تنصحوني برياض الاطفال تكفوون بسرعه قبل لا يروح الوقت

[((المزيونه))]

مرحبا بنات شلونكم أخباركم..

اناتوني متخرجه من الثانويه ونسبتي تدخلني التربيه الاساسيه

فبغيت اسالكم تنصحوني برياض الاطفال يعني شلون دراسته في الكليه سهله صعبه في تقارير وتعب ولا بس امتحانات وحضور يعني ياليت تشرحولي عنه كل شيء

بلييييييييييييييييييييييييييييييييز

والله يوفقكم ويرزقكم بلي اتمنونه :eh_s(21)::eh_s(21):

 

[سر النور]

بالعكس من ناحية الدراسة بالكلية يعتبر اسهل تخصص وممكن يطلبون منك تسوين حلقة او تالفين لعبة تربوية وهذي هينة مستعدين نساعدك بس اللي تعب صج اهو لما تتوظفين وتنصدمين بالواقع تعب كرف ملل اهمال البيت والزوج والعيال اهمال نفسك وجمالك وضياع انوثتك ووووووووالظلم من الادارة والتوجية وبالاخيييييييييييييييييييييييييييييييييييييير ولا كانك سويتي شي
هذا رايي بصراحة في رياض الاطفال وانا خواتي لما كانوا يبون يتخصصون بعدتهم كثر ماقدرت عن رياض الاطفال

 

[lovely jojo]

بالنسبة للدراسة سهلة ولكن شنو بعد الدراسة ؟؟؟؟؟؟؟
انا لو يرد الزمن لي ورا مستحيل ادش هالتخصص..

 

[قلبي تركواز]

حبيبتي دراسته سهله
بس تدريسه صعب مووووووووت كرف كرف كرف حمير
انتي فكري وقرري شنو ودج ؟؟ ودج تتدرسين اربع سنين سهلاااااااات بعدين تكفرين 20 سنه كراااااااف
والا تدرسين بتخصص صعب 4 سنين وترتاحين بوظيفه مريحه 20 سنه

انا مدرسه رياض صار لي اربع سنين ولو يرد الزمن وراء ماراح اختار رياض اطفال
لانه من جد ظلم وكرف مووووووووت
يعني الميزه الوحيده انا نطلع من الدوام الساعه 12 وثلث ولو اتوقع لو يزيدون ربع ساعه بالدوام جان صارت حالات اخماااااء من التعب
والله كرف مووووت ماتوصلين البيت الا انتي مكروفه موت وميته من التعب
كلش والا اذا كان عليج حركيه يعني بالعربي حصه رياضه تقدمينها الساعه 11 وانتي اساسا من الصبح ماااااسكه ومستلمه الصف اللهم 40 دقيقه راحتج تتريقين فيها بسسسسسس
انصحج انحاشي من رياض الاطفال لان مدرسه الروضه مظلمومه ومهضومه حقوقها
وكافي التدرج الوظيفي برياض الاطفال المردسه لازم تكرف 15 سنه بعدين بعدين يالله يالله تترقى وتصير مشرفه
اما تخصصات التدريس الثانيه 5 او 6 سنسن وتصيرين مشرفه قسم
وفي المدارس المدرسه عندهم كل مازادت سنوات خبرتها قل نصاب حصصها بالاسبوع يعني يخففون الجدول على المدرسات اللي خبرتهم وايد
اما احنا مايمشى هالنظام عندنا بالعكس كل ماصارت خبرتها واجد كل مااكرفوها اكثر

 

[*أم*خالد*]

انا احب وظيفتي بصراحه

صح متعبه وكرف وهلاك وعصر مخ واطلع من الدوام صخخخه ارجع البيت اطالع التلفزيون واهوا ميوت
بس وظيفه حلوة وفيها أكشنات غير باجي الوظايف اللي كل يوم نفس اليوم اللي قبله

واهم شي الوحده تخاف ربها وبس

الحلو فيها
العطل
ساعات الدوام
مرونه في مكان العمل تقدرين تتوظفين بنفس منطقتكم مو شرط تطقين درب من الوفره لي العبدلي عشان توصلين دوامج
والمعاش تساوت الروس صرنا كلنا نفس الشي ماكو فرق لا يغرونج بالمعاش ترى موظفات البنوك يستلمون رواتب احسن منا

العيب
ازعاج
ضغط التجديد في العمل
وعلى حسب الاداره والتوجيه
التعامل مع اولياء الامور ماحبهم .. ترى ماحبكم بس احب عيالكم ولا شوفتكم تلوع جبدي لووووووووول

المهم وبس هذا اهو
تحبين الاطفال ؟؟ عندج قدره على العطاء ؟؟ دشي حياج .. بس اذا ترددتي في مدى حبج لهالفئة العمريه
انا اقول شوفي غيرووو ومن دنيتك شيلوووه

 

[عهود الحب]

رد : تنصحوني برياض الاطفال تكفوون بسرعه قبل لا يروح الوقت

صح متعبه وكرف وهلاك وعصر مخ واطلع من الدوام صخخخه ارجع البيت اطالع التلفزيون واهوا ميوت
بس وظيفه حلوة وفيها أكشنات غير باجي الوظايف اللي كل يوم نفس اليوم اللي قبله

الله يهنيج ام خالد
طيب
والي عيالها مو ميوت !
تخلص من عيال الروضة و يدشون بالخط عيالها المزعجين
و تلومونا لي صار فينا خرف مبكر و طفولة متأخرة :d

 

[*أم*خالد*]

عهود

امممممممم

مادري والله بس صدقيني وظيفتنا حلوة لو يخيروني بينها وبين أي وظيفه ثانية ما اهدها واروح حق وظيفه ما يخلص دوامي الا 2 مادري 3

وعقب جم سنه شغل اللاصفي والحلقه يصير اوتوماتيكي وكل شي متوفر

شوفي الفرق بينا وبين الوظايف الثانيه

اللي بس متكسرين على الكرسي .. احنا الحمدلله نقوم نروح ونرجع " الحركة بركة "
ودوامنا ساعاته فيه تنوع .. نشاط حلقة مطعم فرصة اركان لاصفي انصراف .. مو طول الوقت منحبسه بغرفتج او تروحين يمعه مع باجي الموظفات بلع وسوالف ومايبقى مجله ولا شي مايقرونه من الملل

 

[عهود الحب]

رد : تنصحوني برياض الاطفال تكفوون بسرعه قبل لا يروح الوقت

كلامج سليم
بس شكلج ماكملتي خمس سنين بالخدمة ..

صدقيني مع الوقت حركتج بتصير بطيئة
و نشاطج بيقل تدريجيا و يحوشج احباط وضيم و قهر
و شوي شوي بتلاقين روحج تمشين تكلمين روحج

انا وصلت لهالحالة بعد ما كملت عشر سنين
حسيت فيوزاتي شوي شوي تضرب
و بعد ماكملت 15 سنة
حسيت نفسي كل ماله العقل يخف و اي شي ممكن يضحكج و بيجيج بنفس الوقت
احس خلاص

التقاعد هو نفس باب دار العجزة



الحل ؟

الحل التقاعد المبكر او انه الوحدة بسرعة تترقى و تتحرك

 

[G A L A W I]

ليش تصدمونا وتصكرونها بوجيهنا!!>>>مابقى شي ع الميداني..
بس كم مره سويت حلقه وطبقت ألعاب تربويه..وحبيت الوضع حيل واصلا متعتي التعامل مع الاطفال..

انا خالتي الحين ناظره وصارلها سنييييييييييييييييييييييييييييييييييييييين مدرسة روضه..
للحين وهي ناظره تحب مجالها حيل وتشجعني عليه..!!​

 

[G A L A W I]

وبالنسبه لسؤالج يالمزيونه..

انا لما كنت بنفس وقتج ماطرا علي اسأل هالسؤال..
موقصدي التقليل من قدر احد..
بس كل واحد له راي وشخصية مستقله..وطبيعي الاراء بتختلف..
بإختصار انتي مقتنعه بهالمجال..حابه التخصص..دخليه..
ومدري حسيت من اسلوبج مو حابته,...والدليل اول شي سألتي عنه..وضع الدراسه بالكليه والحضور والغياب!!
روحي واسألي عن طبيعة التخصص ومواده وموضوعاته..وطريقة الوظيفه..
وشوفي نفسج اذا تقبلتيه ولا لأ!!​

تقبلي مروري​

 

[عهود الحب]

رد : تنصحوني برياض الاطفال تكفوون بسرعه قبل لا يروح الوقت

ليش تصدمونا وتصكرونها بوجيهنا!!>>>مابقى شي ع الميداني..
بس كم مره سويت حلقه وطبقت ألعاب تربويه..وحبيت الوضع حيل واصلا متعتي التعامل مع الاطفال..

ننتظر كلامج بعد الميداني

 

[G A L A W I]

رد: رد : تنصحوني برياض الاطفال تكفوون بسرعه قبل لا يروح الوقت

ننتظر كلامج بعد الميداني

ان شاء الله ياقلبي..
ابشري,,

 

[lovely jojo]

يا جماعة انا عن نفسي كنت ايام الميداني شعلة من النشاط وميته على هالتخصص وحابة الاطفال ولــــــــــــــــكن
بعد سنتين من التدريس احس اني ظلمت نفسي بهالمكان وبيئة الروضة استغفر الله كلها مشاكل وغيرة وما تقدرين تعزلين عمرج
الله يعين ..
والله يوفقج يالمزيونة ...

 

[جبروت امرأة]

والله البنات ماقصروووووا قالوا كل اللي بقلبي واللي بغيت أقوله

لكن يالمزيونه انتي استخيري والله كريم يوفقج ويسهل عليج انشالله

​