تمتعي بجميع فوائد الثوم دون ازعاج الرائحة الكريهة

[كويتية أمورة]

انا اليوم يايبتلكم طريقة عجيبة سمعتها من التلفزيون من الدكتورة امل الانصاري تستفيدين فيها بجميع فوائد الثوم من غير ماتعانين من ريحته والطريقة جدا سهلة

جيبي راس ثوم كامل شيلي منه بس القشرة الخارجية وخلي الفصوص متماسكة وحطي بكاس ماء حار واتركيه نص ساعة الى 45 دقيقة
بعدها اخذي راس الثوم بس من غير الماء واعصريه بايدج بكاس ثاني فارغ مثل ماتعصرين الليمونه لانه الثوم بيكون لين
شفتي الماء اللي بيطلع? هذا فيه كل فوائد الثوم بس من غير ريحة
تقدرين تضيفينله ملعقة عسل وتشربينه او تحطينه مع اي مشروب عشبي
ويكون على الريق
وممكن تضيفينه لخلطات الشعر للاستفادة منه بدون ريحة

اتمنى تجربون الطريقة وتستفيدون منها

 

[فروحة توحة]

رد : تمتعي بجميع فوائد الثوم دون ازعاج الرائحة الكريهة

تدرين عاد يا محتاسة
ههههههههه
قصدي الامورة

الحين عرفت السر
لاحظت السيلانيات اذا امرضو ياخذون فصوص ثوم ويفوحونهم ويشربون مايهم
ويقولون احسن من الطبيب

كنت اضحك عليهم

سبحان الله

 

[الشيف رقيقة]

رد : تمتعي بجميع فوائد الثوم دون ازعاج الرائحة الكريهة

خوش طريقة ، وخصوصا للشعر لأن كل ماأبي احط ثوم حق شعري أتذكر الريحة واهون

 

[كويتية أمورة]

رد : تمتعي بجميع فوائد الثوم دون ازعاج الرائحة الكريهة

هلا والله فروحة
لما تطبخين الثوم نص الفوائد تروح
بس لما تنقعينه بماي حار احسن
والثوم ميزته انه فوايده تبين على طول مو بعد فترة طويله
وترى هو يعتبر مضاد حيوي طبيعي للجسم

 

[كويتية أمورة]

رد : تمتعي بجميع فوائد الثوم دون ازعاج الرائحة الكريهة

صاجة رقيقة مثلي
مرة حطيت ثوم براسي ماراحت الريحة الا عقب جم شهر

 

[أمل_UAE]

رد : تمتعي بجميع فوائد الثوم دون ازعاج الرائحة الكريهة

مشكوووورة على الطريقه والموضوع الحلو

 

[كويتية أمورة]

رد : تمتعي بجميع فوائد الثوم دون ازعاج الرائحة الكريهة

العفو امولة حياج الله

 

[xxx]

رد : تمتعي بجميع فوائد الثوم دون ازعاج الرائحة الكريهة

خوش طريقه

وانا شفت البرنامج

مشكورة امورة

 

[جوريه]

رد : تمتعي بجميع فوائد الثوم دون ازعاج الرائحة الكريهة

ثووووووووووم !!!!

[Automated by GetSmile]

 

[كويتية أمورة]

رد : تمتعي بجميع فوائد الثوم دون ازعاج الرائحة الكريهة

العفو بنت الكويت

جورية ترى ماكو ريحة كلش لاتخافين

 

[^^دموع الكويت^^]

رد : تمتعي بجميع فوائد الثوم دون ازعاج الرائحة الكريهة

مشكورة الأمووووووورة على الطريقة خزنتها عندي

 

[@ الرسامة @]

رد : تمتعي بجميع فوائد الثوم دون ازعاج الرائحة الكريهة

مشكوووورة يا اموووورة وفعلا معلومة يديدة

 

[الغلاااااااكله]

رد : تمتعي بجميع فوائد الثوم دون ازعاج الرائحة الكريهة

مشكووووووووره اموره ياقلبي
تدرين هم انا ملاحظه مثل فروووحه
السيلانيات
جذي يسوون كنت استغرب لما اشوفهم !!!
الحين عرفت السر

 

[الشيف رقيقة]

رد : تمتعي بجميع فوائد الثوم دون ازعاج الرائحة الكريهة

هلا محتاسة
جربتها وخليت الثوم يمكن ساعة ، بس ماقدرت اعصره حسيته عاصي، بس شسويت خلطته بالخلاط وي جرجير وصبار، تدرين الريحة استغفر الله بس اضطريت احطه وريحة البيت كلش تلوع الجبد، بس لمن تحممت بخرت شعري بأغلى بخور عندي هههههههههههه

خفت لايطردوني من الدوام، وريلي يشم شعري يقول فيه شوي، عاد اليوم الصبح لبست الملفع اقوله شمه الحين في، يقول لا من ورى الملفع ماكو شي، قلت اشوة ..

 

[نزف]

هذي المواضيع ولا بلاش


بسويها وبستعمله كأنه تونيك

 

[فتون علف]

صج خوش طريقة

 

[ظمأ الوجدان]

مشكورة حبيبتي علي المعلومة

 

[DBDOB3 DES]

يعطيج الف عافيه حبيبتي

 

[AFRoDiT]

انا متعوده احط الثوم في عصارة الجزر
و أوخر ريحته من شعري عن طريق الخل


بس طريقتج أسهل والله


مشكووور حبيبتي

يعطيج ألف عافيه

 

[قزقز]

مشكوووورة على الطريقه والموضوع الحلو