تكفين على شنو ؟؟؟ وليش كل هذا

[ام هزاع]

كنا ناكل مع بعض


كنا ننام عند بعض


كنا نتبادل ملابس بعض


كنا نبجي اذا وحده فينا صارت مريضه


كنا نزعل مع بعض ونرضى مع بعض !!!!


كنا ما ننام الا بعد ساعات من السوالف


كنا اول ناس نهني بعض باي مناسبه ..


كنا قلب واحد ... مقسوم نصين ....






فجاه ....


صرت اشوف نظرات غيره ....

واسمع كلام من ورا القلب ...


حتى السلام ... صار بارد .... ومن ورا "الخشم"


ياربي ليش؟؟ شاللي صار ؟؟؟


هي غيره ؟ هي حسد ؟ هي شنو بالضبط؟؟؟


سكت ...

طوفت ....

تغيرت .. وماتغيرت ....


لين صارت الغيره كره

وصار الحسد تكبر وغرور ..!!!!


على شنو ؟؟؟ وليش كل هذا ؟؟؟؟



العين صارت ماتطيح علي ؟؟؟


واذا سولفت ارفعت التلفون .....



...!!!


اذا دخلت وابي اسلم انحاشت وراحت غرفه ثانيه ..!!!


واذا ادخلت ووقفت علشان اسلم ما تمر صوبي ..!!!!



تطور الموضوع :


وصارت ماتطب المكان اللي انا فيه !!


والتلفون : مادري ليش للحين مخزنه رقمي ..!!!!



والمشكله ان الكل ملاحظ ... والكل يقول مو صاحية ومريضه ... ومترووووسه حقد وغيره ... وتعوض النقص بالغرور واللبس الاوفر .... !!!!


بس انا اقول : تكفييييييييييييييييييييييييييييين على شنو كل هذا ؟؟؟؟

وليش؟؟


اذا هانت العشره عليج .... ماتهون علي ....





الحين بس أيقنت ان اللي قال "الاقارب عقارب" ماينلام ..


الحين بس عرفت ان القلب لا يمكن يظل صافي ... ولابد تجتاحه عواصف الغيره والحقد والحسد ..



لدرجة انهم يغارون من طفل ومايشيلونه ولا يبوسونه ولا حتى يطالعونه بس لانه ..... منج !!!!



...





بعض النساء .. فعلا ناقصات ادب ... وناقصات وفا ... وناقصات حفظ للجميل ...


...


شي يحز بالخاطر ... ومدفون بصدري ... وحبيت افضفض ...


وما اقول الا مثل ماقال الشاعر :


ما ألحق جزا الايام مهما اسوي ...
ياما اكشفت لي من وجيه وحقايق ...!!!!




ام هزاع​

 

[є 3 τ и α q]

والله ثم والله ثم والله ..
انك مآقلتِ الآ الصصصدق ..
وللآسف هالشي صآير كثيير
وخصصوصآ بين الاقآرب
يآربيه شفيها الناس تغيرت عن قبل ..
حتى الاهل والخوآت و و و مآيبون بعض ..


آم هزآع
والله كلامك ع الجرح
حسافه بس

 

[ام هزاع]

والله ثم والله ثم والله ..
انك مآقلتِ الآ الصصصدق ..
وللآسف هالشي صآير كثيير
وخصصوصآ بين الاقآرب
يآربيه شفيها الناس تغيرت عن قبل ..
حتى الاهل والخوآت و و و مآيبون بعض ..


آم هزآع
والله كلامك ع الجرح
حسافه بس

هذا اللي محيرني ... ليش تغيروا ؟؟ وعشان شنو ... وليش نسوا القلوب اللي كانت معاهم من صغرهم .. واكبرت معاهم ...

 

[ليتني مـآ كبرت]

درست في الدنيا على يد الظروف ..
أربع مواد ~»
[ الحب و الاصحاب
والأقراب و الوقت الردي ]

الحب :
يعطي للغريب "بلـاد" لو ماهي بلاد !
والعاشق اللي ..
ماطغى [عقلـَه ] على القلب يغدي ~

الصاحب :
اللي بينك و بينـه حصل ملح و زاد ،،
” أوفي معـَه “.. !
لكن لا تضمنـَه ۆ تروح (وطي)..

أما القريب :
عطـَه حقوقـَه و أخذ "خط الابتعاد" ..
خلك بعيد -»
تصير في عينـَه .. مثل {نجم الجدي}،،

و الوقت :
لا تعطيـَه وقت يلبس (أيامك سواد) ~
عش يومك ../
وخلّ ٱمس [يمووت] ,, وخل بكره يبتدي !

 

[سنيوريتآ]

صح عليييج /..

 

[ليتني مـآ كبرت]

يختي ضاع ڪل الكلام مادري شَنوْ ارد عليج


هيضتي مشاعري

 

[є 3 τ и α q]

ام هزاع
تأكدي ان في اطراف مخفيه
جالسه تغير القلوب .. وتحشيها على بعض
واالشي الثاني الغيره والحسد

لما تجي وحده احسن من الكل .. مآيبونها
فـ هنآ تبدآ عمليآت التخريب ..

والتغيير ... و و و

وبعد ماتقسى القلوب وتتعود تجفى
خلاص مآيمديك تسوين اي شي عشان تردينها لـ بعض


وللآسف ان هالشي بيآثر حتى على اللي بعدهم
يعني ممكن لو وحده عندها اطفآل وكبروآ فـ يكبرون وهم بقلوبهم حقد وحسد


ش تسوين ! مآبيدك شي ابدآ ..
الله المستعان

 

[DeCToOoRa]

عالجرح
الله كريم

 

[ام هزاع]

درست في الدنيا على يد الظروف ..
أربع مواد ~»
[ الحب و الاصحاب
والأقراب و الوقت الردي ]

الحب :
يعطي للغريب "بلـاد" لو ماهي بلاد !
والعاشق اللي ..
ماطغى [عقلـَه ] على القلب يغدي ~

الصاحب :
اللي بينك و بينـه حصل ملح و زاد ،،
” أوفي معـَه “.. !
لكن لا تضمنـَه ۆ تروح (وطي)..

أما القريب :
عطـَه حقوقـَه و أخذ "خط الابتعاد" ..
خلك بعيد -»
تصير في عينـَه .. مثل {نجم الجدي}،،

و الوقت :
لا تعطيـَه وقت يلبس (أيامك سواد) ~
عش يومك ../
وخلّ ٱمس [يمووت] ,, وخل بكره يبتدي !

روعـــ,,,,,ــــه

صح الله لسانج .....

كلمات بالصميم

 

[ام هزاع]

صح عليييج /..

:eh_s(7):

 

[ام هزاع]

يختي ضاع ڪل الكلام مادري شَنوْ ارد عليج


هيضتي مشاعري

السمووحه ... بس كلمتين .... واطلعوا من خاطرن مجروح

 

[ام هزاع]

ام هزاع
تأكدي ان في اطراف مخفيه
جالسه تغير القلوب .. وتحشيها على بعض
واالشي الثاني الغيره والحسد

لما تجي وحده احسن من الكل .. مآيبونها
فـ هنآ تبدآ عمليآت التخريب ..

والتغيير ... و و و

وبعد ماتقسى القلوب وتتعود تجفى
خلاص مآيمديك تسوين اي شي عشان تردينها لـ بعض


وللآسف ان هالشي بيآثر حتى على اللي بعدهم
يعني ممكن لو وحده عندها اطفآل وكبروآ فـ يكبرون وهم بقلوبهم حقد وحسد


ش تسوين ! مآبيدك شي ابدآ ..
الله المستعان

صدقتي بكل كلمة قلتيها ......

بس كلامج خوفني ..

معقوله الكره والحقد يورّث ؟؟

يعني هالاطفال بيورثون كل هالمشاعر السلبية ؟؟؟ شنو ذنبهم ...؟؟؟


الله المستعان ... والله يستر ..

 

[ام هزاع]

عالجرح
الله كريم

سبحانه

 

[є 3 τ и α q]

صدقتي بكل كلمة قلتيها ......

بس كلامج خوفني ..

معقوله الكره والحقد يورّث ؟؟

يعني هالاطفال بيورثون كل هالمشاعر السلبية ؟؟؟ شنو ذنبهم ...؟؟؟


الله المستعان ... والله يستر ..

اي يَ قلبي ..
ممكن ليه لآ .. وانا اتكلم لك عن شي اشوفه
قدآم عيني .. وواقع اعيشه =)

يعني اذا ما كآنت عقولهم كبيره فـ توقعي
اما اذا كآنت صغيره فـ الله يعين

يَ ام هزآع
اذا الوضع توهه .. يمكن تقدرين تحلين شي
وتجمعين القلوب على بعضها ..

بس اذا طاف عليها وقت .. مآيحلها الا رب العباد


وللآسف الناس تنسى الاخره وتنسى ان في حساب
وتتجاهل القبر ولا تفكر الا بَ الدنيآ ..

عشآن كذا الله يصلح القلوب قبل فوات الاوآن .. =)

 

[* ملكني الخوف *]

الزمن تغير وكلشي تغير

 

[ام هزاع]

اي يَ قلبي ..
ممكن ليه لآ .. وانا اتكلم لك عن شي اشوفه
قدآم عيني .. وواقع اعيشه =)

يعني اذا ما كآنت عقولهم كبيره فـ توقعي
اما اذا كآنت صغيره فـ الله يعين

يَ ام هزآع
اذا الوضع توهه .. يمكن تقدرين تحلين شي
وتجمعين القلوب على بعضها ..

بس اذا طاف عليها وقت .. مآيحلها الا رب العباد


وللآسف الناس تنسى الاخره وتنسى ان في حساب
وتتجاهل القبر ولا تفكر الا بَ الدنيآ ..

عشآن كذا الله يصلح القلوب قبل فوات الاوآن .. =)

على قلوب اقفالها يالغالية ...

اهم شي .. قلوبنا احنا ... لازم مانخليها تصير نسخه لقلوبهم .... لازم تظل نظيفه ... وصافية ... مو علشانهم ... لا

علشان ذيك الحفره اللي راح ننام فيها ..

 

[ام هزاع]

الزمن تغير وكلشي تغير

صح


لكن الطيّب مايتغير ....

 

[بنات حواء2]

فعلن هذوله الاغلب من الحريم
و الله يهديهم

 

[Queen OF Secret]

اي والله معاج حق صج الناس تغيرت مو مثل اول صار صعب تلاقين اصدقاء مخلصين الصراحه انا عايشه نظام التطنيش اللي مايبيني شبي فيه ما يشوف شر ووااايد صرت اعديي شغلات عشان اكمل حياتي اهم اللي خسرووو مو انااا
تقبلي مروري

 

[ام هزاع]

فعلن هذوله الاغلب من الحريم
و الله يهديهم

آمين

مشكوره عالتواجد الطيب