تكنولوجيا التعليم

[زيـــنـــه]

السلام عليكم
اناطالبه بكليه التربيه الاساسيه تخصص تكنولوجيا التعليم مادري سمعت انه هالتخصص انا ندرس 4 سنين واخر شي الراتب 500 وهالتخصص محصور بالتربيه يعني شنو تنوصحوني فيه ايب معدل واغير هالتخصص ولا اظل فيه

 

[عواار قلب]

اولا:السلام عليكم
شوفي حبيبتي هالتخصص مومحصورة للتربيه بالعكس تقدريت تتوظفين باي جهه حكوميه
مثل وزاره الاعلام وغيرها بس بقولج شي حتى لوتوظفتي بالتربيه موشي مالج هيبه بين المدرسات يجون يتأمرون عليج تسوين لهم وسائل تعليميه حررام اربع سنوات تدرسين واخر شي ماتطلعين بشي والمعاش موشي 500 انا انصج نصيحه اخت جيبي معدل ولازم يكون تقطتين وشي وتوكلي وحولي تخصص حلو عندج رسم ,تصميم داخلي ,العاب وهذولا كلهم فيهم امتحان قدرات عمليه عندج عربي تخصص نادر تربيه اسلاميه وغيرها من هالتخصصات .ترا كل بنات التكنولوجيا بحولون اتمنى اكون فدتج حبيبتي والله يوفقج...

 

[nadamarz]

عزيزتي قبل لا ننصحك حابة اسألك كم سؤال اذا سمحتي

1- ليه اخترتي هالتخصص ؟

2- تحبي الكمبيوتر؟ رسم؟ تصميم؟ تصوير فوتوغرافي؟ تصوير فيديو؟

3- يهمك تستفيدي من التخصص ولا الاهم تاخذي اي شهاده لتتوظفي بيها؟؟

4- تتحملين ضغط الدراسه و عمل مشاريع ؟؟؟

انا تخصصي تكنولوجيا التعليم .. بالنسبه لي اشوفه افضل تخصص

ماانكر انه محتاج تعديلات كثير من اجهزة متطوره ومن مقررات جديده بدلا من هالمقررات اللي من عصر هارون الرشيد

وبالنسبه للراتب اعتقد 600 وشي وسواء كان 600 او 500 مافي مجال مقارنه براتب المدرسات وهالشي الكل يعرفه

وفعلا صحيح اخر قرار نزل ان خريجات تكنولوجيا التعليم يكونو بالتربيه فقط لمده سنه او سنتين مو فاكرة كم قالو بالضبط ,, لان فيه نقص ومحتاجين
لكن انتي الحين باول سنه ومنها الين تتخرجين بيكون نزل سبعين قرار جديد

فمن رأيي خذي وقتك بالتفكير ..وخذي راي ناس احسن مني

اسألي دكاترة بقسمنا ..

ماشاء الله فيه البعض منهم راح يساعدك في انك تقرري الافضل لك ... وفيه اعضاء مايدرون وين ربي حاطهم

ولو فرضا حولتي ..على وين؟
عربي؟اسلاميه؟ او او او ؟حابة تصيري معلمه؟ تتحملي الطالبات ؟ بالك طويل ؟ وتحضير وووو
ولا مكتبات وبتقابلين رفوف الكتب ؟؟

فكري بالموضوع من كل النواحي ولاتنسي انه مستقبل اختاري القسم اللي تحبيه وترتاحي فيه

وموضوع التربيه يمكن يتغير ويمكن لا الله العالم

اخر شئ بقوله لك ان العمل في المدرسه او الروضه انا شخصيا رافضته وغير مقتنعه فيه

غيري من البنات يتمنو المدرسه .. يعني كل وحده ورغباته

ولو تكملي ماستر بعده ... اكيد افضل




بالتوفيق

 

[myaaaw]

هلا اختي انا بقولج شغلة انا لما دشيت التخصص قالولي في كمبيوتر وتصويير وكل شي متعلق بالتكنولوجيا دشيت ومستانسة صح في مواد متخلفة حدها شفافيات مجسمات اشياء متحجرة ..
كملت لانهم قالولي يصير اشتغل بكل الوزارات ولما تخرجت قالولي احتكار تربية نصيحة اذا ماتبين تربية غيري