تنتفينه ولا ترحمينه ؟؟

[Patcholli]

صباح الخير ..


دار حوار بيني وبين ارفيجتي قبل شوي

عن مسؤلية الزوج بتوفير احتياجات زوجته من اللبس والسكن والطعام والشراب << مع حمد قلم

المهم

قتلها الاساسيات المفروض تكون عالزوج والكماليات هم تكون عالزوج بس مو بشكل مبالغ او الزامي

مثلا ريلي حبوب وطيوب وكل شهر يعطيني مصرف حق لبسي واحتياجات او مثلا مايعطيني بس يوديني ويشتريلي

هل لازم احمله فوق طاقته واشتري كلشي بخاطري ؟؟ او اراعيه واشتري على قدي تقديرا لكرم هالزوج ومن مبدأ اذا كان حبيبك عسل لاتاكله كله ..؟؟

طبعا بغض النظر عن المناسبات مثل الاعياد والعروس اهني لازم الوحده تختب وتكون على سنقة 10

بس بالاوقات العاديه هل لازم اشتري كلشي مشتهيته بحجة ان ريلي قادر مادياً
او اني احط حدود لمشترياتي وعشان لا ابين طماعه او مو شايفه خير ؟؟

انا قتلها من راي ماحب اكلف على زوجي حتى لو عنده اشتري اللي احتاجه والظروري والكماليات من فلوسي ..

واهي العكس قالت والله ريلي ولازم يشتريلي حتى لو كل شهر ياخذلي طقم ذهب او شبكه الماس .. ليش ارحمه وباجر يقط فلوسه على غيري

اشرايكم انتو بنات ؟؟

هل يكسرون خاطركم رياييلكم وتراعونهم بسالفة التسوق

او اهم شي عندج مشترياتج وعلي وعلى اعدائي ؟؟

ابي اقرى ردودكم

بس عفيه في بنات يدشون يعطون ردود جارحه يالليت نرتقي بالاسلوب ونوصل المعلومه بدون تجريح ..

الموضوع للسوالف والفرفشه مو للنجره .. :eh_s(17):



ثانكيووو :eh_s(17):​

 

[brettey]

تبين الصراحه رفيجتج ذكيه زين تسوي الريال لاتعودينه انج قنوعه لا لازم تلزمه بالمصاريف حتى الكماليات بس على حسب مقدرته
اذا مليونير لا والله اخليه يشتري لي كل ماهو نفيس وغالي
الصراحه معظم الرياييل مو كفو انج تعطينهم ويه وتساعدينهم لان يتمادووووون

وشكرا هالموضوع الحلو

 

[Perfume]

تسلمين حبيبتي عالموظوع
انا اراعي زوجي لانه اهوا ما يحب يردني يعني لو بظل اشتري على كيفي ويخلصون فلوسه ما يقول لي ويروح يتسلف عشان ما يقول ماعندي فلوس
عشان جذي اشتري اللي احتاجه وبين فترة والثانية آخذ لي ساعة غالية او جنطة بس مو كل شهر
وزوجي مو مقتدر انه يشتريلي طقم ذهب كل شهر والا الماس عشان جذي مخلية مشترياتي للضروريات وما اقصر على روحي بس بحدوود
ولو اشتغلت ان شاء الله هم اهوا ملزووم يصرف علي بس بدلع روحي بفلوسي بعد لانه مو معقولة كل التزامات البيت على راسه وفوقها اطقم ذهب والماس
يعني حلوو الوحدة تراعي زوجها اذا كان مو مقصر عليها بشي ويستاهل

 

[جـــواهر]

ماااحب هالاسلوب
موؤرحمة فيه لا انا احب الاعتدال بكل شي
دامه مو مقصر علي ولا ع عياله ليش التهويل
بالطلبااات

كل شهر عقد الماس ؟ ليشش بفتح محل !!

 

[كويتية بروما]

والله في ريال يستاهل تنتفينه وتشقين ويهه
وفي ريال ما يستاهل تقولين له قوم من هني اقعد هناك
ع حسب شنو زوجج وانتي اخبر فيه
بالنسبه لي انا قنوعه وااااااايد ومافي بيني وبين زوجي فلوسي ولا فلوسك الحمدلله

 

[عسل مرت قيمر]

امممم

مادري مو مع تفكير رفيجتج انا


رايج حلو


حلو ان ريلج يشتريلج ويصرف عليج

بس مدام مو مقصر ليش انتفه على قولتها

اشتري الي احتاجه واذا احتجت زياده كماليات اكملهم بعدين


كل وحده تعرف شنو مقدرة زوجها واماكانيته


الحياة مشاركه واذا اهوا زين معاي مافي مانع ان نتساعد ونتشارك

 

[لمى الهاجري]

انا عزابية وانصحكم ما تحملون الرجال فوق طاقته لانه بينفر منكم عقب يعني احتياجات الاساسية ماكل ومشرب ولدوات التنظيف هذا على الزوج اما الكماليات الثانية مكياج شنط ماركات على الزوجة

 

[بنت الاجواااد]

انا مع بعض العضوات الي قالو اذا كان زين معاي ويصرف علي بالمعقوووول ماحمله فوق طاقته
صح الحياااة تفاهم بين الزوجين وخصوصاً اذا مرتاحين ويا بعض بس رفيجتج ماحب تفكيرها صح في شكثر اسمع حريم نفس كلااامها بالظبط وفي وحده طلعت من دوامها عشان زوووجها مقتدر وميزانيته حلووه حيل ماشالله قالت اطلع من دوامي وارتاح ويقط فلوووسه علي لاتكثر بايدينه ويتزوج علي !!!!!'
والناس الي كانوا معاها ومن رايها وووووااااااااايد بس مو مع تفكيرها كللللش انا اقول القناعه كنز لايفنى ويسلموووووو ع الموضوع الروعه

 

[[ نور عيني ]]

-


بعطييييج مثآل /
وحده كل منآسبه تآخذ من زوجهآ 600 الى 700 دينآر ..
و هو آنسآن غير مقتدر مآدياً على آلاشياء المكلفه
يعني على آلله وعلى آلمعآش وفوق هذا يوفر لهآ المطآلب اللي تبيهآ ..
و حتى لمآ كآنت عروسسَ تكآليف صور آلعرس خلته آهو يطلعهآ وكآن آلمبلغ 800 دينآر كلهآ دفعهآ من جيبه ..
ب آلتآلي قآل لهآ : انا ما اقدر كل شهر وشهرين تطلبين 800 و 600 و 400 .. قدري وضعي المادي ما يسمح لي ؟
شنو ردت عليـــــــه ؟ : انا غلطـــــــتي آني آخذت وآحد ( حآفي منتــــــــف ) !!
وآخرهآ يآ بنآت كآهي مطلقه .. لآنهآ آول شيء مآ قدرت آلرجآل اللي يقط دم قلبه عليهآ و
ثآني شيءء قلة الادب اللي قآلتهآ بحقه آلمفروض تشكره لآن يقصر على نفسه مقآبل آنهآ مستآنسه ..



ف آنآ مع مبداء آن آلمراءه تكون حنونه على زوجها لان والله والله والله اذا حنيتي عليه يحطج فوق رآسه
وآصلآ يخجل من تصرفاتج و من صبرج وتلقينه دائما يفكر يرد جميلــــج ودائما يفكر بالتعويض ..
وبعدين الحياه مشاركه وهذا زوجج مو البنك المركزي
في بنات ما تصدق انها تزوجت بس عشان زوجها يحقق مطالبها اللي اهلها عجزو عن تحقيقهاا ..
ف انا اقول يا بنات ياحبيباتي الله الله بازواجكم الرجال اكثر كلمه تنرفزه اهي
كلمه ( هات هات هات هات ) واخر شيء لا حمداً ولا شكورااً .. =)

والحمدالله اشوف اغلب البنات حنونيييين على ازواجهم
واقولهم براااااافو عليكم و بالتوفييق :$










..

 

[لذيذة]

عين العقل كلامج نور عيني &#55357;&#56397;
اهيا لو متقدملها غير هالحافي المنتف جان اخذته
بس مكسورة وتبرد &#55357;&#56833;&#55357;&#56833;&#55357;&#56833;
انا مراعيته حيل شايله عمري يعني كاش ما اخذ بيدي
بس ما اطوف كل فترة وفترة اطلع سالفة يا اثاث الصالة يا العيال النادي الفلاني
ولا ابي جهاز يديد ولا سفرة قريبة ...
بس المهم اعرف التقرير المالي ماله
عنده طلبت ماعنده سكت
بس ها مافي شي زايد او مخشوش عني جذيه ارتاح

 

[ترف بابا]

والله يستاهلون ان الوحدة تنتفهم بس للاسف ما اعرف !!

وضميري يبيله منوّم!

 

[انثى الكويت]

لا مو مع رفيجتجشدعوه كل شهر ذهب والماس حراااام

انا صراحه ريلي مو غني عالمعاش اعرف وين يودي فلس فلس من كيفه يقول
ولما اطلع ليه بغيت شي يشتري لي


بس اني افتر بالسووق واشوف جنطه سعرها ١٠٠٠ دينار حتى معاشه مو هالكثر واقوله اشتري لي ياها

واذا عنده عايله لا يشتري لي شي كافي يدفع اجار وقروض وماجله بيت ومعاش خدامه ومصاريف اعياله ولما نطلع يدفع سينما ومطاعم

وحلو داش وطالع بالزوارات

ومرات وجبات
وسيرفس سياره شبقى عشان يشتري لي طقم الماس خخخخخخخخخخخخخخ


متنتف وخالص من غير لا اتحجا


وان كان حبيبك عسل لا تاكله كله
ولو ريلي غني هم مو كل شهر الماس جني مو شايفه خير ولا بنت فقر


اي ابي الماس بعيد زواجي ولا عيد ميلادي ولا اي مناسبه اما كل شوي طلب لاااا مو حلوه ابد

 

[حبيبي مالكني]

انا وايد اراعي ريلي
لان اهو مايقصر معاي
وفلوسه فلوسي
بس انا اطلب الي احتاجه ما اطلب زياده ولا اشتري اشياء ما احتاجها
يعني بختصار اخاف الله بفلوسه

 

[Um Tuki]

طبعاا اراعي زوجي .. لأن اذا راعيته ارتحت بحياتي و اذا ضغطته حياتي انا بعد راح تكون بحالة توتر دايم بسبب الضغوط اللي على الزوج

يعني مو شرط كل شهر ثياب و شنط و نعل و ميك اب !!!!

اشتري الاساسيات فقققققققققط .. و الكماليات على حسب الميزانية

الحمدلله اشتغل و اثنينه شايلين بعض ..

دام ريلي يحبني ومقدرني ليش اضايقة

 

[نـعـومـه]

مع احترامي رفيجتج موشايفه خير وانانيه

حرام الريال مو بنك عشان اهد حيله هذا ريلها حرام ماتراعي ظروفه خيحس الريال ان مرته تفكر فيه اهوه بعد موبس بالفلوس وبس

انا رايي ريال ملزوم يدفع لخدامه وماجله بيت واجار وهالسوالف اما جنطه ماركه ساعه ماركه من عندي

 

[غلآ نوآف]

انا احاول اني ما ابالغ في مشترياتي
حتى لو اني عروس وتوي معي شغلاتي الجديدة والحلوة
مومحتاجة تغير ولاتبديل توي مالبستهم كلهم
لكن لو صاروحبيت اخذ شي جديد مثلا خاص
لبس نوم او ملابس خاصة او احذية وشنط اوتلفون
احاول اني ما ابالغ
وما اضغط عليه
وحلو بعد انج ماتبالغين ف المشتريات لان انتي الخسرانة
شكو كل شهر شبكة الماس ؟
مو كل شي غالي لازم يكون حلو
في اشياء اسعارها مناسبة معتدلة
تساعدج في التغيير والتنويع بلبسج
وهم بعد يكونون ذوق

 

[Patcholli]

حياكم الله حبيباتي واشكر كل وحده حطت رايها ومشاركتها ^_^


نبي نسمع باجي الارااااء ...

 

[ام منصووور]

اهم شي قنااعتك انتي فيه بعض الازواج مايستاهلون تضغطين عليهم ويقدروونك لما تحنينهم بس بعضهم لاا

 

[فراشه بيضا]

انا مع التنتييييييييييييييييييييييييييييييييف وبشده
لاني ما سويت جذي ولا نتفته واصرف على نفسي
وارخصني بسرعه
لكن لما تخلينه يصرف عليج يستخسر انه يخسرج لانه قاااط عليج وايد

 

[popa]

الريال اذا شافج قنوعه يطمع
والمشكله اذا طمع انتي بتفتشلين
يعني في بنات لغو العرس عشان ماعنده ويريت بين بعيونه
لغو استقبال الولاده عشان ماعنده ويريت بين فعيونه
تشوفينه يطمع ويطمع وكله على راس هالمقروده عبالها شي زين انها تساعده حيل
وتشوفينه يشتريله سياره واهي تسوق سياره قرمبعه
عشان جذي نصيحتي لكم
لعنو خيره طلبات كل شي بخاطركم طلبوه
اذا صج صج صج ماعنده طوفوله لكن عنده وتحرمين نفسج واخر شي يفسفس افلوسه باجهزه وخرابيط لا والف لا
خواتم اساور ذهب واستقبال وعرس واثاث كشخه وكل شي تبينه العمر مره وحده بس