تنصحوني تتم عملية الدوالي لزوجي او لا ؟؟ محتاااارين

[هِتاف]

السلام عليكم
زوجي طلع عنده ضعف وتشوهات ولزوجه
وطلع السبب دوالي من الدرجه الاولى
والدكتور قال ضروري تسوي عمليه


من رايكم يسويها او لااا ؟؟
بحثت بالنت كثييييييررر
واحترت اكثر واكثر

بعضهم نفع معهم والبعض يقول انتكس


وابي اسأل ايش يعني عملية الحقن او الانابيب
بالضبط ايش يسوون فيني وفي زوجي ؟؟؟؟؟؟

 

[qoot]

دام الدكتور قال لكم سووها فلازم تسوونها اهم شيء خلي ريلج يستخير قبل العمليه

الحقن المجهري واطفال الانابيب نفس الشيء بس الفرق بسيط

الحقن المجهري اذا العيب بالريال نفس حالتكم

يعطونج ابر منشطه ليما توصل المبايض للحجم المطلوب ويسحبون المبايض تحت تخدير كامل ماتستغرق الا نص ساعه ولازم تكونين صايمه ياخذون المبايض
ويطلبون السائل المنوي من ريلج لازم يكون ثلاث ايام ماصار بينكم لقاء وياخذون السائل المنوي بالحقن المجهري يختارون افضل حيوان منوي ويحقنونه بالبويضه طبعا اكثر من بويضه وبعدين يرجعون البويضات لرحم مره ثانيه

واما الانابيب اذا كان العيب من المره نفس الطريقه بس الفرق مايحقنون الحيوان المنوي بالبويضه

 

[om batool]

استخيري وانا انصحج يسويها اعرف ع طول حملو بعد عمليه

 

[مسـك]

زوج رفيقتي كان معا دوالي سو العمليه وتو مرت طالعه من الاربعين


يستخير اول ويقرر

 

[ياهم لدي رب]

حبوبه دزيتلج علخاص