تكلفه ماليزيا 14 يوم مع سنغافوره

[ommohmmad]

السلام عليكم بنات ابي اعرف انا بسافر ثاني ايام العيد حق ماليزيا اول شي بروح بيننج ليلتين وبعدين لنقاوي 3ليالي وكوالالمبور 6 ايام وبعدين سنغافوره 3ليالي ابي اعرف مصرف جيب وتسوق وسياحه جم تقريبا ساعدوني بليز
ام محمد العازمي

 

[*الزينه*]

ياريت البنات يساعدونج

لان انا بعد ودي اعرف ؟؟

 

[لوازم العائلة]

1000 تداكر وسكن ومصروف من 500 لحد1000

 

[فلونة احلى وردة]

كل يوم تقريبا 100 دينار
التاكسي بحدود 20 دينار والاكل والشرب لشخصين بحدود 40 دينار عشاء وغداء او طلب من ماكدونالدز قطع دياي نفس كنتاكي تييييييييييييين طعمها عجيب وبتوفرين بيصير مصرف الالكل بحدود 20 والباجي تشري كل يوم شوية غرييييضات مو غالية
جذي بتستانسين
تشترين وتاكلين وهم تاكسي ليوم كامل
وانا براي
تحطين ضروووووف ظرف للتاكسي وظرف للاكل وظرف للتشري
وكل ما بقى يخلص ظرف توفرون من الثاني فتستوعبون انتوا وين قاعدة تطير فلوسكم
وتروحين وترجعين بالسلامة يا ام محمد

 

[فلونة احلى وردة]

نسيت اقولج ان تذاكر الاماكن السياحية رخيصة بالكثير 20 اذا رايحة العاب

 

[ommohmmad]

مشكوره ويعطيج العافيه بس شنو قصدج 20 دينار و40 دينار باليوم ولا بالسفره كلها؟؟؟؟؟؟؟؟وماقصرتي

 

[om al ghaleen]

ماليزا طبيعتها واااااااااايد حلوه وتسوى تقطين عليها مبلغ كبير " بس تكلفج شوويه اخذ معاج 750 دينار لي 1000
اذا انتي تحبين التشري ..,, وتروحين وترجعين بالسلامه

 

[غلا فهد]

اللي اعرفة الفنادق طبعا مع التذاكر بحدود الالف والف مصرف اذا انتي موراعية مشتري

 

[om MaRyooM]

هلا حبوبة ..


انا رحت ماليزيا 9 ايام وخصصنا مصروف يومي 100 دينار وكفتنا ووفتنا ..
وبالنسبة للتذاكر والمسكن والله ناسية لأن رحنا عقبها تايلند فقطينا وايد على الفنادث والتذاكر .. انا قول دقي على مكتب سفريات ترا يقولولج الاسعار
وبالنسبة لسنغافورة يقولون غالية والله بس حلوة ونظيييفة ..

وتتهنين يارب