تكملة قصتي ((حب وليس له نهاية)) دخلو ضروري اللي كانو متابعين قصتي

[عديلة^الروح]

السلام عليكم ورحمة الله وبركاته

بنات انا فكرت انزل تكملة قصتي وشلون افترقنا بلتفصيل اذا حابين اني اكتبها شصار معااي قولولي عشان راح اكتب كل التفاصيل شنو صار بيني وبينه واذا حابين قولولي ويسعدلي مروركم حبايب قلبي ​

 

[سارووونه22]

اي كتبي وحطي لي الرابط الي كنتي كاتبة فيه قصتج اذا ممكن

 

[المهاجرة 2010]

مرحبا الله يوفقج اي كتبي انزلي تكملة قصتج وشلون افترقتو بلتفصيل متى عرسه عقبالج انشاء الله .

 

[6amni bs]

رد : تكملة قصتي ((حب وليس له نهاية)) دخلو ضروري اللي كانو متابعين قصتي

اي نبييييييييييي

 

[عديلة^الروح]

حبيبتي سارونه هذا الرابط مالت قصتي



http://www.q8yat.net/showthread.php?t=531688

 

[عديلة^الروح]

البارت ماقبل الاخير

ويوسف قال حق حنين انا ماراح اخليج ولا راح اهدج طوول عمري يكفي حبج لي بهلدنيا وحنين قالت حق يوسف الله يخليك لي ان شاء الله

في هذاك اليوم كان شهر 2 هلسنه دقت حنين على يوسف قالتله حبيبي انا رايحه اتسبح قالها اوك بس موطولين علي قالتله ان شاء الله حبيبي وراحت حنين تتسبح وطولت شويه

وردت غرفتها ولاتشوف خمس مكالمات من يوسف دقت عليه جان يرد عليها وقالها انا موقتلج لاطولين ليش طولتي علي قالته حنين حبيبي شفيك بعد الواحد ماياخذ راحته بلحمام

قالها لاطولين لسانج جان تقوله ان شاء الله جان يعصب ويصكر التليفون بويهه جان دق عليه مارد عليها وردت دقت جان يشيله قالها اشتبين انا بس تعبت منج ومن اهلج

خليني بحالي احسن لج وحنيين بجت حيييييييييييييل قالتله انا شسويتلك عشان تكلمني بهلطريقه قالها انا ماابيج طلعي من حياتي اهني حنيين تمنت تنشق الارض وتبلعها سكتت

ويوسف صكر التليفوون بويهاا واهي قعدت بدارها تبجي ولا تيي اختها الكبيره مع عيالها
طقت الباب اختها قالتلها حنين وينج قالتلها شويه وانزلكم تحت قالتلها موطولين وراحت

حنيين غسلت ويها ونزلت تحت كان بيتهم عندهم شوي لحم ومتيمعين اخوانها وراحت حنيين المطبخ عشان تقص اللحم وتبله واهي تقص اللحم دز مسج حق يوسف انا اسفه

والله اني احبك ليش تكسر بقلبي وانا ماسويتلك شي جان يدزلها مسج وقالها لو انتي حاسه نفسج شريفه لا دقين علي ولا ابي اشووف رقمج اهني حنيين تعبت وقامت تبجي واهي بلمطبخ طبعا الخدم منصدمين منها واهي تقص اللحم وتبجي جان يدق عليها وبنت اختها يمها كانت قالت حنين حق بنت اختها ردي على التليفوون لان ايدي متوصخه وردت عليه

وقالتله خالتي قاعده تقص لحم جان يقولها اوكي سلمي على خالتج وقوليلها ماابيها وبغير كل ارقامي ولا ابي اشوفها وصكر التليفوون جان تغسل ايدها ودق عليه جان يرد ويسمعها

حجي ماينقال والله اهني قالت حنين انا ماغلطت معااه بولا شي اهو اللي مايبيني وغلط علي وايد وانا ماسويتله شي وجرحني طبعا حنيين تقعد كل يوم بغرفتها بس تبجي مرت الايااام

لاحس ولاخبر بس اخته دق على حنيين وتقولها الله يهديكم طبعا حنيني صارلها اسبوعين ماتكلم يوسف خذت اغراظها يوم السبت كاان وراحت نامت بيت اختها الكبيره لانها وايد

تعبت وايد تفكر فراحت بيت اختها يوم الاثنين الساعه 12 بليل دق تليفونها واهي بيت اختها ولا اخت يوسف شالته ولاتسمع اخته تبجي بلفوون قالتلها شفيج قالتلها حنيين انا مااقدر

اخش عنج ولا شي قالتلها شنو صاير قالتلها يوسف يوم الاربعاء بيروح يخطب وحده من جماعتنا اهني حنين تمنت الارض تنشق وتبلعها قالتلها من صجج جان تقولها ايه والله

حنيين سوي اي شي دقي عليه الحين لا تخسروون حبكم حنين كانت ميته من البجي ماتعرف شنو بيصير لها على طوول صكت التليفوون بويهاا ودقت على يوسف طبعا يوسف

مارد عليها نهائيا بولا شي حتى مسج ماطرش لها قعدت حنين ليلصبح طبعا مانامت ظلت سهرانه ليثاني يووم الظهر دقت عليها اخت يوسف قالتلها امي تبيج بلبيت تبي تكلمج

قالتلها حنين ان شاء الله الحين اطلع لها وطلعت من بيت اختها وراحت حق ام يوسف دشت سلمت عليها جان تقولها ام يوسف تعالي غرفتي ابي اكلمج بروحنا وراحت حنيين الغرفه وكلمتها وقالتلها حنيين وخري عن يوسف خليه يشوف حياته اهلج مو راظيين يعني عاجبج

الوضع هذا اخوانه اصغر منه تزوجو وانا ام ابي اشوف عيال يوسف اهني حنيين بس قامت تبجي قلبها تقطع من هلحجي قالتلها واهي تشاهق من البجي انا احبه مااقدر استغنى عنه ليش جذيه انا ماتوقعته ان بيهدني وبيرووح يتزوج واهو حالفلي وياب القران بيدي

وقال والله مااهدج لوشنو والحين خالتي انتي تقوليلي هلكلام قالتلها ماافي شي اسمه حب وبقولج على شغله حبكم 6 سنين كانت لعبه عند يوسف تصدقين ياحنيين ان 6 سنوات وانتي تكلمينه كان يخونج لو يحبج بيوم من الاياام جان ماهان عليه يخونج اهني حنيين

قامت تصارخ من البجي قالتلها خالتي انا ابي اسمع الحجي من لسانه خل يي اهني ويقولي هلحجي بنفسه وانا راح اوخر من حياته طبعا ام يوسف مارظت وقالتلها اي شي تبين

تقوليله انا اوصل له الحجي اما تشوفينه لا اهني حنيين انصدمت من ام يوسف اول مره تكلمها جذيه جااان تطلع حنيين من الغرفه وراحت المطبخ قالت حق خدامتهم وين يوسف

قالتلها ماادري وراحت الخدامه عشان تقول حق ام يوسف طبعا حنيين طلعت من الباب ولا تسمع صووت يوسف بلدوانيه جان ترووح وطق الباب وطلع اخوه الصغير قالتله اهي قاعده تبجي قالتله وين يوسف نادلي اياااه وراح اخووه ناداه وطلع من الديوانيه ولا يشوف

حنييين واقفه عند الباب الديوانيه وتبجي من قلب وقالتله:









نطروني بلبارت الثاني​

 

[SanYorTa]

رد : تكملة قصتي ((حب وليس له نهاية)) دخلو ضروري اللي كانو متابعين قصتي

الله يعينج ويوفقج
ناطرينج

 

[عديلة^الروح]

يسلمو الله يكوون بلعوون

 

[المهاجرة 2010]

الله يعينــج ويصبر قلبـج

 

[R i M]

رد : تكملة قصتي ((حب وليس له نهاية)) دخلو ضروري اللي كانو متابعين قصتي

الله يعييينج

ناطرييينج حبيبتي !

 

[عديلة^الروح]

يسلمو على المرور

 

[عديلة^الروح]

اب
اب
اب

 

[أم شيخة البنات]

رد : تكملة قصتي ((حب وليس له نهاية)) دخلو ضروري اللي كانو متابعين قصتي

امبييييييي يالله كملي شنو قالتله بسرعه تكفيييين

 

[مجنونة حبه]

اوكي وبعدين ليش ماكملتيها
اذا انتي موجوده حطيها كامله

 

[سارووونه22]

استغفرالل ليش جذي الل يصبر قلبج حبوبة ادري حييييييل صعبة بس شتسوين كل شي قسمة ونصيب بل دنيا يمكن نصيبج يكون مع واحد احسن من يوسف

 

[سارووونه22]

ناطرينج حبوبة

 

[المهاجرة 2010]

ناطرينــــج حبيبتـــــي

 

[عديلة^الروح]

حنييين واقفه عند الباب الديوانيه وتبجي من قلب وقالتله:


يوسف انت من صجك ماتبيني هان عليك كل شي حان يقولها انتي مو من نصيبي واهلج

مو راظيين علي شتبيني اسوي اقعد كل عمري جذيه ماعندي عيال حنيين قامت تبجي وقالتله

ايه جان قتلي من زماان انتو كلكم نفس الشي تحبون تلعبون بمشاعر الناس وين راحت
العشره اللي بيني وبينك وين حبك لحنيين جان يقولها خلاص روحي وقطي كل شي ورى
ظهرج جان تعصب وتبجي وقامت تسبه وقالتله انت ابو البنات ليش خنتني قالها انا ماخنتج

ولا يوم فكرت اخونج جان تقوله امك قالتلي بعظمة لسانها انك تخوني وهذي اقرب الناس
لك واهي امك شلون بتجذب علي وقامت تسب جان يعطي ظهره ودش الديوانيه واهي طلعت

من البيت وراحت ركبت سيارتها وراحت على البحر وكان في بيت حنيين عزيمة عشى وكل

خواتها كانو رايحين الصالون ولابسين الا حنيين قامت تفتر بلشوارع ماتعرف وين تروح وردت البيت حطت وراسها ونامت وصار يوم الاربعاء المغرب دق على يوسف يوسف

مايرد عليها نهائيا جان تروح توقف عند باب بيتهم عشان تشوفه بس ماشافته وقفت يمن ساعه صارت نفس المينونه وقفت يم باب بيتهم بدوون حجاب من كثر مااهي صارت مينونه

خافت تفقد حبيبها جان تصعد وتلبس وطلعت تفتر بلشوارع ليساعه 8 بليل ودق حنين على اخت يوسف وردت علييها واهي حنين قاعده تبجي وتصارخ على اخته تقول لا انا مااصدق انكم رايحين خاطبين له طبعا اخته كانت بيت اهل خطيبته معزومين لمن درت ان راح هناك

وشافها قامت تصارخ على اخته وتبجي وصكرت التليفون اخته بويها شوي ولا حنيين تسويحادث بس ماصار فيها شي بس السياره شوي تعورت وردت البيت بس مانااامت نهائيا شويه ولا دق اخت حنين الكبيره قالتلها انتي مينونه تبين تسوين مشاكل خلاص احنا موراظيين تاخذينه واهو لو يحبج جان صبر ويه مره مرتين مو استسلم وبعدين امه توها

داقه علي تهدد وتقول خل حنيين توخر عن ولدي ولا مايصيرلها طيب اقدر امسك اخوانها وامها وابوها واقولهم بس انا دقيت عليج لانج انتي اختها الكبيره خل ولدي يشوف حياته

اهني حنيين تمنت المووت وقامت تبجي بجي جان تقولها اختها كاافي ذليتي نفسج حييل وكاافي من عمرج اللي راح وكاافي اهاانه لج انتي ماسويتي شي لهم ليش امه دق علي وتصارخ وتققول خلي حنيين توخر عن ولدي حفظي شويه من كرامتج وتعالي نامي عندي

وانسي اللي راح حنيين صكت التليفون وراحت عند اختها عشاان تناااام عندها وبليل حنيين

اتعبت بيت اختها صار فيها عوار راس وجسمها كااان وايد يرجف ودتها الطبيبي ولا ظغطها

كاان مرتفع واايد وحطولها مغذي وطلعت من الطبيب طبعا صارلها 3 شهور ماتدري عنه بولا شي ولا حس ولا خبر وحنين ماتعودت ان تكلم واحد غير يوسف بس تبي تنتقم كاانت

قالت والله لاحرق قلب يوسف مثل ماحرق قلبي اي واحد بيغازلني لاخذ رقمه واكلمه وراح اقوول حق اخته اني كلمت وانا اللي 6 سنين ماعرفت غيره وعيني مارفعتها على غيره وطلع كل شي جذب بجذب والله لاكلم

يوم كانت طالعه حنيين رايحه السووق طبعا اهي كانت بحزن حيييل كانت مكسوره ماتعرف شتسوي قالت بينها وبين نفسها يالله انا ابي الحين اي واحد يتحرش فيني عشاان اكلمه وااقول حق اخته عشاان توصله الكلااام وفعلا تحرش فيها واحد عند الاشاره وقالها ليش

كل هلحزن اللي في ويهج جان تقوله تعبانه انا قالها انزين ممكن تاخذين رقمي ابيج بموضووع قالتهل اوكي وخذت رقمه ودقت عليه وقاعدين يسولفوون عاادي وبعدها

3 اياام عرفت انه اللي تكلمه رفيج يوسف بس مو حيل معاااه المهم دقت حنيين على اخت

يوسف قالتلها شلوون يوسف طبعا اخته تقول تمام الحمدالله زين ماتعطي الاخبار المهمه عنه كل ماسالت حنيني عن يوسف تقولها لا ماصار شي ليلحييين جان تقولها حنيين دريتي


اني اكلم فلان ولد فلان جان تقولها اخته انتي من صجج قالتلها ايه شتبيني اسوي اخووج

خاني ولا قدرني ولا احترم مشاعري ولاحبي له حتى مااحترم السنيين اللي بيني وبينه ابي

احرق قلبه اخته اسكتت طبعا اخته ماصدقت خبر راحت وانشرت الخبر مثل البخور قالت حق امه وامه قالت حق يوسف المهم حنيين وخرت عن الكل حتى عن اخته عشان تبي

تنسى يوسف وبعجت شهرين عنهم ووخرت عن اللي تكلمه

وفي يوم دقت حنين على بيت جارة ام يوسف هذي جارة ام يوسف تحب حنييين وتموت فيها

فدايما تتصل فيها وانقطعت اخبارها لانها كانت مسافره لمن ردت حنيين دقت عليها جان تقولها جارة ام يوسف اسمها ام عبدالله

ام عبدالله قالتلها انا الحيين بيي بيتكم بشوفج قالتلها حنيين البيت بيتج

شوي ولا يدق الباب ولا ام عبدالله ام ماشافت حنيين لمتها حييييل وقامت تبجي ام عبدالله

وحنيين قامو يبجوون قعدت حنيين اول سؤال سالت حنيين حق ام عبدالله يوسف شصار عليه ولا الصدمه شنو تتوقعوووون قالتلها ملج من قبل 3 شهورحنييين قامت تبجي جان تقولها والله ياحنيين لو يلف الدنيا كلها مايلقى نفسج حتى يوسف مومرتااح لمن اروح بيتهم

لا ياكل ولا يشرب وكله نايم ويه حزيين حييل وقالي ان يحبج لو شنو يصير حبها بقلبي جان تبجي حنيين وقالتلها دام هان عليه وتزوج ليش علقني معاااه ليش حط بيدي الشمس والقمر ليش خلاني اتعلق فيه صرت اشوفه حبيبي وامي وابوي واخوي واختي كنت اشووف الدنيا فيه جان تقولها ام عبدالله لا والله لاتسوين في عمرج جذيه شوفي حالج انتي

شوفي عيونج راحو ا فيها شوفي السواد اللي تحت عيونج قطي كل شي ورى ظهرج وان شاء الله راح تتزوجين اللي احسن منه وانتي تستاهلين كل خير جان تقولها ماابي اتزوج

ولا ابي اسمع اي شي عن الزواج خلي الزواج حقهم مو حقي انا بحتفظ بحبي له ومهما راح حبه بقلبي وماابي منه شي ابي بس الله يصبرني على فراقه وطلعت ام عبدالله من البيت وعيونها مغورقه خانقتها العبره وسلمت عليها وطلعت وحنيين صعدت دارها ولبست

كانت الساعه 10 بليل لبست وراحت بيت.........................................





نطروني بلبارت الياي والله وانا اكتبلكم قصتي قلبي يعوؤني متقطع قلبي والله​

​

 

[Soswah]

رد : تكملة قصتي ((حب وليس له نهاية)) دخلو ضروري اللي كانو متابعين قصتي

اخييييييييييييييييه حيااااتي والله انا قمت ابجي معاج ;'( الله يصبرج حبيبتي صج 6 سنوات مو شوية

 

[غــلآهاا غير]

حبيبتي بغيت الرابط مال قصتج وشكلها تعور القلب ناطرينج حبيبتي والله ماقمت اشوف الشاشه كملي غلاي