تكلم على ابو زوجها قدااام زوجها ؟؟؟؟

[احساس دلع]

السلام عليكم ورحمة الله وبركااااته ........

بنااات ابنزل موضوعي وابغى منكم تناااقشوني في هذي القضيه .........

أهل الزووووج ؟؟؟؟


للمعلوميه انا ماني متزوجه بس عندي صحبتي قريبه لي وهي متزوجه .....

أمس زرتها وسمعتها تكلم زوجها على الجوال وسمعتها تدعي على شخص بالموت وتتريق وتضحك وتقول كلام بطااال المهم بعد ماخلصت المكالمة سألتها عن هذا الشخص وكااانت الإجابة أبو زوجي :eh_s(14)::bbbiu: ابو زوجك تتكلمييين عليه قدااام زوجك :bbbiu::bbbiu::eh_s(10):

وقالت لي حتى هو مايحبه لانه ظالم ومايحب ولده ولا يحبني وقلت لها ولو كان هذي ماهي اسباب تخليك تتكلمييين على أبوووه
بهذي الطريقه .. وبعدين يأخذ عليك فكرة بطاله وماهي من صالحك ....
وللمعلوميه يابنااات هو صح مايحب ولدة ولاسااااعدة في الزوووواج والاحسسسه انه عنده أبو عاااايش .........

ايش رااايكم في البنت الي تتكلم على ابو زوجها قدام زوجها ؟؟؟؟؟؟؟؟؟

بصراحه عن نفسي ماارضى ولو كااان ظالم ...........

وجزززاكم الله الف خيييير .............. ومعليش طولنا عليكم ....

 

[نهى الأحمد]

هلا حبيبتي

الاحترام هو سيد الموقف


والزوج مهما صار خلاف بينه وبين اهله لكن مهما كانوا الاشخاص
في يوم من الايام رح يتذكر اي كلمة شينه قالتها زوجته بحق اهله

وهني رح تتغير معاملته معاها

والزوجة اكيد مارح تسمح لأحد يتكلم عن ابوها بكلام شين او يدعي عليه

على الاقل الزوجة تصلح ما بين الزوج واهله ولو بكلمة طيبه

لانه رح يكون لها اجر وثواب من رب العالمين

 

[بطوطة @]

امبيه يبه لو مهما كان ابوه مااتكلم عنه ولا ادعي عليه لان ماادري بالزمن دوار وبعدين يمكن بأجر يرد لابوه وانا بطقني بالطوفه بقولي انتي ماتحبين أبوي وتكرهينه وانتي وانتي ....الخ
فلازم انــــا احببه بابوه وجذي للعلم تراني مو متزوجه بس اللي تسويه غلط

 

[فـتـفـوتـه ^_^]

انا معاج الصراحه ماارضى هالشي حتى لو كان ظالم


بدال ماتدعي له تدعي عليه لييييش لو داعيه ان الله يحنن قلبه ع ولده وعليها او يهديه مو كان احسن لها ومنها تكبر بعين زوجها جذي بتسبب قطاعه بين الولد وابوه اكثر

والشرها ع زوجها اللي راضي بالشي وساكت


انصحيها قوليلها بعدين عيالج بسوون فيج مثل ماتسوين

والله يهديها ان شاء الله*

 

[noni_q8]

انا ارفض بشده <<<< داخله بقوه

والله جد حتى لو ابو الزوج سكير ماتكلم عنه بكلام شين جدام اي احد حتى اهلي
لاني اذا تكلمت عن احد الله بعاقبني ويقطني ابلاوي ماطلع منها وبعدين الناس بتشمت فيني ويقولولي راعية سوالف
لايبه خليني لحالي مالي شغل باي احد وماتكلم عن احد لان السكوت من ذهب علشان جذي انا ذهبه لووووول

 

[احساس دلع]

معااااكم حق والله انكم صااادقين الله يهديها ..........

وتسلمووووون على الردود الحلووووة

 

[تذكر خافقي رمحك]

المفروض تحنن ريلها على ابوه
مهما كان ظآلم .. بس عالاقل ماياخذ ذنب من وراه

وترا الله مايطق بعصا
باجر تييب عيال ويتزوجون ورياييلهم او حريمهم يشيشونهم على امهم وابوهم

 

[منيرة بنت حمد]

في شي ملاحظته الريال اللي مافيه خير لامه و ابوه مافي خير حق زوجته

وهذا فالغالب فيه خلل الله يشفيه

والدنيا سلف ودين

هذا بدال ماتنصحه تشيشه عليهم خوش زوجه

 

[احساس دلع]

يسلموووو والله انكم بنااات تنحطون على الجرح ويبرأ
الله يسعد الأم الي ربتكم ..........

 

[الغلا كله لبوي]

امبيه مايصير جذي تتكلم ع ابو زوجها :rgewrg:

طيب هي ترضى زوجها يسب ويتكلم ع ابوها شي اكيد ماراح ترضى:eh_s(10):

المفروض يتقول كلام زين او تسكت

ومشكوره حبيبتي

 

[PuPa^^SWeeT]

والله عينها قوية اهيا و ريلها بعد ؟؟؟؟

الوحدة لاتدخل بشي مايعنيها


يعني ماراح ينقص من عمرها شي لو سكتت و بعدت عن الموضوع


بس صغر العقل شتسوين

 

[مناير ...!]

الشرهه مو عليها
على الرخمه ريلها الي ساكت لها
لوه صج ريال جان صكها في بيت ابوها !!

 

[*الغاليه*]

طبعااا ما ارضى لو شنوو هالتصرف ماايجووز

وفوليلها اللي مافيه خير لابوه مافيه خير لج

اذاا ابوه يقول عنه جذي انتي باجر مع اقل تصرف بيقلب عليج

خليهاا تتقي الله بأبوه لو انه كافر مو ظالم على قولتها
هذاا ابوه وواجب على زوجها برره واهي تعينه على مبرته

والدنيا دواره باجر يجونه عياله ويعامله مثل مايعامل ابوه

والله يهديهم

 

[أسطورة الجمال]

الشرهه على زوجها المفروض ميخلي احد يتكلم عن ابوه مهما كان واللي مافي خير لهله اكيد مافي خير للناس ومهما كان تبقى اهي الغريبه وابوة القريب

 

[Judy . abbot]

مهماا كاان يظل ريال عوود وله احترامه
وحبيبتي دايما الانسان يتعامل باصله وتربيته
*

 

[قلبي عبدالله]

العتب مو عليها على الثور اللي متزوجها

وبعدين ابوه مو مسؤل عن زواجه ماقصر رباه وعلمه مو ملزوم يساعده بعرسه اولاد اخر زمن واللي مافيه خير في هله مافيه خير في الناس فلا تغتر فيه واااااااااااايد

 

[KOKO_284I]

الشرهه مو عليها على ريلها

وهذي شغله راجعه لتربيه الانسان

 

[سكوتي بذوقي]

مالقت رجال يردعها

زوجها راضي تتكلم عن ابوه وعادي عنده

حتى لو ابوه مايعامله زين

المفروض يقول لها لاتتكلمين على ابوي وابوي تاج راسك

انا ابو زوجي الله يرحمه مقاطع زوجي

لكن كنت اقول له هاذي دنيا محد يدري من يحيى ويموت

واصل ابوك وزوره حتى لو مايحبك سو اللي يرضي الله سبحانه

الدنيا دواره يجي لهم يوم الله يمهل ولا يهمل