تنصحوني بحبوب الروكاتين ؟؟؟!!!

[• الْـڪَـونّتيسَـہٌ «]

السلام عليكم والرحمه

يسعدلي مسآآكم ~ صبآآآحكم بالنور والطااآعه

شحـآـآلكم ؟؟ ان شاء الله بصحه وعافيه . .

بنات حبيت أسـآلكم عن حبوب الروكاتين سمعت انها مفيده للحبوب اللي بالويه

خصووصا اني عانيت وايد :eh_s(2): . . بغيت أسأل اللي جربو هالحبوب

حصلو نتيجه ؟ وشو الـآثار الجانبيه وهل كانت تبين ولا ؟ اي و اول ماستخدمو الدوا زاد الحب اللي فالويه ولا ؟

وشو الفحوصاآت اللي يسونهـآـآ , وكم مره ياخذون تحليل دم خلال فترهـ العلآآآج ؟

واذا عندكم اي اضافه بليز كتبوها لاني خلاص مقرره اخذها بعد معاناه مع حب الشبآآب اللي لوع بجبدي

سوري طولت عليكم . . بس منكم نستففييييد

ومشكووورين مقدمــآـآ :aha:​

.

 

[cuta.19]

روحي الطبيب و اهوا يقوولج احسن بس دام ويهج فيه حبووب اكيد بيعطيج ياهم

 

[law love]

طبعا لازم اتروحين الطبيب و اهوه يقرر و تسوين تحاليل انا خذيتهم وارتحححححت حييل الحين انا بفترة قطع الدوى لاني خلص و بشرتي صفت و فتكيييييت

بس في ناس ما اتوالمهم و يقطعونها

في موضوع عن تجارب البنات و تجربتي ادوره و اردلج

 

[توفـــا]

انصحج فيهااا عجيبه

والاثار جفاف الشفاايف والبشره وكله ينحل بل ترطيب والفازلين

والتحاليل يعطيج اايااهاا دكتورج كل شهر لازم تحليل دم وكبد عشان تتأكدين انه ماضرج وتقدرين تكملين علاااجج

اانا بشهر الخامس الحين وانشاااءلله راح اخلص الكورس كااامل صج راحه نفسيه وعلي حسب حبووبج وجسمج في بعض البناات يزيدون لحبوب عندهم ااااول شي لان لحبوب تطلع كل لحبوب اول شي وبعدين تعالجها وبعض البناات علي طول تعالج بشرتها وتصفيهاا او بعضهم تطلع لهم جم حبه وتعالج علي طول واناا صار معااي جذي اااول شي جم حبه كباااار وصغار طلعولي بس بسرعه راحو


واانشاااءلله تصفي بشرتج وادعيلي لا تنسيني ههههه

 

[law love]

http://www.q8yat.net/showthread.php?t=255726


هذا الموضوع

 

[• الْـڪَـونّتيسَـہٌ «]

رد : تنصحوني بحبوب الروكاتين ؟؟؟!!!

مشكورين بنات ..

 

[bibi]

شوفي مافي دوا ماله سايد افكتس ، لكن أحيانا نضطر لاستعماله تجنبا لشي أخطر ، والروأكتين راح تستعملينه لمدة كورس بس وتوقفينه بعد فترة ، يعني قولي الحمدالله انه مو مرض دائم ومضطرة تستعملين الدوا طول حياتج .

أذكر فمقابلة لدكتور جلدية كان يقول كثير من الناس اللي يعانون من حب الشباب وخصوصا في البداية يرفضون استعمال الروأكتين تخوفا من آثاره الجانبية ، لكن بعد سنين يندمون أشد الندم لأن آثار حب الشباب مدمرة مع الوقت ، حفر ومسامات واسعة وندبات بالبشرة ، وساعتها يبدون فصل جديد من المعاناة مع التقشير والليزر ووو وفكثير من الأحيان يصعب علاجها ، وكان يحرص على الشباب يسارعون فعلاج حب الشباب من البداية ماينطرونه لما يتأزم ويترك آثاره على بشراتهم .

فنصيحتي لج اذا حب الشباب مزمن اتوكلي على الله واخذيها بعد استشارة طبيب طبعا يشوف حالتج اذا محتاجة ويسوي لج تحاليل عشان يحدد الجرعة المناسبة ، وأعرف 4 حالات من سنين خذوها وماشاءالله تحسنت بعدها بشرتهم ولازالت وعلى فكرة تقدرين تراجعين خاص وبنفس الوقت تفتحين ملف فعيادة الجلدية الحكومية عشان يصرفون لج الحبوب إذا بتتجنبين التكلفة .
وبالشفا إنشالله وتقولين وداعا لحب الشباب .

 

[Petite]

أعرف وايد ناس خذوه وتحسنت بشرتهم للأفضل والمعاناة كانت بس بالجفاف

بس يقولون ان عقب ماتخلصين الكورس ، لازم ماتحملين لمدة 3 أشهر لأنه يسبب تشوهات للجنين اسمله عليكم يعني اللي تبي تتزوج قريب لا تآخذه والله أعلم

 

[so_what]

والله انا جرربتها وردت لي الحبوب عقب سنه ونص تقريبا جني مو مستخدمه شي الله يعين