تكلمني وتبكي وش اسوي

[الريم البدويه0]

السلام عليكم ورحمة الله وبركاته

اسعد الله مسائكم جميعا

كيفكم؟؟

مدري وين احطه فيه بصراحه بس ابي الاقي لي حل وانهي الحاله ذي
المهم بدخل بالموضوع على طول
انا عندي صديقتين وكل وحده ماتحب الثانيه وهم مابينهم علاقه الا عن طريقي انا
بالبدايه كلام خفيف بس الحين لا لدرجه وصلت للكره بينهم وكل وحده تقول اقطعي علاقتك في الثانيه

الاولى عادي ماقالت اتركيها بس الثانيه تتصل وتبكي الا تقطعين علاقتك فيها
مع ان علاقتي في 2 اقوى من الاولى بس مو راضيه ترضى وتقتنع وانا اصلا ماعند هالمبدا اني اترك وحده عشان خاطر الثانيه لانه غلط هي ماسوت شي بس بصراحه تعبت مادري وش اسوي مابي اترك احد فيهم ولا ابي ذي تزعل وتبكي

لو انتم مكاني وش ردة فعلكم؟؟ وش تسووون؟؟

 

[المرتاحة]

قولي لها نفس الكلام

قولي اهي معاي خوش صديقة ما ضرتني بشي واسمحي لي ما اقدر اقطعها بدون سبب او لان انتي ما تحبينها

والله يوفقج

 

[روانتي 12]

قولي هي ماضرتني و انا ما اقدر اتركها من دون سبب مو حلوه بحقي

و قولي لها ترضينها لو كنتي مكانها و شوفي ردت فعلها

 

[الريم البدويه0]

قلت وتعبت معها تقول لي ادري انها ماسوت شي بس انا مابيها وياك واذا قلت لها ماقدر هي ماسوت شي تقعد تبكي وهي مو صغيره تجننننننني تعبت وربي

 

[بنوته كيكه]

عندي حل حولي تصلحين الامور معهم يعني تردين العلاقه وتخلين كلهم يردون حق بعض

 

[جلكسيه اس 3]

مشاكلهم و علاقتهم كيفهم
بس ما يتدخلون بعلاقتج بالناس الثانيه و انتي مو لعبه عشان تسمعين كلامهم

 

[جمبلو جمبليله]

اتركيهم ثنتينهم

 

[الريم البدويه0]

اي هذا انا احاول اجمعهم بس ابد ابد كل مره احاول اجيبهم مع بعض يصير شي ماقدر اتحمل واسكر منها
بس ابي انهي السالفه ويرضيها لان مابي كل شوي تزعل

 

[اللغز الغريب]

نفس السالفة صارت فيني من قبل

قتلهم لو انتوا صج رفيجاتي و اتحبوني جان ما استعملتوني سلاح بينكم

آنا أحبكم الأثنين و اللي تبي تنغص علي حياتي و تقعد تمشيني على كيفها ما احترمت الصداقة اللي بيني و بينها

و راح أهدكم الثنتين لو ما صرتوا أوادم



طبعا ظلوا متهاوشين مع بعض بس ما قاموا يضايقوني بمشاكلهم

 

[є 3 τ и α q]

اولآ ..
ولا وحده لها الدخل تقطع علاٌقتك بَ الثانيه
لآن كل وحده لها علاقآتها الخاصه ولها الحريه تبقى او تقطع

_


فهميهم ان علاقتك معاهم الثنتين مَ لك دخل في اي شي يصير بينهم
ولو قطعتَ فلآنه فـ انتِ ظلمتها بـ سبب الثانيه


وضحي ان لك الحريه الشخصيه
فـي اختيار من يبقى بحياتك ومن يطلع
واللي مو قادره تستمر بـ وجود الثانيه تسحب عمرها


/

واتوقع لو وحده منهم بـ مكآنك
كَآن مَ رضت لك تتدخلين بعلآقتها



الصدآقات علاقآت انسانيه
قبل لا تكون اداه للـ العقاب



_


موفقه يَ الغلآ ..

 

[Vdieta]

قوليلهم علاقتهم وبكيفهم انتي ماالج شغل لاتخلين هاذي وتمشين ويا هذيج ولا العكس تعاملي وياهم بنفس الطريقه

 

[مجنونة هع]

امممم اتركيهم هم الاثنين واذا يبونج هم ييونج

 

[Tom ♥ Jerry]

,


قوليلها ليش تبيني اقطع علاقتي فيها كلميني بـ صراحه !
اذا شفتي شي عليها لا سمح الله قوليلي ؟!
قوليلي كل شي و بصراحه ! و اذا شفت الموضوع يستاهل آني اقطع علاقتي فيها رآح آقطعها
غير جي لا !!!!!!!!

 

[منو انت]

قولي لها لو تركتها علشانك

راح يجي احد ويخليني اتركك علشانه

 

[الريم البدويه0]

بناااااااااات انا اقول لها شفتي منها شي غلطت عليك قالت لك شي؟؟
تقول لي لا بس مابيها قلت لها هي معي مو معاك قالت لي مابيها وتقعد تبكي
مدري كيف اعاملها ولا وش اقول لها
اقول يابنت الحلاتل انا ماعندي مبدا اترك بنت عشان وحده ماتبيها بس جدد جننتني

ويعطيكم العافيه

 

[ريـاانه]

ريحي راسج اللي تبغاج بتجي عندج وبسسسسسس

 

[T.N.T]

:eh_s(15): مثل ماقالوا البنات مالها حق تطلب هالطلب حتى لوكانت العلاقه بينكم قويه

 

[تُخْفِي غَلَاها]

,’
الله يعـــينج​

 

[عادت ذكرياتي]

الله يعينج عليهم

 

[غدووو العنزي]

واضح ياقلبي انهم غيرررانين من بعض يعني الثانيه ذي تبيك صديقاتها بروحها