيها بسمنت

البيت الي فيه فتحات يعيشون فيها حشرات معناته الصبه مالت الاسمنت فيه مو زينه

 

[مغيب الشمس]

فيه شغلة امي قات لنا عليها وانا وخواتي دايما نستخدمها يعني بعد مروووووورالزمن يعني تغير الجو اهي الجرة مو موجودة بالمحلات موجودة عند بقالات الجواخيير تحطينها في بيتج يم السيسان والله حتى البراعصة (حلو هالتعبير) يطلع ما تدرين من وين بس ها تحطينه وتنامين عند اهلج لان ريحته قويه وتخافين الجهال يلمسونه بايدينهم بعد اهو سم حشرات فتاك خطر عليهم والصبح شوفي شنو بيطلع لج وبعدين غسلي بيتج بالصابون عدل والكلوركس وبعدها الديتول وبخري البيت ان شاء الله اكون افدتج

 

[النجممه]

يقولون حطي قشر الخيار جنب الفتحه الي يطلع منها النمل مدري يقولون جربيها وقوليلنا

 

[اطباق ماي ورد]

مره كنت شاريه سمسم يوم شافته الخدامه قالت ماما هذا حق الكيك ، قلت لها لأ هذا شريته لأني سمعت معلومة بالتلفزيون أن مانشوف النمل بمحلات الحلويات لأنهم يستخدمون السمسم ، فقلت أشتري واجرب يمكن إذا حطيته بالمطبخ ما أشوف النمل بعد ، ثاني يوم ياتني الخدامة تقول ماما أنا حطي هذا سمسم على الطاولة يجي نمل يشيل كله أثنين مرة أنا حطي هو يشيل ، والله مت من الضحك عليها <<< المعلومة إلي سامعتها غلط.

وااااى ضحكتينى جد بركه الله يجزاج خير :dddds:

بس تدرون انا اش سويت بالنمل اللى عندى ......

نبشت تحت الكبتات وورى البيبات وتحت الزل وكل مكان اشوف فىه حفره لو هالتبر عنونه
ترستها وحشيتها من الجص الابيض اللى يبيعونه برعاية العايله اهو يكون مخلوط وجاهز مثل المعجون

وخليته ما يحوشه ماى يومين لين ينشف

ومن عقبها قلنا بااااااااااااااااااااى حق النمل والزهيويه والله

وفاعده بس اراقب الفتحات خاف يفتحونها مره ثانيه عشان اسدها _03BA:

جربى مثلى .... لان حتى دوا النمل لما تحطينه ما يفيد اذا فى البيت فتحات .

 

[sweeta77]

انا كانت عندي نفس المشكله... والله يعافيها وحده قالت لي عن محل اسمه ace بالشويخ يبيع شي للنمل مدور و مسكر علشان الاولاد ما يوصلون للدوا
اذا خذت النمله من الدوا وراحت بيت النمل يموتون كلهم
والله هذا الدوا نحيس
وراح كل النمل اللي عندي
بحاول احط لكم صورته

 

[yam_yam]

كنت العن منج
بس شوفي بقولج شغلة يمكن غريبة بس جربيها

اقري سورة النمل بالبيت
و في وحده مرة كاته ايه بالقرأن تقرينها بالبيت و تشوفين شلون يروحون حتى تقول و الله راحوا بصف واحد طلعوا من البيت
و هي الاية اللي كان نبينا سليمان يقراها للنمل او شي جذي


انا كانت عندي قريتها مرة و لا شفته بعد ابداااااااااااا

 

[*ملكة*]

رشي كمون
على اى مكان للنمل وشوفي النتيجه

 

[ام مهدي الحلوه]

دقي على مكافحه الحشرات ، يرشون البيت كله مبيد حشري
والله واااايد زينين و ارقامهم ترس الجرايد الاعلانيه

 

[BateeNenaa]

انا بعد قاريه مره بكتاب عن قشر الخيار حطيه و الكل النمل يروووح

 

[q8 star]

دوري الفتحات اللي يدخل منها النمل
اخذي فوطة حطي فيها خل وامسحي الفتحة وعلى يمينها ويسارها شوي
بعدين اخذي ملح خشن وحطي منه على المكان خليه وايد أول مرة عشان تتخلصين منه بسرعة
انا أسوي هذي الطريقة مع النمل كلما حاول يدخل بيتي من مدخل الصالة والحمدلله وايد مرتاحه عليها
جربيها وعلميني اذا استفدتي منها00

 

[الجوهرة الماسية]

اختي في هذا الرابط بتلاقين الحل
http://q8yat.net/showthread.php?t=232554

دعواتك لي