تكفين يا الاخصائيه النفسيه انقذيني

[حرم بدر]

السلام عليكم


بعد قلبي ممكن خدمه للاخصائيات

ابي ملف الحاله على شنو يحتوي بيانات اوليه وشنوووو بعد ابي بالترتيب

لو طلبت منج الناظره خدمه واهي مو شغلتج مثلا توقفين في صف هل توافقين ولو قالتلج ابيج تدرسين حالتهم يصير دراسه فصل


؟؟؟؟؟؟؟؟؟؟؟؟؟


جان زين لو تعطوني شوية معلومات عن مقابلتكم قبل الوظيفه امبيه حدي خايفه ابي اسئلة الميداني شنو سالووووكم عنه

مثلا عيوب النطق ،، وبعد شنوووووووووو

عندي مقابله بالتربيه واكيد راح يسالووونى عن الميدانى وانا متخرجه من 7 سنوات حدي ناسيه كل شي


الله يوفق من ترد علي ويرزقها على نياتها و يسخر لها زوجها والي مو متزوجه الله يرزقها الزوج الصالح ويرزق كل محروووم الذريه التامه الصالحه



عفيه لا تطنشووووووني

 

[مزآجيه!]

هلا حبيبتي

عادي سهالات

راح يقبلونج زي اللوز ، لان نقص بالباحثات

ملف الحاله فيه جدول متابعة الحاله ويكون ع يمين الصفحه

ومقابله يكون تقرير نفسي ١

اللي يشمل بيانات الحاله ومستواها الدراسي

وسبب التحويل والتشخيص وراي التوجيه

عقبه الخطه النفسيه لمتابعة الحاله

بعدين ملف دراسة الحاله، اللي تكتبين فيه كل بيانات الحاله من يوم حملت فيه امه ليما الصف اللي هو فيه
والتغيرات السلوكيه وكل شي ، طبعاً بنود وتسألين ولية الامر وتجاوبج

ومن بعده اوراق فيها سجل الجلسات الارشاديه

تكتبين فيه تاريخ المقابله والهدف من المقابله والسبب والنتيجه

،

بخصوص الاسئله الغالب يسألونج ، شلون تقنعين ولي الامر يحوّل بنته تربيه خاصه

واذا كان طفل عنده فرط نشاط شلون تتعاملين معاه

او طفل عنيد / عصبي / عنيف

لازم تقولين في البدايه ان تسوين علاقه مهنيه بينج وبين الحاله عشان يرتاح لج وتقدرين تعالجينه

واذا كانوا اطفال تنزلين لمستوى عقلهم بالمحاوره واللعب

والمراهقات تسولفين معهم ع حسب فكرهم

،

ويسألونج عن الاداره اذا عطوج تكليف مو لج ، تعتذرين منهم بأدب وان هذي مو من اخاصاصيات ولا واجبات الباحث

وشلون تعرفين عن مكتب الخدمه النفسيه بالمدرسه

تسوين لوحه عن مفهوم الخدمه النفسيه ولوحه عن اختصاصات الباحث النفسي

و توزعين مطويات خلال طابور الصباح للمدرسات

وفي بداية العام الدراسي توزعين نشره تعريفيه عن مكتب الخدمه النفسيه والخدمات اللي يقدمها للطالبات

وأولياء الامور في اللقاء التنويري للصف الاول

يعني اغلب الاجوبه راح تكون هياط وان انتي بيرفكت وموظفه شاغوله وجذي

ولا تحاتين ان رفضوج اول مره يحطون لج موعد لمقابله ثانيه

وعقب ما يقبلونج ينزلونج دورات عشان تعرفين شغلج

وأهلاً فيج في عالم الخدمه النفسيه التعيس

 

[الأميرة جوري]

لرفع

 

[حرم بدر]

بعد قلبي مزاااااااجيه الله يبتركلج في حياااااااااتج ان شالله