تنظيف السيراميك

[noooor]

بنات الله يعافيكم ابي احسن طريقة حق تنظيف السيراميك ومشكورين مقدما ادري ما راح تقصرون:eh_s(8):

 

[AJWAN]

شوفي حبيبتي انا بيتي كله جرانيت بس اتوقع تفس الشي بالنسبه للتنظيف
انا عندي هذي اللمساحه الي فيها حوضين
اذا تبين نظافه حلوه سوي الي اقلوج عليه
اول شي تنظفين المكان ابلمكنسه الكهربائيه هذا بالنسبه للغرف والصالات
الانالمكنسه تشيل كل شي حتى الشعر الي يطير وقت الخمام
وبعدين تييبين الحوض او السطل وتحطين فيه ماي وديتول وانا احط معاها ساعات عطر او كلوركس الوردي او الازرق للملابس ريحته تصير روووووووووووووووعه وبنفس الوقت يعقم
تمسحين الارضيه وبعدين تيبين فوطه ناشفه وتمسحين الارضيه وتنشفينها
الانج اذا مسختيها بالماي والديتول من غير لا تنشفينها راح تصير الارض مبقعه
وشوفي بعدين السرياميك شلون يلمع
وادعيلي بالتوفيق

 

[معكرونه أسبكتى يم يم]

انا عندى طريقه اذا الحواف صاره قامجه اسويها اييب فرشاة اسنان وخل اى نوع وبمجرد انى احطه على الحواف اتصير تلق

اكو ناس يحطون فلاش بس انا اشوفه وايد خطر عشان اليهال فاستخدم الخل وتالى اسوى طريقه اجوان وشوفي النظافه جنج توج مركبته الحواف تلمع

 

[om deaj]

انا ندمت اني حطيت سيراميك>>> اذا لصق فيه شي مايروح والمسح مأساة عشان عندي ولد يسوي سكيتينج على ما امسح الارض

 

[noooor]

مشكووورة يا اجوان ومعكرونة . عسى ربي يوفقكم دنيا وآخرة:eh_s(8):

 

[bombo]

لووول انا داشه علشان اتعلم منج
انشالله ماراح يقصرون معاج ربات البيوت السنعات

 

[أم^تركي]

انا جذي اعزل الغنفات واخم عقب امسح بديتول وعقب معطر اللي بالجمعيات فيه مانجا كولكشن
انتي وذوقج لا نشف شغلي الوحدة وبخري وعطري وشوفيه ما يروح لي بليل

 

[dnyay_mll]

انا عن نفسـي
اخم كل الصاله بالمكنـسه الكهربـائيـه
بعديـن لازم يكون عندج الممسحه والحوض مالت السيراميـك تحصلينها بكل مكان
حطي في الحوض ماي من المغسله تقريبا نص السطـل و2غطاء من داك المطهر الخاص بالسيراميـك بالفل العربي او البخور
وشوية كلوركس الوان
ومسحي كل السيـراميـك
بطلـي التكييـف وخليـه ينشـف على راحته
ولازم هالطريـقه يوميـا عشـان يتطهر البيت وينظـف السيـراميـك

 

[noooor]

مشكوووووين حبايبي لا خلا ولا عدم . بس آنا مشكلتي السواد اللي على الحدود

 

[فرحه بلادي]

ومنكم نستفيد ..يسلمووو

 

[Miss_Tiger79]

انا اوخر كل الغنفات وبعدين استعمل المكنسه اعقبها عندي سطل الاحمر الي كل مكان موجود واحط ماي وداك المعطر وكلوركس وامش ولما تصير الارضيه مو ناشفه بسرعه ادز الغنفات مكانهم اسهل وفجي التكييف وخليه ينشف بروحه

 

[A7la 7la]

حيييييييييييل مفيد الموضوع .. يعطيكم الف عافيه

 

[اووو يامال]

أنا أييب تب ماي وأحط ديتول وكومفورت ( أمي قالتلي عنه وصج تطلع ريحته حلوة )
وأمش السراميك ب (( أم أربع وأربعين ))

بس عندي مشكلة صغيرة !! لا نشف الماي يصير بقع عالسراميك ولا كأني منظفة شي !!
يظيق خلقي شسوي ؟؟

 

[غير كل الناس]

خوش موضوع حيل احتااااااااااااااجه

 

[مسوكه^^]

الله يشفي بنتج والله كسرت خاطري