تنصحوني ادخله حكومه ولا الباكستانية

[um.zooza]

السلام عليكم
شلونكم بنات وأمهات
بغيت أستشيركم
ولدي من الحضانة لي الروضه كله بخاص والحين قاعدين يمدحون مدارس الحكومه

ولدي رايح ان شالله اولى ابتدائي وحدددددي محتاااره وين ادخله مع العلم انه مستواه جيد
اللي تساعدني جزأها الله الف خير*​

 

[ورد وردي]

حبيبتي طبعا اول شي الاستخارة قبل لا تقررين على اي شي

ثاني شي انا اشوف ان اذا ماتقدرين ادخلين خاص خاص مثل الرؤيه و الرساله و هالمدارس الغاليه ...... دخليه حكومة ابرك من الباكستانيه

لان دايم اشوف المدارس الباكستانية كبيئه بيئتها قديمه والطلبه اغلبهم مو كويتيين اوكي تعليم قوي بس مو كل شي التعليم انا سامعة حتى ماكو ترفيه عندهم كلة واجبات

الا اذا في مدارس باكستانية شوي راقيه انا مادري عنها ممكن


بس انا اشوف الحكومة احسن من الباكستانية عالاقل كويتيين ومدرسين كويتيين ومباني زينه

تخيلي رفيجتي مدخلة عيالها جذي مدرسة اهليه اغلبها عرب مو كويتيين اكتشفت ان بالصف الابلات يقومون الكويتين من الكمبيوترات الي تشتغل بحصة الحاسوب ويقعدون الي نفس جنسيتهم ......... ويخلون الكويتي بدون كمبيوتر ومدرسة متهالكة .... اذا جذي والله الحكومة ابرك

 

[um.zooza]

حبيبتي وردي وردي اول شي اشكرج جزييل الشكر كونج الوحييده اللي ردت علي من بين اللي دخلو كلهم
ثاني شي أنا معاج من ناحيت ان الواحد يا يدخلهم مدارس قويه او لا بس مثل ما انتي سائله الإيجارات نار والخدم كل مالهم يرفعون اسعارهم وكل شي نااار هذا الشي اللي خلانا نلجأ للأرخص او الحكومه

بس أنا وايد كنت مترددة عالباكستانيه بسبب النقطه اللي قلتيها الاختلاط مع الجنسيات الثانيه مع احترامي لهم والضغط بالتدريس

علشان جذي احتمال كبير اسجله بحكومه بين أهلنا ومجتمعنا

ولازم أني اركز عليه من ناحيه التقويات والتدريس
مشكوووووووره حبيبتي​

 

[ورد وردي]

ولو ما سويت شي

و زين تسوين المعاهد بالصيف وايد تنفع مثل المعهد البريطاني يمدحونة وللقران عندج السراج المنير ممتاز .... انا مفكرة اذا ماقدرنا عالخاص اسوي جذي

 

[@ام يوسف@]

ااااااااااب

 

[عادت ذكرياتي]

ولو ما سويت شي

و زين تسوين المعاهد بالصيف وايد تنفع مثل المعهد البريطاني يمدحونة وللقران عندج السراج المنير ممتاز .... انا مفكرة اذا ماقدرنا عالخاص اسوي جذي

خوووووووووووووووووش راي


معاها

 

[توتاتوتا]

الباكستانية يتأسس فيها سنتين _ ثلاث

الحكومة ما تأسس حتي لوحاولتي تعوضين فالبيت

واذا تأسس ورجعتيه حكومة بيتفوق و يتميز و هذا الي نبيه لعيالنا

وبالتوفيق

 

[ام العامر]

انا براي استخيري اولا
الباكستانيه مانصح فيها لانهامتعبه ومستوها مو شي حتي الانجليزي يعلمونهم غلط اختي مدخله عيالها لي رابع ابتدائي بعدين ردتهم حكومه الصدمه طلعو فاشلين بالانجليزي لان المدارس الباكستانيه ماتعلمهم قواعد انجليزي مو مثل الامريكيه والبريطانيه حرام مايسوا الي درسوه
وهي معروفه بكثافه المنهج والوجباات بمعني اذا بدخلينهم خاص يادخلينهم مدارس سنعه ولا لادخلين
اتمني اني فدتج والله يوفقج