تمت عمليتي عند الدكتور داريوش ساريخاني .. تفاصيل

[ملقوووفة]

السلام عليكم ..

الحمدلله انا سويت عمليتي والنتيجه اللي شفتها عاجبتني وناطره اكمل 6 شهور واشوفه احلى انشالله ..

اول شي سويتها انا عند الدكتور داريوش ساريخاني بشيراز ..

انا سافرت السبت اللي طاف كانت طيارتنا الساعه 10 الصبح والرحله مدتها 55 دقيقه تقريبا وصلنا اهناك رحنا الفندق وحطينا اغراضنا وريحنا شوي وتغدينا وعقب المغرب رحت العياده عند الدكتور تقريبا نطرت 10 دقايق ودشيت عند الدكتور شاف خشمي جان يقولي راح يقصره وينحته من الجوانب ويقص من الغضروف بس قالي ماراح اجيس الفتحات لانهم صغار ..

وعطاني ملاحظه ثانيه قالي انه يبي يجدم حنجي جدام شوي بس انا قلت مابي ..


انا ارتحت حق الدكتور وكلامه وشنو اللي ريحني انه وياي بالفندق تقريبا 4 بنات قالولي انه بنات خالتهم كلهم مسوين عنده واهما يايين يسوون عنده بعد ..

المهم وعطاني الدكتور موعد يوم الاحد وانه لازم اصوم قبل العمليه ..


نمت وقعدت وصار الصبح وصار لازم اروح المستشفى عشان العمليه طبعا اكييد كنت خايفه خصوصا انها اول عمليه بحياتي ..

كنا 4 بنات راح نسوي العمليه وصرت انا اول وحده..

لبست اللبس مال العمليه وعطوني حبه قبل العمليه ودشيت غرفه العمليات والدكاتره ملوت التخدير عبيطين شوي وخلو التوتر يروح مني ..

كنت ناقشه ايدي جان يقولولي شنو اسمه هذا قلتله حنه واهما ما يقولون حرف الحاء عاد قاعدين يحاولون يقولون حرف الحاء ويضحكون على روحهم لان مو قادرين يقولون حرف الحاء هذا اخر شي اتذكره وكنت قاعده اسولف وياهم وعقبها مادريت عن روحي ..

تقريبا دشيت العمليه الساعه 9 ونص وطلعت الساعه 11 ..

وقعدت الساعه 2 تقريبا ماحسيت بعوار وولا شي بس حسيت خشمي حييل ثقيييييل وكنت حييل دايخه واحس جسمي يرجف وريجي ناااشف حيييييل والحمدلله مارجعت وولا شي والدكتور ما حطلي فتايل ..


ونمت يوم كامل بالمستشفى وكانت وياي زوجه المترجم ماقصرت مجابلتنا على طول واي شي ابيه تسويلي ياه ..:eh_s(7):


وثاني يوم طلعت وطبعا كله قاعده بالفندق مالي خلق شي حتى امي تقولي نزلي تحت اللوبي اقولها مالي خلق ..

اصعب شعور انه بس اتنفس من حلجي هالشي واايد ضايقني ..:eh_s(11):

اي وبالنسبه حق الزراق الحمدلله ويهي ماصار وايد ازرق واحمر وعيوني انتفخت يومين وردت مثل ماكانت بس شوي يبين انه تعبانه مال العمليه وتحت عيني ازرق خفييييييف لان الكمادات على طول علي ما اشيلهم كله منسدحه واحط كمادات ..

وامس الصبح شلت الغرز وكنت واايد خايفه من الغرز بس الحمدلله ما يعور بس جنه قرصه وعلمنا شلون انحط اللزقات قالنا نستمر عليهم شهر كمل وبعدين شهرين ب وقت النوم وعقبها ردينا الفندق وخذينا جناطنا وردينا الكويت ..:yaaaaaarb:


طبعا انا كنت رايحه مع حمله ..

العمليه + الفندق + ريوق + التذكره والفيزا + المترجم + سيارة ..

كله تقريبا طلع علي 920 دينار ..



الموقف اللي يضحك : انه الطياره واحنا رادين كلهم خشومهم ملزقه .. واللي خشمه مو ملزق راسه ملزق مسوين زراعه ..

 

[shahooda123]

الحمد الله علي سلامتج واهم شي النتايج تعجبج انشاءالله

 

[امبيريجه]

الله يتمم عليك ويهنيج بالخشم اليديد

 

[طفشت90]

ماشالله مررررررره رخيص وين يعني ولا 13 الف ريال الله الله بالصورررر

 

[فدوووش]

الحمد لله عالسلامه

 

[ليدي كويتية]

الف سلامة عليج ويارب تكون النتيجة عاجتج واكثر باذن الله
اذا ماعليج امر بس اشلون حجزتي عند منو اذا ماعندج مشكلة
بليز علمينا اذا كلش راسليني عالخاص ابسويها ضروري قبل الدوامات

 

[ساره العامر]

الف الحمد لله على السلامه

 

[3thbya]

الحمدلله على سلاااامتج وان شااءالله تطلع النتيجه مثل ما تبين واحسن

 

[nanosa78]

الف الحمد لله عالسلامه حبيبتي وربي يهنيج وتشوفين احلى نتيجه اللي تسعدج

 

[مس ديوووور]

الحمدالله علي سلامتج وتسلمين علي ذكرج لتجربتج:nbvppw::nbvppw::nbvppw::nbvppw::aha::aha:

 

[فاطمة 25]

اهليييين

الحمد لله على سلامتــك ملقووفه
ويارب تكون النتيجه أحلى وأحلى إن شاء الله

وعقبــال ماأسويها يارب << حييل متشووقه ^^

بسألك ملقووفه العمليه لحالها بكم كلفتج ؟؟
إذا تعرفين كتبي بعملة إيران لأن مااعرف للعمله الكويتيه
عشاني سعوديه ^^

 

[$نرجس$]

الحمدالله على سلامتج

 

[نورالدنيا***]

ممكن تكتبين رقم العياده بليز ودي اروح قبل الدوامات والحمدالله علي سلامتج

 

[ربيع الامل]

الحمد لله على السلامه حبيبتي

 

[OrlandoLando]

أتمنى تحطين رقم الحملة

 

[zqertya]

حمدالله على سلامتج حبي تقريبا انا هم كلفتني 850 دك

وصح بالطياره كلهم خشووم وزراعه شعر انا مت من الضحك احس اشكالنا فلم ههههاي

 

[q8i-lady]

الحمدالله على السلامه
حبيبتي مع اي حمله رحتي واشلون حجزتي
وانشاءالله يطلع خشمج مثل ما تتمنين

​

 

[مكشختهم]

لهدرجه رخيصه ايران والله ماتوقعتهاا كذا اففف زاد حماسي

 

[3thbya]

بشري شلون خشمج الحين ؟

 

[3thbya]

جم رقمهم الحمله ؟