تنصحوني برياض اطفال و لا اخصائيه نفسيه

[نور الضي]

السلام
شلونكم بنات
انا تخصصي علم نفس
ما ودي اصير اخصائيه نفسيه يقولون كرااااف و معاش ضعيف
اما رياض الاطفال معاش قوي بس ما ادري عن الشغل
نصحوني:0bee2e8d89:
انا خريجه و محتارررررره حدي:0bee2e8d89:

 

[miamy]

اذا تبين معاش قوي ابله اكيد

اذا تبين راحة بالج اخصائيه

 

[عهود الحب]

فرق الاخصائية عن المدرسة
نصيحة تبين ترتاحين وتريحين بالج
روحي اخصائية
والفرق موكبير حيل
الله يسلم العلاوات الجديدة

 

[طيرشلوا]

اخصائية واشترى راحة بالج

 

[maha25]

ماانصحج برياض اطفال كرف ويبيلها طولت بال مع الاطفال غير المعاش بيروح على المكتبات والوسايل وياليت يبين بعيونهم اسالي مجرب:eh_s(11):

 

[طيبة الطيبات]

السلام عليكم انا مادخل القسم هذا بس لما شفت العنوان قلت ابى ادخل واحذرك لاتدخلين رياض اطفال خصوصا اللى تبى تحلل معاشها راح تتعب لانها راح تعطى من قلب وانا كنت مدرسة رياض اطفال والحين متقاعده تعب تعب تعب تعب وراحة بالك افضل اشتغلى اخصائيه احسن والسلام ختام

 

[روح البخور77]

اسأل مجرب ولا تسأل طبيب انا كنت اخصائيه نفسيه وحولت للريااااض فرق السما عن القاع شوفي انا اشوف بالروضه معاش وتحديد مهام يعنى شغلج تشوفينه اما الاخصائيه تكرفين وما كو تحديد مهام يعني انتي بتاع كلوا ومعاش ولا شي بس اذا على الاريح طبعا الاخصائيه اريح بس معلمه الروضه فيها متعه اكثر وحياة:ggdw: وسلامتج

 

[بيحار]

لالالاتعب تعب كانك امهم مايبونك تبعدين عنهم ابداابد


اذا باااااااااااااااااااالك طول وتتحملين الاطفال انصحك


واذا انتي عصبيه ماتحبين الاطفال لاماانصحك ابدابد

والاطفال يبيلهم تشجيع وتغير الروتين يعني موكل الوقت باالفصل يبليهم تغير

واهتماااااااااااااااااااااااااام منك عند التدريس وسلوكهم تعلمينهم الصح والخطاء

لانك انتي المسؤله عن فصك بكل شي يصير


وهذا رايي انا اتمنى اني اكون افتك بشي

 

[عجائب الدنيا]

نصيحه بس انحاشي الابله كراف كراف ما تلحقين علي الشغل خليج اخصائيه وبس

 

[نور الضي]

مشكورين بنات
و ما قصرتوا

 

[الـــريـ 86 ـــم]

بتكلم عن نفسي انا معلمه رياض اطفال وقرفااااااااااااااااااااااااااااانه حدي والنيه ان شاء الله منحااااشه من هالوظيفه المقرفه

رياض الاطفال عوار راس وشغل مايخلص حتى وانا نايمه افكر بدرسي وغير ان اليوم كله شغل في الروضه وحتى في البيت والتوتر النفسي كل يوم تنطرين مشرفه ولا ناظره ولا موجهه على اعصابج ,,,,

ونصيحتي صلي استخاره وان شاء الله ربي يوفقج بالوظيفه ,,

 

[أميره بلا قصور]

اعتقد ردوود البنات واضحه

كلنااا عايشين هالوضع كمعلمااات

نصيحه لاتطيحين بنفس الفخ اللي طحناا فيه

استخيري والله يوفقج