تنصحوني اكمل بالاكاديميه الامريكيه aag ولا اغير؟؟؟؟؟؟

[ام حمود@22]

السلام عليكم
انا بنتي ب kg1 وبتروح السنه اليايه kg2 انشالله بس وايد محتاره موعارفه اشلون اعرف احكم على مستواها يعني مثلا:
بنتي اشوف عندها تقدم بسيط نوعا ما بالانجليزي وانا كنت حاطه فبالي بتكون بلبل نهاية السنه خاصه انها كانت العام ب prkبمدرسه خاصه بعد
صج بتي ماتتكلم وايد عندهم بس عندنا فالبيت تتكلم وتقول كلمات بس مو جمل
الله يعافيكم ساعدوني وعلموني شلون اقيم المدرسه؟ومتى راح اشوف النتيجه على بنتي؟
للامانه المدرسه وايد مرتاحه لتعاملهم وطريقة تدريسهم حلوه يعني سوالف حركات ورحلات وحفلات اللي حببت البنت بالمدرسه لكن مشكلتي مستعيله اشوف بنتي بلبل بالانجليزي (ابي اعوض النقص اللي فيني)

 

[ام حمود@22]

اشدعوه بنات مافيكم وحده تبي تساعدني؟؟؟؟؟؟؟
ترى موضروري الا تعرفون المدرسه هذي بالذات المهم تساعدوني وتعلموني شلون احكم على اي مدرسه انها زينه واكمل فيها ولا موزينه وضعيفه ولازم اغيرها باي مدرسه ثانيه تعرفونها

 

[الفرسان الثلاثة]

حدج مستعيلة توها بنتج خلصت الكي جي 1 و راح اتفرقينها ان شاء الله وايد بعد ما اتخلص كي جي 2 و دامج مرتاحة من المدرسة و بنتج ماشاء الله حابتها و مافي منها مشاكل توكلي على الله و كملي فيها هذا رايي و احنا مادري اشفينا وايد مستعيليين على عيالنا و اكيد كلنا نبي احسن شي لهم بس هم حرام شوي شوي عليهم خل يستمتعون بطفولتهم ومادري انا اشوف ان الياهل بعمر الكي جي 1 أهم شي يلعب و يتحرك و يلون وينطلق هالشي راح ينمي ذكاءه مو لازم يقعد و يكتب من هالعمر شوي شوي عليه و راح اتشوفين ان شاء الله تطور بس صبري شوي

 

[LuLiTa]

حبووبة انا اقوول خليها في مدرستها دام اهمه تعاملهم حلووو و البنية حاابة المكااان و مستانسة فيه ,,,,على شنو العيلة ؟؟؟ توها صغيرة فشلون حكمتي انه مستواها في الانجليزية ما راح يتطور ؟؟؟؟ تبينها اتصير بلبل من الحين !!!!

 

[ام حمود@22]

مشكورين حبايبي اللي رديتوا علي
بس انا ماقلت المدرسه موزينه قلت انا مو عارفه احكم عليها وودي احد يعلمني شلون احكم عليها،
من ناحية طريقة تعليمهم باللعب انا وايد حابه الفكره ابي البنت تحس رايحه تستانس مو تنهري دراسه واهيا صغيرونه بس انا كنت متوقعه ان بحتكاكها مع ناس يتكلمون انجليزي كل يوم راح تكون بلبل بسرررعه وانا قلت لكم انا مستعيله ابي اعوض النقص اللي فيني وعلى فكره البنت سنتين تروح المدرسه لنجليزيه يعني التمهيدي والروضه اول


على العموم رايكم ريحني وايد انا كنت حاسه اني مستعيله بس كنت ابي احد ااكد لي هالشي
شكرررررررررا

 

[حلم الطفولة]

تقصدين الأكاديميه الأمريكيه للبنات ,,
أظن إنها بعد سنتين ( بترطن ولتلبلب )
الله يطمن قلبج عليها باللغه وبالصلاح والدين والسنع آآمين

 

[ام حمود@22]

حلم الطفوله
الله يسمع منج امييييييييييييييييييييييييييييييييييييييييييييين
الله يطمنج ومشكوره واااايد على الرد والدعوه الحلوه
ماقصرتي انتي والبنات اللي قبلج ردوا علي والباجي بس يشوفون الموضوع ولا حتى رفعوه
يعني افهم منج اكمل فيها اوكي المدرسه
(الاكاديميه الامريكيه للبنات بسلوى)

 

[fayoona74]

اختي انا بنتي عندهم من كي جي 1 وحاليا 3 ابتدائي
ترا البلبل بالانجليزي ماراح تحسين فيه الحين يبيلها وقت انا بنتي ب3 وبعدها مو متمكنة 100% ترا اللغة يبيلها وقت
وبنتي كل مانوي انقلها تبجي وتبي مدرستها وهذا مؤشر زين ان البنت تحب المدرسة
توكلي على الله وكملي اهم عيبهم المبنى قديم
والزين فيهم بنات وبس
وخري عن المختلط نصيحة