تنظيفات او اشرب! ساعدوني بليز

[RoDriGueziYa]

السلام عليكم بنات ابي مشورتكم
انا حامل بالاسبوع التاسع الحين والجنين مو مبين بالسونار او بالاحرى مو بعمره صغير حيل سويت تحاليل واالنتيجه ان حمل مو سليم لازم ينزل!! الحمدالله على كل حال

ابي اعرف الحين شنو الاحسن اشرب اشياء او اسوي عملية تنظيفات! ووين احسن مكان اسوي فيه!

 

[Vip qatar]

حبيبتي حاولي تشربين اشياء تنزل البيبي احسن من التنظيفات انا اجهضت مرتين وسبحان الله يكون الحمل مو سليم الجسم يرفض الحمل اقعد اشرب زنجبيل ودارسين وحسو وكنت امشي وايد واتحرك وبس بروحة ينزل احسن والله يعوضج يارب بالحمل السليم الثابت يارب

 

[روح الأحزان]

حبيبتي الله يعوضج خير ان شاء الله

 

[om_3azoz]

حبيبتي ربي يعوضج ياقلبي
انا اقول شربي شي حار دارسين زعتر وينزل دام صغير ,,

 

[ناتشوو]

الطبيبة اللي قالتلج انه بينزل
شنو قالتلج شنو نصحتج
عطتج حبوب تنزل
ولا قالت تنظيفات؟
ترى مو شرط صغير ينزل بروحه ممكن يكون اجهاض منسي
يعني ماينزل الا بعملية
والتنظيفات سهالات خاصة انج باول الشهور
اللله ييسر امورج ويعوضج قريب
ممكن تتسوى بخاص ولا حكومي

 

[الشرازيه]

مادري
بس الافضل من باب الحرص تروحين طبيب ثاني اذا انتيً شاكه في كلامهم او للتاكيد اكثر
ساعات التشخيص او التحاليل ما تكون صحيحه ١٠٠/١٠٠
لاني في حاملي في بنتي قالوا لي البيبي ميت لازم نتزلينه واهي مالها الا شهرين وانا رفضه
وراحت لطبيب ثاني قالوا لا حجمه صغير ونبضه ضعيف لازم الراحه التامه

بس اهم شي تتاكدين قبل كل شيً
وعسي ربي يرزقج الذريه الصالحه
*

 

[غرام القمة]

عليج بشرب شجرة العوار
واشربي الحلبة وحبة بركة اطبخيهم مع بعض كمية واشربي مايها والهيمي حبوبها راح تنظف رحمج عدل

 

[RoDriGueziYa]

ااختي الشرازيه رحت قبل شوي دكتور ثاني ونفس الكلام قال وقف نمو الجنين ولازم ينزل

اختي ناتشوو دكتورتي ما عطتني مجال خلت السكرتيره تتصل وتقولي نتيجه التحاليل ولازم اسوي التنظيفات باسرع وقت الليله او باجر بالكثير!! وتقول ما تقدرين تشربين شي لان فيج كيس حمل!! ما فهمت شتقصد بس المهم تقول لازم عمليه!!

رحت قبل شوي دكتور ثاني وقالي نفس كلامها ان نموه واقف بس قال مو شرط السرعه بالعمليه عطاني لي يوم الاثنين اسويها وقالي حاولي تشربين اذا تبين اشياء بس توقع ان ما راح ينزل شي لان يقول رحمي مسكر ولا قاعد ينزل دم اصلا

مشكورين خواتي كلكم وان شاء الله ببتدي اشرب اللي قلتولي عليه والله كريم مني لي الاثنين اشوف شيصير
*

 

[ع ـبدليه]

الله يعوضج خير يارب

 

[*kim*]

الله يعوضج يارب

 

[*kim*]

الله يعوضج يارب

 

[ام الحلوااات]

اللـــــه يــــعــــوضــــج خـــيــــر

 

[ريناد الكويت]

حبيبتي فيه عند العطار دوا اسمه القشعه او عشبة العوار اخذيها واطبخيها بماي واشربيها اذا الجاهل ميت تنزله وتنظف رحمك واذا الجاهل حي ترفعه احسن لك واخذي سونار بعدين وشوفي اذا رحمك نظيف والا يبيله تنظيفات بس هي تنظف الرحم الله يسهل عليك انشالله

 

[RoDriGueziYa]

مشكورين حياتي ما قصرتو وما تشوفون شرررر يا رب

 

[ناتشوو]

ااختي الشرازيه رحت قبل شوي دكتور ثاني ونفس الكلام قال وقف نمو الجنين ولازم ينزل

اختي ناتشوو دكتورتي ما عطتني مجال خلت السكرتيره تتصل وتقولي نتيجه التحاليل ولازم اسوي التنظيفات باسرع وقت الليله او باجر بالكثير!! وتقول ما تقدرين تشربين شي لان فيج كيس حمل!! ما فهمت شتقصد بس المهم تقول لازم عمليه!!

رحت قبل شوي دكتور ثاني وقالي نفس كلامها ان نموه واقف بس قال مو شرط السرعه بالعمليه عطاني لي يوم الاثنين اسويها وقالي حاولي تشربين اذا تبين اشياء بس توقع ان ما راح ينزل شي لان يقول رحمي مسكر ولا قاعد ينزل دم اصلا

مشكورين خواتي كلكم وان شاء الله ببتدي اشرب اللي قلتولي عليه والله كريم مني لي الاثنين اشوف شيصير
*

الله ييسر امورج
اظن نفس الوضع اللي مر علي
كيس حمل
واحتجت تنظيفات الرحم مسكر ولا قاعد ينزل شي
انا سويتها بدار الشفا
عند دكتورة معصومة
بس حتى الحكومي يسوونها
ماتشوفين شر
الله يعوضج خير يارب
وفعلا مو لدرجة ضروري تسوونها خلال يومين
بعض الدكتورات يحبون التخرع والاكشن
عادي تتأخرون شوي

 

[RoDriGueziYa]

مشكوره حبيبتي ناتشوو امين يا رب

شريت القشعه اليوم بشربها باجر واشوف شيصير معاي !! على امل ينزل قبل الاثنين 

 

[ABEER FLOWER]

مـعوضه يااااااارب

: )

 

[جـــواهر]

اشربي الشجره مالت العوار

اذا الجنين حي ترفعه واذا الجنين ميت تنزله