تنظيم الدوره الشهريه

[سهارا]

السلام عليكم
الكثير يعانى من عدم انتظام الدوره الشهريه وهناك طرق كثيره للعلاج إما عن طريق دكتور غدد صماءبسبب الهرمونات او عياده امراض نساء وهناك من يقول ان المداومه على العسل لمده 40 يوم ينظم الدوره .
الى كل من لديه معلومات عن كيفيه تنظيم الدوره عن تجربه او معلومه المشاركه علشان الكل يستفيد
وجزاكم الله الف خير

 

[bnt_kwt]

مشاركة: تنظيم الدوره الشهريه

اي والله انا اللي الدوره كلش مو منظمه عندي من الهرمونات والمتن قطيعه ومشالله لا اله الا الله في وايد بنات وحريم امتن مني مليون مره وكاهم اشزينهم دوراتهم منتظمه واييبون عيال عادي طبيعي بس الظاهر انا خربانه حيل موليه

 

[أميرة الورد]

مشاركة: تنظيم الدوره الشهريه

ايه والله انا بعد اناشدكم لأن هذي مشكلتي الأزليه

 

[keeka]

مشاركة: تنظيم الدوره الشهريه

اعتقد لازم مراجعة دكتور افضل عشان الدكتور اهو اللي اعرف شنو المناسب لطبيعة كل جسم

 

[Kuwait]

مشاركة: تنظيم الدوره الشهريه

اي حتى انا وانا اراجع الدكتور عبدالناصر العثمان ومره تنتظم ومره
لأ الله كريم

 

[سهارا]

مشاركة: تنظيم الدوره الشهريه

شكرا للجميع على المرور
وبنات اللى عندها معلومات او سامعين عن تجربه احد بهالموضوع لايبخل علي البنات بالمساعده

 

[نفانيف]

مشاركة: تنظيم الدوره الشهريه

انا قريت عن البقدونس انه مايه المغلي ينظم وجربته ويأست وبروح نساء وولادة لانه ماكو فايدة

 

[نور^الدنيا]

مشاركة: تنظيم الدوره الشهريه

زيت حبة البركة من عسل العويد اشتري
بس استمري عليه
ملعقة متوسطة على الريج
دواء لكل داء
وادعولي

 

[عنايد]

مشاركة: تنظيم الدوره الشهريه

وهذي مشكلتي آنا بعد وان شاء الله تتعدل

 

[أحلى بنوته]

مشاركة: تنظيم الدوره الشهريه

بنات نصيحه لاتروحون دكاتره

أنا عطوني هرمونات وعفستني عفاس

خلت صوب الزلف الشعر وايد وهم منطقة الشارب كثر الشعر

بس بسرعه قطيتها خفت على روحي

ولي يومكم هذا بروح بشوف هرموناتي شلون بس ماتحركت

نصيحه لويه الله لا تلعبون بعماركم

والله لما اتذكر قبل شلون كنت مااحف ويهي ومرتاحه

اموووووووووت من القهر

 

[سهارا]

مشاركة: تنظيم الدوره الشهريه

اعتقد العسل احسن شي فعلافيه شفاء للناس
بس اى عسل تعتقدون احسن شي؟؟؟؟

 

[إمرأة مثالية]

مشاركة: تنظيم الدوره الشهريه

والله آنا دورتي كلش مو منتظمه بااااااااااااااطه جبدي ومابقى أحد مارحتله وقالو فيني غده بنسبه بسيطه وقاعد آكل حبوب لها من 8 شهور وهذا ويهج يا خاله

بس مره داومت على عسل العويد لعلاج الهرمونات يمكن لمدة 3 شهور بنت الحلال قامت تجدم على حيل !!! ماينعرف لها ؟؟؟

 

[سعادتي برضى ربي]

مشاركة: تنظيم الدوره الشهريه

يعطيكم العافيه بنات

بس ماعليكم امر ابي اسم العسل ومن وين اشتريه اللي عندها الخبره ضروري

 

[إمرأة مثالية]

مشاركة: تنظيم الدوره الشهريه

آنا شريت عسل العويد وهو خاص لضعف المبايض ,,,

 

[سهارا]

مشاركة: تنظيم الدوره الشهريه

شكرا بنات على الردود وانا بجرب العسل يمدحونه وهو دواء لكل داء

 

[nonh]

مشاركة: تنظيم الدوره الشهريه

أخواتي انا رأيي من راي اختي احلى بنوته نعم انا اول الدروة مو منتظمه ورحت لدكتور النساء وقلت لها هذا طبعا قبل زواجي وأنا الان لي اريع سنوات من الزواج والنتيجه من الحبوب وهو ان ظهر لدي شعر في منطقة الوجه والذقن والشارب <<<<<طلعت رجال ههههههه ..وبدأت المأساة لدي اروح للمشاغل علشان احف وجهي ..
وكان الدكتور معطيني حبوب منع الحمل لتنظيم الدورة وأناا اكلتها واقوله انا مو متزوجه يقول لاتخافين هي تنظم لك فقط ..وهي بصراحه ماسوت لي تنظيم اعفست الدنيا فوق حدر ..والظاهر هي اللى مأخره عندي الحمل...أدعولي ان الله يرزقني الذريه الصالحه..

 

[النوالنو]

مشاركة: تنظيم الدوره الشهريه

السلام عليكم
يابنات انا بعد مو منتظمة عندي انا من سويت عميلة المرارة مومنتظمة لي عندة خبرة هل المرارة لة دخل في الدورة الشهرية لي تعرف لاتبخل علي اللة يوفقكم ويسعدكم يارب

 

[ام تروكي 1]

مشاركة: تنظيم الدوره الشهريه

انا بعد الدوره عندي مو منتظمه
بس حق الي قالتي تريج بلغتي
وتروح وماتجي الا بعد 6 شهور وتغيب وتجي بعد 8 شهور وهكذا مليت رحت للدكتوره وعطتني حبوب منظمه لمده 3 شهور وعمك اصمخ ماكو فايده قلت ياعمي كيفها اريح صارت شغلي الشاغل عمره ماجت كيفها وطنشت
وبعدها تزوجت وقلت هني لازم تنتظم ورحت حق دكتوره وعطتني منشطات للمبايض والحمدلله حملت بعد شهرين من العلاج على فكره عالجت بعد ماتزوجت بسنه و8 شهور 0
وبعد الولاده رجعت حليمه لعادتها القديمه صار فيه ضعف وقعدت 3 سنين واخذت منشط شهر واحد وحملت الحمل الثاني وبعد الولاده ماشفت الدوره سنه كامله وبعدها حللت وطلعت حامل بدون ماخذ منشط كذا سبحان الله ولله في خلقه شؤون وولدت والحين صارلي سنه من الولاده وماشفت الدوره الا مره وحده بس وكل شهر احلل اشوف في حمل او لا اخاف احمل نفس حملي الثالث وانا مادري وللحين متلخبطه ولا حاولت اني اعالج لاني مرتاحه على الحال اخاف اعالج واحمل وانا ودي ارتاح سنتين بعدين افكر اني اعالج للحمل 0​

 

[خبيرة اعشاب]

مشاركة: تنظيم الدوره الشهريه

لتنظيم الدوره ..عسل ويا غذاء الملكات ..

بس لازم علاج السبب الريئيسي لاختلال الدورة او غيابها ...يمكن خلل هرموني او في بطانه الرحم ..او التصاقات في القنوات او السمنه ...و غيره و غيره