تنظيف الخضروات من الحشرات

[ريحانة_14]

السلام عليكم ورحمة الله وبركاته

شلونكم يابنات وشخباركم ؟؟

بصراحه أنا أعااااااااااااني من تنظيف البروكلي ( لأننا مدمنين أكل بروكلي في البيت )

ومن تنظيف الخس

الخس الطويل العادي طبعا ماااااااااا أحبه ولا أواطنه وقطعته من البيت لأن مرة شفت داخله دوده شكبرها وأنا فيني فوبيا من الدود

لكن الخس إللي مثل ماكدونالدز بالدعايات إللي يبيعونه بكرتون فلين نحبه وايد .. بس آخر فتره لاحظت زياده نسبة الحشرات فيه ..

والبروكلي طبعا حدث ولا حرج ..
كلما أشتري نوع بروكلي يكون متروووووووووس حشرات ( أشتريه بالكراتين ) وكل ما أييب كرتون أقطه بالزباله من الحشرات والدود

مع إني أغسله 5 مرات وأنقعه بالماي فوق النص ساعه قبلها وبس أفججه وأطلطل فيه إلا متروس حشرات صغار صغار

فأقوم على طول أقطه بالزباله

أدري نعمة الله بس حتى الصخول والخرفان إللي عندنا أخاف أوكلهم خضرة فيها حشرات

رحت مركز سلطان قبل جم يوم قتلهم أبي الدوا إللي نظف الخضروات من الحشرات .. عطتني شغله قالتلي هذي ممكن تنفع معاج إسمها ( beaking soda )

إهي تنحط مع الخبز والفطاير بس مادري هل تقتل الحشرات والا ماتقتلها ؟؟؟؟؟

وإللي تعرف إسم منتج يقتل الحشرات أثناء الغسيل تفيدني ماعليكم أمر

ويعطيكم ألف عافيه

 

[بنت العمدة]

انا اغسل الخضار عموما والفواكة بالماي عدل وعقب انقعها في خل عشر دقائق

 

[ريحانة_14]

مشكورة ياقلبي رغوده

وبجرب الخل بحطه بالخضروات ويا أنا ويا هالحشرات

 

[قطرية كوول]

انا اذكر من احنا يهااال اشوف امي شلون تغسل الخضروات وخصوصاً الورقيه مثل الخس والجرجير

بشغله اسمها برمنجنات البوتاسيوم هههه معليه الاسم يخرع هو مثل قرشه صغيره تاخذها من الصيدليه على ماظن

وداخلها مثل الباودر الاسود تترس مله كبيره او الحوض ماي وتحط شووووي يعني ذرتين ويصير الماي بنفسجي

مثل هالصوره

وهالشغله هي تسويها بنفسها وماتخلي الخدام يغسلون الخضرا وايد توسوس

وانا ادور لج الصوره شفت كذا موقع يمدحون البرمنجنات انها تنظف وتطهر الخضار من اي باكتيريا ومن المبيدات الحشريه اللي تنرش عليها فأبذن الله بتطهر لج الخضار من الحشرات

 

[sara3]

الخل عزيزتى حطى الخس فى بادية كبيرة متروسة ماى
بعدين غيرى الماى وحطى خل خلية دقيقة بعدين سبعية 3 مرات:ada:

 

[اطباق ماي ورد]

فيه بعد بجمعية مشرف عند الخضار علبه بيضه لغسل الخضار انا ما جربتها الصراحه بس روحى شوفيها

انا عن نفسى مثلج اغسلهم عدل وانقع بعد بس اذا شفت ما كوفايده او دود كبير وكثير لا سيده الزباله استغفر الله
بس شسوى ولا انى اكل والا اوكل اللى بالبيت شى مو ضامنه نظافته حتى ربى ما يرضى

بس شكلج الحي شيشتينى جنه بروح اشترى الدوا هذا .

 

[@بنت السعودية@]

اختي ريحانة انا اعطيك منظف ومعقم الخضار والفواكة
عبارة عن رغوة طبيعية نباتية 100%100
لا يحتوي على مواد كيماوية اسمه veg-foam
انا شاء الله تستفادين منة
تحياتي @ بنت السعودية @

 

[ام عيالها الغاليين]

شوفي حبيبتي إحنا نفتح ورقة ورقة ونغسلهم وخصوصا الخس اللي متروس دود

 

[ريحانة_14]

قطرية كوول : إي والله إسمه يخرع أحس إذا حطيته عالخضرة وكليتها بيطلع دخان من أذوني لوووووووووووووول
بس مشكورة ياقلبي باخذ إسمه وأشوف شقصته بالصيدليه
=======================

ساره 3 .. إي قلت بجرب الخل .. أهم شي يذبح الدود .. الخل يذبح الأوادم بعد مايذبح الدود ؟ مستحيل

======================

كابتشينو : بحاول إن شالله باجر أروح جمعية مشرف أدور هالدوا

ومشكورة بعد قلبي عالنصيحه ... أنا بس أشوف الدود أححححححذفففففففففف الخس وأطششششششره وأعفس المطبخ فوق تحت

========================

بنت السعوديه .. هذي عندنا منها بالكويت والا بس بالسعوديه ياقلبي ؟؟؟

============================

أم عيالها الغاليين .. شرفني مرورج حياتي أنا كنت أغسله ورقه ورقه .. بس الطامة الكبرى إذا شفت دوده

أقعد أصارخ لين أقول بس ... أستغفر الله ياربي أكره أكره الدود

 

[نارنجه]

فيجي فوم موجود بالكويت منتشر بالجمعيات خاصة صوب قسم الخضروات
بطل بلاستك لونه ابيض تضيفينه لماء غسل الخضروات و الفاكهه وتنقعينهم فيه ربع ساعه وبعدين تغسلينه عادي
صارلي فترة استخدمه .. شكله مثل الماي لالون لا ريحه ...

وفي بعد علبه كرتون اعتقد الي فيها اقراص تذوبينها بماي الغسيل عاد هاذي ماجربتها ...


ان شاء الله اكون افدتج

 

[ام يوسف 06]

انا جرت الغسول اسمه ايل

 

[ريحانة_14]

مشكورة حياتي نارنجه عالمعلومه .. بروح الجمعيه إن شالله هاليومين أدوره لأن رحت مركز سلطان مالقيته .. وفدتيني يانظر عيني

==================

أم يوسسسسف .. قتل الحشرات هالغسول ؟

 

[ام يوسف 06]

اهو معقم بس انا ما اتوقع انه في شي يقتل الحشرات اذا قتلها معناته قوي و موزين للاكل انتي شيليهم وعقمي قد ما تقدرين

 

[السندريلا نبر1]

بنسبه لي انا افكهم ورقه ورقه واغسلهم وبعدين احطهم مع خل وشوي ماي و بعدين احطهم مع فوجي فوم

 

[إستبرق]

شوفي انا اشتريت منظف للخضار من مركز سلطان صوب الخضره تحصلينه انقعهم فيه 10 دقايق وبعدين امسك قطعه قطعه احط عليها ملح وافكرها عدل مدل وبعدين اغسلها لاني مثلج خاصه الخس الامريكي وااي لما اشوف الدود اقط الورقه كلها وهالفتره ما ادري ليش كله احصل دود

 

[رضاهم جنه]

انا انقعه بملح بس ما اثق بالخدامه بسالفه غسل الورقيات لازم انا اغسلهم بايدي , اما اذا شفت فيه دود والله نفسي تعافه واقطه بالزباله