تلبيس الاسنان يغير ريحه الفم

[بيض مفيوح]

السلام عليكم خواتي انا سمعت من وحده تقول ان تلبيس الاسنان التجميلي بانوعه

يسوي ريحه بالفم او يغير ريحه الفم ما دري في احد منكم مسوي تلبس وصارت معاها هالمشكله

او اد سمع بهالمعلومه يعني صج والا حجي ومشكورين

 

[ام منصور1990]

مااعرف ان شاء الله البنات يفيدنج وعليج بالمضمضه بالملح كل يوم مره ومعافايه

 

[قلب الاحساس]

هلا ولله اختي انا لا حظت من لبست اسناني ا صرت اتاذا من الريحه وافرش اكثر من ثلاث مرات باليوم

 

[مـزيـااان]

الريحة تصير بالاسنان نفسها مو بالفم عن تجربة

 

[softlady]

للرفع

 

[منتظرة الفرج]

طلعت ريحه ولما رحت للدكتوره قالت لي استعملي مضمضه على طول

 

[قطوة@@]

لا انا مسويه تجميلي وما فيه ريحه الحمد لله

اذا كان في ريحه التلبسيه مو شي و فيها شي غلط لان الاكل يدخل بين السن و التلبيسه و يتخمر على شان جذيه تطلع الريحه

 

[أحب ربي]

تلبيسة السيراميك ما تسوي ريحه

 

[amoOoNA Al_mazyoNa]

والله يقولون

 

[UNICORNA]

انا زماااان قبل عشره سنوات او اكثر كان عندى ضرس مخلوع فركب مكانه بورسلين وركبت

على الضرس اللى قبله واللى بعده تلبيس عشان يثبتون الضرس البورسلين

المهم خلال سنه كان عندى ريحه تعفن رههههيبه وانا من النوع اللى طول اليوم اغسل اسنانى ولسانى

واهتم كثير ورغم كذا كنت دوم اطعم ريحه تعفن قويه ورحت لطبيب ثانى عشان يشيلى التلبيس والبورسلين

استغفر الله اول ماشال الاشياء تحسين ريحه جيفا عبت المكان وانا كنت برجع

وتمضمضت كثير كثير وماحصلت ضروسى اللى سويت عليها التلبيس يعنى ال3 ضروس راحت

وتحولت فتات ونزلت وانا اتمضمض مثل الطين )-= وووواع

اثارى الدكتور الفاشل اللى سوالى الاشياء سوالى التلبيس مهتز شوى فحصل تسريب للاكل والشرب

ودخلو بداخل التلبيسات وتعفنو بالداخل وسوو تأكل فى ضروسى وتحللو وراحو

وبدل ماكنت اشتكى من عدم وجود ضرس صرت اشتكى من عدم وجود 3 ضروس

عموما اللى اكتشفته بعدين ان الطبيب اهو اللى فيه المشكله ولكن لو رحتى لطبيب متمكن وشااااطر

فأن شالله ماراح يصير هالشى بس انتى انتبهى من الدكتور اللى راح تختارينه

لان الدكاتره اكدولى ان الطبيب كان فاشل فى تثبيت وغرس التلبيس والعيب طلع منه مو من التلبيس

 

[خـيــــــــلاء]

على حسب نوع التلبيس وعلى حسب الدكتور اذا كان شاطر بالعصب والتلبيس

الا على طاري التلبيس التجميلي منو احسن عيادة ؟؟؟

 

[إستبرق]

لا العيب بالي فيهم الريحه انهم مايستخدمون غسول للحلج
الدكتور قالي اهم شي مع التلبيس التفريش والمضمضه لازم ٣ مرات باليوم وبعد الخيط
والخيط احسن وقت له بليل اول تستخدمين الخيط ووراه تفرشين

 

[~خليها على الله~]

أنا بلبس ضرسي بالذهب الابيض

منو لبسست بالذهب الأبيض

 

[دارسين]

الله يستر كنت ناويه البس

ارائكم بنات صج ولا لا؟

 

[زبــــــــدة]

لا انا مسوة تلبيس ..ماكو ريحه .!!

اول مرة اسمع

 

[عــزوووفــــ]

اب
اب
حتى انا كنت مخططه أسوي
بس صراحه خوفتوووني

تكفون علمونا تجارب أكثر ..

 

[sh_mashael]

انا مسويه تلبيس

بس ماكو ريحه من حلجي ههههههه

بس الدكتور قال لي عليج بالاهتمام بالسن اللي لبسناه أكثر من اسنانج الثانيه

يعني اهتمي فيهم بـ زود


موفقه

 

[رمـــانـــه]

الخيط ثو الخيط ثم الخيط عشان لا يتعلق اكل بين الاسنان والمضمضه والتفريش الصح

 

[بيض مفيوح]

اب اب اب

 

[بنوتة طموحة]

رفع
ماري أتمنى نعرف معاج صج ولا لأ سالفة اريحة