تنظيف الرخام

[مولي65]

السلام عليكم .... خواتي آنا توني ساكنة بيت جديد وملبسة الأرضيات كلها رخام ... البارحة بنتي كانت تعبانة وايد ...وعزكم الله من كثر ماهي تعبانة استفرغت على الرخام .... وصارت بقعة ماتروح حاولنا نغسلها مسحناها بصابون مواعين وديتول ماراحت ... فيدوني الله يعافيكم شنو اللي ممكن يزيل هذي البقعة .....و مشكورين ياحبايبي

 

[دانــــه]

حاولي تبللين فوطه بشوي خل تفاح وتخليها فوق البقعه مدة 5-10 دقايق وبعدين تمسحيها بشامبو ارضيه وماء دافي


وما تشوف شر بنيتك ان شاء الله

 

[مولي65]

الشر مايجيك انشالله حبيبتي .... وباحاول أسوي اللي قلتي عليه انشالله ينفع ..بس الخل مايغير لون الرخام؟

 

[دانــــه]

الخل ما يغير لون الرخام



وانا قلت لك تخلين الفوطه المبلوله بالخل فوق الرخام فقط 5 -10 دقائق

 

[عرووووس الكون]

بنات احنا شرينا منظف الرخام ولما حطته الخدامه مسك لونه بالرخام وشوهه

نظفناه حاولنا ماطلع


شلون نوخره بنات والله شكله ينرزفني !

 

[تووت]

حتى احنا غسلناه بتايد ومن يومها رخامنا خرب لالمعه ولانظافه
عندكم حل
؟؟


لاتقولون جلي ...الجلي غالي مساحة صالتنا كبيره ماشالله؟

 

[الجوري74]

انا اللي اعرفه انه الرخام ما ينغسل لا بصابون ولامطهرات ولامنظفات...... ولااااااشي
بس بماي يعني تمسحينه بفوطه فيها شوية ماي
هذا اذا تبين تحافظين على الرخام
هذا كلام اللي مركبين لنا الرخام