تمت ال3شهور فديتها وتمشي بال4

[ريمية مزيونه]

سلام عليكم شلونكم امهات

بنتي تمت ال3شهور وتمشي بال4

شنو المفروض اسويلها

احسها وايد مرات تبي احد يشيلها ولما اقعدها على السرير ماتثبت اخاف اقعدها بحضني يأثر عليها

والمفروض متى تكون بالمهاد احسها وايد تتملل منه بس اكثر وقت احرص انها تكون بالمهاد بليل لما تكون نايمه ولما اخليها عند الخدامه وايد افهمها تمهدها بس ارجع تقولي بيبي يلعب مايبي هذا عاد تفهم البيبي

وعادي اوكلها الحين

واللبس شنو يصلح لها لبس الحين

مليت من البلسوتات مع انهم احلى شي


مرات البسها نفنوف بس حرام مايبين

والحين ياي البرد ولازم احرص عليها من البرد

وين احلى شي غير مذركير وسنتر بوينت

 

[noynoy]

الحين عادي لا تمهدينها خليها تتمدد و تتمقط و تلعب و تستانس، اذا تبين تمهدينها يكون بس بالليل حزت النومه
خليها بفراشج و سدحيها على ظهرها
بهالعمر راح تبدي تضحك و ترفع راسها
انتي لعبي معاها سولفي وياها، عطيها العاب و علميها تمسكهم
الالعاب اللي تناسبها اهي الالعاب اللي تتعلق فوق سريرها و تلف و تطلع صوت
او الالعاب المحشيه الملونه على فار او قطوه او طير عرفتيهم و حتى الدولز
اشتريلها لحاف ملون و حطيه على الالرض و سدحيها على بطنها و خليها تلعب و تناغي
اللبس تقدرين تلبسينها استرجات و تيشيرتات او بلوزات جم طويل هذول يشوقون على اليهال من نكست و ماكس و بروي و دبنهامز ، و هم تقدرين تغيرين من البلسوتات حق البجايم القطعتين، تلقينهم في سوق السالميه
الاكل لا تعطينها قبل الشهر الخامس اقل شي
ابدي في السيريلاك و الميلوبا و المهلبيه

 

[غلآ مطير]

رد : تمت ال3شهور فديتها وتمشي بال4

ههههههههه :$

سوووري والله بس لما قريت الموضوع بنتي 3 شهور وتمشي بال4 @_@ استغربت قصدج تمشي تمشي ..

مافهمت انها بتدخل على 4 شهور الا اخر الموضوع :$

الله يخليهاا لج ياارب..

والله مادري $ توني مو متزوجه ..

 

[*ماي الورد*]

رد : تمت ال3شهور فديتها وتمشي بال4

ههههههههه :$

سوووري والله بس لما قريت الموضوع بنتي 3 شهور وتمشي بال4 @_@ استغربت قصدج تمشي تمشي ..

مافهمت انها بتدخل على 4 شهور الا اخر الموضوع :$

الله يخليهاا لج ياارب..

والله مادري $ توني مو متزوجه ..

نفسج اول شي ما فهمت
لا توكلينها الحين لين تدش السادس
و المهاد حزة اللي بتنامين مهديها علشان تطول بالنومة

 

[ريمية مزيونه]

مشكورين بعد ناطرة

 

[ريمية مزيونه]

رفعععععععععععععععع

 

[شيخه الحلى]

بالنسبه للمهاد لا تمهدينها خلاص خليها تلعب وتحرك إيدها وريلها
3 شهور امهدتها كاااااااافي الحمد الله
وبالليل إذا شفتيها اطلع إيدها من المهاد خلاص شيليه عنها لأنه يمكن يضايقها وتبي تنام على راحتها.
وترى المهاد ما يخلي الغازات تطلع من بطن الياهل

شلون إذا قعدتيها بحضنج يأثر عليها؟؟؟
حطيها بكرسي
انا من النفاس وانا حاطه بنتي بالكرسي عادي
لا تحطينها بالفراش على طول تمل
حطيها بكرسي فيه ألعاب من فوق
وحاولي يكون الكرسي هزاز بحيث إذا تنهوصت تهزينها وتسكت على طول
لا تعلمينها على السدحه وايد ولا تعلمينها على الحضن وايد

والأكل تو الناس خليها تكمل الأربع شهور
بس الحين عطيها تمره
ومثلا اي شي انتي تاكلينه دعسيه بحلجها
مثلا قاعده تشربين شوربه عطيها شوييييييييييييييييييييييه براس القفشه
او روب
او ىيس كريم
او كاكاو
خليها تذوق كل شي
بس تذوق مو تاكل
يعني بطرف صبعج وبراس القفشه
خليها تستطعم الأشياء
عشان إذا دخلت الخامس وبديتي تأكلينها ما تستغرب من الطعم

وكل أنواع اللبس تصلح لها الحين
ترة بنتج حليويه اسم الله عليها
إذا انتي بجر المفروض تتحلين عليها وتكونين مستانسه فيها وتلبسينها كل شي
انا حتى المايوه لبستها واهيا بالشهر الثاني
السوق متروس نفانيف وجينزات تيشيرتات
انا افضل البنطرون على النفنوف لأنه ادفى حق البيبي
ومن طلعت من النفاس وانا ألبسها بدلات وقت الطلعه
شلون اطلع واهيا لابسه بلسوت؟ احس البلسوت لبس بيت ويعتبر بجامه
إذا مثلا بتطلعين اي مكان لبسيها بنطرون و بلوزه مع باند او شباصه حلوه واخذي معاج البلسوت
إذا حسيتيها تضايقت او استبردت بدلي ملابسها

وتلقين بدلات حلوه وعمليه بنكست او مامز اند بابز
ولاتشترين من مذركير لأنه الوانه تطلع مع الغسيل
ولاتاخذين من سنتر بوينت لأنه مو جوده وصراحه مو وايد حلوين
أحسهم هلاقه
وإذا لبستيها بنطرون او نفنوف لازم تلبسينها دلاق عشان ريلها لاتستبرد

 

[غنوة ستايل]

ما شاء الله
عسى الله يبارك لج فيها
انا فهمت ان بنتج تمشي بالشهر الرابع قلت ما شاء الله شنو سوت وخلت البنت تمشي
شوفي ياقلبي انا تو ىالناس علي ولدي الحين عمره شهرين وشوي . وللحين امهده
بس ملاحظه لما امهده يقعد يصارع مع المهاد . واول ما افتح المهاد يطلع منه غازات
يعني المهاد يمنع خروج الغازات
وبنفس الوقت المهاد اهوا اللي يخليه ينام عدل ويلم عظامه . ويخليه ما يفزع وقت النوم لما يسمع صوت

 

[ZajiL]

ماشاء الله عسى الله يحفظها

بالنسبه للاكل توووووو الناس حليها على الحليب افيد لها
والمهاد بس بالليل عشان ماتفزع من ايدها لانه اليهال بهالعمر ايدهم تقعدهم يخترعوون
حطيلها اللعبه الي على سريرها راح ستانس عليها وقراقيش

 

[Ice Princess]

ما شاء الله
عسى الله يبارك لج فيها
انا فهمت ان بنتج تمشي بالشهر الرابع قلت ما شاء الله شنو سوت وخلت البنت تمشي
شوفي ياقلبي انا تو ىالناس علي ولدي الحين عمره شهرين وشوي . وللحين امهده
بس ملاحظه لما امهده يقعد يصارع مع المهاد . واول ما افتح المهاد يطلع منه غازات
يعني المهاد يمنع خروج الغازات
وبنفس الوقت المهاد اهوا اللي يخليه ينام عدل ويلم عظامه . ويخليه ما يفزع وقت النوم لما يسمع صوت

صاجه والله حتى عندي خالتي وامي نفس الكلام يقولون

وريمه الله يحفظها ويخليها لج يا رب

لان ماشاءالله قاعده اتخيلها عنونه وتمشي (ربي سلمها )

انا ما شفتي بنتي اشتريت اشياء تينن وطلبيات من النت

لكنها :rgewrg: شنو الصريخ والبجي ما تحب تتبدل

تحب تظل بملابسها وحموضتها:eh_s(10):

 

[هـتـون]

لا لالالالااااااااااااا للمهاد حرام تبي تلعب انا ولدي 3 شهور كنت اقعده بكرسي ويتابع التلفزيون احطه على قنوات لاطفال ويستانس والحين تعود وروحي سنتر بويت في العاب بعمرها وكلميها ولعبي معها والله يخليها لج امين

 

[ريمية مزيونه]

ايه هتون تندمج بالتلفلزيون

وبعد اشعندكم

 

[الأميرة جوري]

رد : تمت ال3شهور فديتها وتمشي بال4

المهاد بس تخلص الرابع قطيه واذا تبيه خليه للخامس والاكل بعد ماتخلص الشهر الرابع تماما