تنزل و وييهها مالح ؟؟

[Patcholli]

قوه بنات ..


اليوم داقه علي وحده من ارفيجاتي يحليلها ياينها ناس (( ياين يخطبونها يعني )) :eh_s(9):

المهم هالويك اند ان شاء الله اتفقو ان الولد اي مع امه وخواته عشان الشوفه الشرعيه

بس في شغله مخليته تتردد من هالشوفه ؟؟

تقول شارط الولد ان يبي يشوفها بدون ولا ولا ولا نقطة مكياج ..

يعني حتى كحل ممسوح مايبي :|


اتقول وع انا بيني وبين نفسي لازم احط مرطب اشلون حق شفايفي انزلهم جذي وويهي مفصخ ؟؟

اهي متظايقه تقول بكنسل مابي ..

قتلها ليش تكنسلين ؟

تقول ماعجبني شرطهم يعني انا مستحيل اقوله تعال مصلع ولا تعال مالط الشنب ..

وهم خايفه شكلها يطلع غلط يعني بدله وكشخه بدون ميك اب .. يا عبايه بدون ميك اب يا بدله مع ميك اب .. لول ظحكتني



المهم انا مادري يعني احس صج مو حلوه تنزلهم وويها مالح عالاقل قلوس وكحله ناعمه

وبنفس الوقت احس من حقه الولد يشوف المره بدون مكياج يمكن ماتعجبه يبي يشوف ويهها الصجي في بنات بالمكياج يتغيرون حيييييييييييييييييييييييييييييييل لي غسلت ويهها تصير انسانه ثانيه

المهم شرايكم بنات ؟؟

في وحده مر عليها هالشرط من قبل ؟؟

تسوينها لو شرطو عليج هالشرط ولا لا ؟؟

شرايكم بنات ؟؟

​

 

[Patcholli]

اب اب اب اب

 

[الأمل_5]

صج أني طموشة بس بجاوب ^_^
ممكن أسويها صعبة شوي بسسسس
ماشوف فيها شي أكيد أهو طلب هالطلب عشان يبي يشوف شكلها و ويهها الطبيعي بدون مكياج أكيد أهي لمن راح تعيش معاه على الأقل جم مرة بيشوفها بدون ميك أب
نصيحة خلي تسوي ترطيب بشرتها قبلها بمدة أو في ماسكات حق نظارة البشرة و تسوي خلطة عسل و فازلين تحط على شفايفها شوي مو أكثر من ربع ساعة و تمسحه يرطب الشفايف عدل و تهتم بأكلها الفراولة و البلو بيري كل هالشغلات طبيعية و راح تنعكس على بشرتها و تعطيها وراد طبيعي
و ماراح تحتاج المكياج

 

[MiSS B.K]

اسويها بحيث احط رتوش تخليه يصدق اني مو حاطه شي وهذي من حقج مو حاطه شي يغير معالم ويهج

 

[كويتية بروما]

تحط شي خفيف كانه طبيغي مسكره بلشر طبيعي زبده كاكاو
وان مابغاها مايشوف شر في غيره يبي

 

[الملاك الروحي]

أنا لو بمكانها عادي ولايهمني
هالشي من حقه ومن حقها هي بعد
أهم شي تكون واثقة من نفسها وأن كل شي قسمة ونصيب
ويمكن يطلع هو اللي مايعجبها
والرجال إذا كان يدور على الجمال الظاهري بالدرجة الأولى مايلزمني
بس فعلا خلها تهتم بالماسكات الطبيعية أفضل شي
أنا كنت أحط ماسك عسل وخميرة على وجهي وافركه وبعد مااغسله خدودي تصير حمره وطبيعية

واذا الله كاتبلها نصيب وياه بيشوفها أجمل بنت بعينه
عسى الله ييسرلها ويسعدها يارب

 

[(حكاية قلب )]

مسكين هههههههههه احسه تعقد من البنات !
ختحط فونديشن خفيف يصفى ويعطي وجها نظآرة
وبلشر بنكي خفيف ومرطب وترسم حواجبها ..
بعد اخف من جذي ماكو وبعدين الميك آب يبرز جمال الوى

 

[اشلون يعني &]

مولازم كحل
خليها تحط نو مكاب الي ما يبين
تحط كريم فير اند لفلي على الاقل ينور وجها
وتحط حمره سحريه من الحواج على شفايفها بحيث ماتضغط عليها بس مسحه خفيفه اقل من الخفيف
تحط ماسكرا شفافه تطول الرموش من الصيدليه
وبس

 

[ام الحوراء زينب]

انا بملجتي ماحطيت ولا شي
لووووووووووووول وكنت مريضه بعد
بالعكس ختكون واثقه من نفسها وختشوفه من غير مكياج

 

[جذابه بنت ذيابه]

اذا كلش كلش
خل تحط كريم مخفي و ماسكرا ..

 

[hazel eyes]

اي صاجين لاتترس روحها ميك اب خل تحط رتووش ع الخفيف ماتبين وبنفس الوقت تنور وتحليهاا

 

[Perfume]

انا زوجي ما شرط هالشي بس انا ما حطيت شي عشان يشوفني عالحقيقة خصوصاً انه حواجبي حييييل فاتحين وانا متعودة ارسمهم خفت احط ميكب بعدين ينصدم يقول وين حواجبج لووول
من رايي الوحدة ماتحط شي او تحط شي بسيط وناعم
الله يوفقها وتسلمين حبيبتي عالموظوع

 

[Patcholli]

مشكورين بنات والله انا قتلها نفسكم بالظبط يعني مرطب حق بشرتها مو لازم فاونديشن و مرطب لابيلو وماسكرا خفيفه كلش

بس الولد شكله من كثر ما متعقد بييب معاه

ويمسح ويهها عشان يتاكد لوول

 

[فرزاشيهـ]

حبيبتي خل تحط رتوش الرتوش ماتغيد الملامح !

تضبط حواجبها مع كريم مرطب و حمره مت يكون لونها طبيعي مع مسكره خفيفه ولله ماراح يلاحظ

 

[قموووره]

اي الحبيب يبي يشوف ويها لمه تقعد من النوم شلون يصير خايف ينغش
بالعكس انا اشوف جذيه احسن لها حتى لو عجبته يكون معجب فيها من غير مكياج واذا حطت المكياج عقب راح ينهبل عليها
والله لا ترده بالعكس احسن وبيني وبينج الحين البنات كله غش تجاري ​

 

[امانينا]

تسوي ابرة النضاره ترد ويها بيبي وتظبط حواجبها بتاتو بالصالون وتحط حمره ماتبين
بعد شتسوي هذا شرطه تبيه تقبل والله يوفقهم
شبابنا تعقدوا:eh_s(2):

 

[katalee]

شو
في حبيلتي
اهم يقصدون بدون مكياج يعني مو كثير
حطي مرطب بنفس الوقت مبيض طبيعي حطي مسكرا حطي حمرة وميحيها وجذي،تبينين حيل طبيعية الله يوفقج

 

[Patcholli]

مشكورين بنات قمور اي اهو وده جذي الظاهر

وليش ام ارفيجتي ماسوتها فبنتها ؟؟

اتخيلي مناديه البنيه فلانه فلانه ..

وهذيج واعليا بالبجامه ووالكشه وتركظ عالسلم

تعالي يمه يايينج خطاب :|


واي قمور انا كلش مو قادره اتخيل موقفها ولا احط روحي بمكانها ولا اتخيل شكلها واي احس تحطيم لووووووووووووول

معقوله في امهات جذي طقة خالتي قماشه ؟؟ انا قتلها جذابه بس تحلف وتتكفر ان امها تسوي هالسوالف كل ماييونها خطاب ماتعلمها عشان يشوفونها عالطبيعه .. انزين مو بالبجامه عاد ..!!

لا وحلاته على يوم محنيه راسها ولا مدهنه شعرها وتنزلهم :|

انا لو مكانها انحاش من البيت لاتقولون امي لووول


امانينا يسلمو عالنصايح

كتاكيت الله يسلمج حياتي :** ويوفق الجميع بس الموضوع عن ارفيجتي انا متزوجه من زمان لوول
بس خوش دعوه يعني التغيير حلو بعد

 

[قموووره]

الله يهديها امها دفشه ... عاد مو جذيه !!! في ناس جذيه تقول اي مو علشان باجر ايي ويقول غشيتوني ولا قصيتو علي بنتكم ويها كله مكياج قعدت من النوم لقيتها واحد من الريع لووووووووووووول ... والله باتشو في رياييل يقولون هالحجي من جذيه امها ماتبي تحط بنتها بهالموقف بس الله يهداها بالغت عاد موجذيه! ترى على النيه صدقيني
حتى يارتنا لي يت ما نقعد بالبجامه !!!!!​

 

[Patcholli]

من صجج قمور انا ابوي الي اهو ابوي استحي اقعد جدامه بخلاجين او بجامه ماحب هالمره واحد ياي يخطب .!!!

عالاقل خل تلبس دراعه .. مريول مطبخ .. بلاسوت اي شي اي شي بس مو بجامه :< على ميكي ولا بطوط :<

واي مسكينه والله تعور القلب تقول الحين اي وحده تكلمني عن الزواج اقولها خيشوفني بالدوام ..!!