تكفووووووون ساعدوني"""ابي حـــــــــــــــــــل

[اوراق مبعثره]

السلام عليكم.. كيفكم ياحلوات الله يخليكم ابي فزعتكم يابنات الكويت محتاجتكم محتاجه خبرتكم, انا متزوجه من عشره شهور ماحملت وزوجي يبي احمل ورحت لي مستشفي خااااص..وقالت عندك ضعف مبايض واخذت حبوب تنشيط {كلوميد} وبعدين سويت سونار وقالت الايمن زايده شوي والايسار كويسه وعطتني حبوب لمده عشره ايام وحددت ايااام لي الاجمااع وتاخرت الدوره اسبوع واحس بثقل ومغص. وبعدين نزلت اليومين الاولى مثل النزيف وبعدين مانزل شي.. وانا با العاده سته ايام.. والحين احس اني محطمه مررره ونفسيتي تعبانه وطلعت نتيجتي ناجحه في الجامعه ومافرحت من الضيق اللي فيني.. احس زوجي متضايق وخواته مالهم سيره غيري كانه علي كيفي كل شي بيد الله الله يرزقني تكفون يا اهل الخبره انا ما ارتااح الا اذا فضفضت لكم..وما عندي احد استشيره اســـــــــفه طولت عليكم معليش والله يعطيكم الف عافيه ويفرج كربكم ويسر امركم.. انه على كل شي قدير..

 

[توتي 2009]

اللة يرزقك بالذرية في القريب العاجل

 

[دندوونة قطر]

حبيبتي حللي احتمال تكونين حامل ان شالله لان الاعراض اللي صارت لج اعراض حمل

الله يرزقج ويرزق كل محرومه بالذرية الصالحه يارب ويقر عينج فيها

وبشرينا عقب التحليل

 

[ياسمين العمري]

استمرى في مراجعة دكتورة نساء ..هي الوحيدة اللي تعرف شنو تحتاجين من ادوية ومنشطات ..
وادعي ربك قبل كل شي . . ان يرزقك بالذرية الصالحة ..وكثري من الصدقات والاستغفار ..

 

[ام فوااز]

استمري على العلاج مع دكتورج
وربج مايقصر ان شاءالله
والله يرزقج يارب وهذا شي بيد الله سبحانه موبيدنا وكثري من الدعاء

 

[لــذة غــرام]

وشدراج انج موحامل سوي تحليل تاكدي دام وقفت الدورة ويارب تكونين حامل ان شاءالله ......
وانا قبل كنت نفسج قالت لي نفس الكلام المبايض كانت اوكي وقعدت شهرين بس كنت افكر فيهم وعقب قلت ماراح افكر وكثرت من الدعاء وقيام الليل وقراءة سورة البقرة والحمدالله ربي رزقني 00 صدقيني اصبري وكثري صدقه وان شاءالله مسالة وقت

 

[مرا111حب]

يارب ترزقج عاجلا غير اجل واكثري الاستغفار

 

[مناوووي]

الله يرزقج

 

[دلع حياتي]

الله يرزقك وكل محروم

 

[ديانا سبنسر]

الله يرزقج وماعليج من كلام الناس ولاتكدرين نفسج وتضيقين خلقج وانا حاسة ان اعراضج اعراض حمل لان انا قبل مااحمل ينزل معي دم وينقطع يسمونها شهادة وانتي علشان تقطعين الشك باليقين حللي ون شاء الله حامل وبشرينا

 

[غلا ستايل]

الله يرزقج

 

[شنوووفه]

حبيبتي لاتحاتين لالازم تستمريين على العلالاج 3 اشهر وكل شي بيد الله انا حملت لمن خذييت الكلووميد لمده 3 اشهر
وبعدين ليش ماحللتي دم لمن تاخرت علييج الدوره يمكن حااامل :>
موفقه

 

[متفائلة2010]

ان شاءالله حامل

ربي يرزقج...

 

[مشغول وشاغلنى]

الله يرزقج الذريه الصالحه عاجل غير اجل

ويحنن قلب زوجج عليج وتحمليه يمكن خواته الله يسامحهن يضغطن عليه

الله يسهل امورج ويفرح قلبج قرييييييييييييييييييييييب

 

[زهـــرة البنفسـ]

شوفي حبيبتي النفسيه لها دور كبير في تاخير الحمل

اول شي ثقه بربك ثقه كبيره وانه قادر على كل شي

ثاني شي انسي الحمل لا نالتفكير بالحمل يسبب لك ارتفاع في الهرمونات وهالشي سبب في تاخير الحمل

ثالثا استمري بالعلاج ولا عليك من احد

الله يرزقك الولد الصالح يارب

 

[اوراق مبعثره]

مشكوره حبيباتي الله يعطيكم الف عافيه ويرزقكم الله لايحرمني منكم

 

[GiRLiTa]

اختي الكلوميييد يلعب بالنفسيه واييب الاكتئاب لا تاخذينه
روحي حق عيادة دكتورة فوزية يعطونج ابر منشطة والله احسن من الكلوميد
انا مره اخذت كلوميد يوم راجعت طيبه لعب بحسبتي حتى فكرة اني انتحر استغفر الله يتلي من الاكتئاب اللي سببه حقي كنت بس ابجي منه
واذا انتي وزنج زايد حاولي تنزلينه ويعطونج كلوفاج هذا يعالج التكيس وينزل الوزن
واللله يرزقج يارب

 

[إبشر بعزك]

الله يرزقج

 

[ماكنتوشة***]

الله يرزقج ......هونيها وتهون !!!!
كل شي بيد رب العالمين

 

[كويتية ورديه]

الله يرزقج ويرزقنا ... ميخالف حبيبتي اهو يبيله صبر وكلنا ننتظر رحمة رب العالمين وبالذات علاج الحمل يبيله وقت وقوة ايمان ..