تلمعين صواني الفضه .... ابي خبرتكم

[نيلفار]

هاي بنات

شلووونكم



بنات انا عندي صواني فضه اصليه ماخذتها من لبنان بس من زمان مو مستخدمتها وصاير لونها نحاسي ووصخييين حيييل


ابي المعهم وانظفهم شنو احسن ملمع و من وين القاه


وشنو الطريقه بالضبط



ومشكورين مقدما

 

[نووووونا]

هلا اختى

بمركز سلطان فى مستحضر لتلميع وتنظيف النحاس واخر لتنظيف الفضه

اشتريه واقرى التعليمات ايللى على الكرتون واهو كرتون صغير وفيه علبه صغيره تاخذين منها شوى

وتدهنين الصينيه وتفركينها ,,

انا جربت احق النحاس وكان زين ,,

ان شاءالله اكون فدتج

 

[نيلفار]

مشكوووره حبيبتي


تهقين القى بالجمعيه لان حدي مشتطه وودي الحين اروح اشتري

 

[طيرشلوا]

نجد وانا حق الفضة جربتة فظيع

بس الافضل تكون عندج فرشاة اسنان لان تنظيفها شحلوة وتدخل للاماكن الصغيرة

وهم عندج اليمون سوية عصير واغسلى الاوانى اول بماى حاريغلى وحطى عليها عصير الليمون وافركى
وخلى شوى من العصير يمكن تحتاجينة للفرك

انا جربت هالطريقة على صينية صغيرة عندى فضة ولمعت

 

[نيلفار]

اسمه وانا ؟؟؟

وشلون طريقة استخدامه


لان ما اتوع الليمون بينفع حدهم حليين

 

[طيرشلوا]

شوفى حبيبة اهو حجمة وسط والعلبة مالتة سلفر والغطا ازرق
عند منظفات الافران وهالسوالف واللة اسمة مااعرفة بس تلقين واضح مكتوب علية منظف الاوانى الفضية

 

[طيرشلوا]

علبتة على الفضى الغامج شوى

 

[نيلفار]

توني راده من الجمعية ما حصلت شي


باجر ارووح مركز السلطان اكيد موجود

مشكوره

 

[طيرشلوا]

انا ماخذتة من مركز التوفير عندنا بالجهرا وجمعية النسيم موجود بعد

 

[نيلفار]

الجهرا وااااااااااااااااااايد بعيده علي

بشووف بمركز السلطان او كارفور

 

[همسQ8]

نيلفار
انا جربت طريقة مع قفاش الفضية كانت لونها نحاسي مايل على الزارق
حطيتهم بحوض فية سفن اب وخليته لمده ساعتين وعقب فركته بليمونه وطلعت تلق