تنظيف اسنان عيالكم

[توتا حمرا]

السلام عليكم

حبايبي من متى تبدئون اتنظفون اسنان عيالكم بأي عمر ؟

وشنو اول طريقة تستخدمونها ؟

وفي معجون اسنان يناسب الرضع ؟

بنتي عمرها سنة وخمس شهور وقبل جم يوم كلت برتقال وصار بين أسنانها وللحين موجود ماترضى اقرب يم اسنانهاي
اتمنى تتفاعلون مع الموضوع لان ماجوفه ينذكر في المنتدى وفي امهات غافلين عن هالشغلة وحتى اللي عيالهم اكبر يشاركون عشان الكل يستفيد

 

[Tame]

أنا بعد ابي اعرف ولدي توه كما سنه وعنده بس ٣ أسنان

 

[فـراوله]

أنا بديت أفرش له يوم صار سنه ونص بمعجون خاص للاطفال

بس قبل السنه كنت أمسح أسنانه بفوطه أو كلينكس فيها ماي وساعات بفرشه
كنت أفرش له بس بالماي

ضروووري إنكم تنظفون أسنانهم


​

 

[*kim*]

قبل كنت نفس طريقة فراوله بكلينكس او فرشه من غير معجون
بس عيالي يبدون يفرشون من 3 سنوات وتلقين معجون خاص للاطفال بالجمعيات وبنكهات فراوله وبرتقال

 

[shai6ona19]

أنا بديت أفرش له يوم صار سنه ونص بمعجون خاص للاطفال

بس قبل السنه كنت أمسح أسنانه بفوطه أو كلينكس فيها ماي وساعات بفرشه
كنت أفرش له بس بالماي

ضروووري إنكم تنظفون أسنانهم


​

حبيبتي شنو المعجون اللي تستخدمينه لعمر السنه؟ ومايضر اذا بلعته؟
انا بنتي عمرها سنه وشهرين وودي اهتم باسنانها بس اكيد بتبلع المعجون لان ماتفهم واخاف يضرها

 

[أم الليالي]

في معجون من شيكو يصير تبلعه عادي وفي معجون من غيربر كان بسلطان سنتر اول بس الحين ماكو منه ....

 

[توتا حمرا]

ماقصرتوا
ينفع استخدم لبنتي فرشاة كهربائية ؟
احس اسهل

 

[كوكتيل عسل]

انا بديت مع ولدي من عمره سته شهور عشان يتعود
كنت ماخذة قطعه تتلبس في الصبع لينه وافرك فيها لثته والاسنان اللي توها بادية تطلع
والمعجون استخدمته له بعد السنه واخذت كولجيت للاطفال واخذت gum
وكلهم ممكن استخدامهم من عمر ست شهو وفوق
والحين عمر ولدي سنتين صج يتعبني لانه يبي يفرش اسنانه بروحه

 

[PuPa^^SWeeT]

من عمرهم سنة


و ماتلحقين بعد

 

[فـراوله]

حبيبتي شنو المعجون اللي تستخدمينه لعمر السنه؟ ومايضر اذا بلعته؟
انا بنتي عمرها سنه وشهرين وودي اهتم باسنانها بس اكيد بتبلع المعجون لان ماتفهم واخاف يضرها

سيجنال للأطفال​

 

[shai6ona19]

سيجنال للأطفال​

يعني اذا بلعته مايضر؟ سوووري ازعجتج

 

[فـراوله]

يعني اذا بلعته مايضر؟ سوووري ازعجتج

لا حبيبتي ما يضر​

 

[جذابه بنت ذيابه]

في معجون خاص للاطفال

و لما كانو صغار اصغر من سنه افرش لهم بفرشاه بدون معجون

 

[ام رينـاد]

والله أنا بنتي فرشت اسنانها من لمن عمرها سنتين ونص

بنتي الصغيره توناس عمرها سنه وماعندها الا ضرسين

 

[shai6ona19]

لا حبيبتي ما يضر​

مشكووووورة حبيبتي

 

[توتا حمرا]

مشكورين على التفاعل بالموضوع
أنا حالياً بحاول انظف اسنان بنتي بفوطة لان ماتتقبل ابداً ان المس اسنانه
واوردي مافيها الا اثنين فوق واربعة تحت

 

[Tame]

أنا بوم كان صغير كلش إبلل فوطد او شاش أحسن وامسح لسانه عشان ما تصير فطريات بس لما كبر شوي تم يعض ويسكر حلجه فخذت له قطعه بلاستك لينه تنلبس فالصبع بس ما يرضى يبطل حلجه يعضه واهو توه بس 3 أسنان وأخاف تسوس

 

[انجبر قلبي]

انا بنتي هالشهر باذن الله تكمل سنة ومةضوع الاسنان شاغلني




لان اسمالله عليها تاكل فواكة عصاير مرات ككاو و شغلات تسبب تسوس اسنان



ةاسمالله عليها عندها ست اسنان ماشاءالله اربع فوق و اثنين تحت



ف انا صايرة لمه افرش اسناني كله افرش جدامها تطالعني وتضحك علا شكلي هه



و شاريتلها فرشه بعد ما افرش اسناني جدامها افرشلها بالفرشه بدون معجون ولا شي بس فرشه بروحها واهي تضحك



مادري يمكن مبجر بس مابي اصدمها بالشغله ابي بالتدريج اتحب تفريش الاسنان وما تكرهه واتينني بعدين




وماعندي فكرة متا ابدي استخدم المعجون نفس سؤال ج

 

[شادن33]

اول شي نظفيها بالشاش اللي اييلج مربعات اصغار حيل ينظف
وشوي شوي علميها عل الفرشاه بروحها بعدين المعجون

 

[توتا حمرا]

نورتوا الموضوع فديتكم

أنجبر قلبي الله يحفظلج بنتج

مشكلتي مع بنتي ماترضا تفتح حلجها وصاير بين اسنانها برتقال من جم يوم ومو قادرة انظفهم باجر من تصحى بشتغل على موضوعها لووول الله يعين عالبجي والصراخ