تنــــفيس..

[احاسيس شوق]

السلام عليكم بنات
مبارك عليكم الشهر
بنات ماابي اطول عليكم بس متضايقه وزعلانه مع زوجي مافي احد افضفض له ولا ابي اطلع مشاكلي برى بيتي بس احس اني مخنوقه وابجي طول الوقت ... زوجي متغير علي اذا بغيت شي لازم احن وابجي جم يوم علشان يصير الي ابيه حتى بس هالمره تعبت مو قادره ابجي اكثر واهو مو حاس فيني .. وانا مشكلتي مااطول بالزعل يعني على طول ارضى وعلشان جذي اهو مو مهتم بزعلي لانه عارف اني برضى على طول ومن اي كلمه او اي نظره
بنات ودي امسك نفسي ازعل بس ماعرف وهذا الشي الي يخليه يتطمن اني ماازعل
متضايقه حدي بروحي ماابي اشكي لاحد بس مالقيت الا هالمنتدى يمكن اللاقي منكم شي او رد يساعدني بليز بنات شوروا علي شسوي وجزاكم الله خير .

 

[اشتياق]

كلهم جذي لازم حنه يالله يسوون اللي نبيه ..

ماعليج شوي شوي ويطخون لاتبجين ولا تعبين اعصابج مع الوقت تتعودين عليه ويتعود عليج

 

[احاسيس شوق]

اشتياق مشكوره على فديتج
بس الحين لي 5 سنين متزوجه وعندي عيال ماكان جذي بالاول بس هالفتره تغير علي

 

[(m & m)]

اممم شوفي

لازم تقولين شنو الاشياء الي انتي طالبته منها

احس ان انتي طبعج كتوم بس حطي في بالج ان محد يعرف الثاني

واحنا هني عشان نساعد بعض والي تمرين فيه شي طبيعي واااااااااااايد حريم يمرون فيه

بس لازم تتاركين الوضع عشان لا يتعود على هالطريقه و يكون طبع فيه اتمنى تفيدينا اكثر و بانتظارج

الله يوفقج و يسهل عليج امورج

 

[شاربة بيبسي ومدلعة نفسي]

يمكن حياتي اهوا متضايق من شي ومشغووووووول بشي بس مايبي يقوولج
والله يخلي حقكم انشالله

 

[goldy]

رد : تنــــفيس..

حبيتي الله يعينج كل الرياييل جذي بس يبيلهم صبر وتحملي وحاولي اطوليين بالزعله شوي بس موحيل متصخينها ويمل منج لأ بيني انج زعلانه عليه والله يهديه انشالله ويحققلج اللي تبينه

 

[Gourges]

بختصر خلي دمعتج غاليه ماتنزل على الصاعده والنازله علشان يحس ان لي بجيتي توقف الدنيا وان ياثر فيه بس اذا على كل زعله بجيتي ماراح يهتم ...

وعلى الطلب ترى عادي المهم يصير الي تبينه بالاخير سواء بحنه او غير حنه وبعدين يالغاليه حمدي ربج غيرج تحن ولا تحصل الي تبيه شوفي البلاوي هني والله تهون عليج مشكلتج ... لاتكثرين الحنه علشان لا يمل ... اختاري الوقت المناسب اللي تطلبين فيه ...
وقدري ظروفه ...
وتحملي مزاجيته بالمواضيع ...
وعسى الله يهديه لكم يارب لاتضيقين خلقج حبيبتي :**​

 

[رحيل المرافيء]

رد : تنــــفيس..

الرياييل مايحبون الحنة والرنة
بعدين شنوو طلباتج
يمكن طلبات تافهة ومايبي يسويها لج

 

[زهراء الركابي]

رد : تنــــفيس..

الله يعين
اول يوم ارمضان خو لازم تصالحينه مايصير اتمين زعلانه

 

[كرز حالي.]

رد : تنــــفيس..

اللسان الحلو والابتسامه مفتاح قلب الزوج

 

[روحي ابوي]

ما عليه حبيبتي كلهم جذي،، تعوذي من الشيطاااان وصالحي ريلج بكرة رمضان
ومايصير تبدونه بخناااق كبري عقلج وقعدي معااه وقوليله الشي اللي متكدرة منه
عسى ربي يهدي مابينكم آآآمين/COLOR]

 

[a7la MUM]

لا ياقلبي مو على كل شي تبجين حبيبتي انا كنت جذي والله والله تعوووود ولاجنه!!
بس بعدها مسكت نفسي عدل وطنششششت
ربي يسخرلج زوجج
والحنه كثرتها مو زيييينه

 

[DooLy88]

ان شالله مافيه الا لخير

 

[مشمش أحمر]

حبيبتي مافي حد خالي من العيوب ..
وانتي قلتي هالفتره بس متغير .. ممكن تكون نفسيته تعبانه من ضغوط العمل او لاسباب ثانيه

احتويه اكثر كووني قريبه منه ذووبي الجليد بينكم .. عشان تعرفي شو فيه قبل لايتكلم .. يمكن ضغوط نفسيه تمنعه ينفذ طلباتج مباشره

يعني ممكن في سبب اذا هالتغير صار فجأه

وعليج بالدعاء والاستغفار والله يسخر زوجج لج يارب

 

[طير يحب سجانه]

الله يهديه لج فترة وتعدي

 

[عيش و مرق]

اشتياق مشكوره على فديتج
بس الحين لي 5 سنين متزوجه وعندي عيال ماكان جذي بالاول بس هالفتره تغير علي

تدرين ليش لان ضامن انج بمخباته وعارف انج ماراح تزعلين على عشام جذى اهو متكى ومرتاح


غيرى سياستج معاه وتعلمى تزعلين صج وتخذين مو قف وتصيرين قويه وثقلى حتى لوضحك وسولف لا تكتين روحج على بسرعه لالالالا حقرى

وبفكر فيج ليش متغيره وشفيها المره ماكانت جذى تزعل انتى تغيري على وراح يتغير معاج لى حس بتطيرين من ايده


ترا الزواج جذى مثل اللعب اذا الريال رخا شدى واذا شد اهو انتى ارخى :sfg:

 

[لطوووفه]

اممممممممممممممممممممممممممم

 

[al-musk]

أكيد بيستسهل دمعتج مدامه يشوفها واجد...عزي نفسج وخلي عندج صبر وماله داعي تظلين متعكننه والله يسهل عليج

 

[توليب بنفسجي]

رد : تنــــفيس..

حبيبتي احنا يصير فينا جذي لان نحط ببالنا الزوج كل شي بالدنيا
لاتخلينا هدفج الوحيد
و دايما لما تتضايقين لجئي لربج .......... صلاة ، قراءة قران
دايم حطي ببالج و جدام عيونج رضى الله ......... ادري بتقولين شكو كلامي بمشكلتج
بس و الله جربي اللي اقوله و بترتاحين
لا تحنين عليه ......... الرياييل يبون مرات ياخذون اجازة من الحياة الزوجية و انتي بحنتج هذي تخلينه يبرر حق نفسه هالاجازة و يبعد اكثر
اي شي تبينه طلبيه مرة وحدة و ان ما سواه خلاص لا تحنين اكثر
حاول تسحبينه لاجواء جديدة و تغيرون جو سواء بطريقة كلامج معاة او اسلوب حياتكم كلها
و اهم شي انج تشغلين روحج .... اهتمي بنفسج ، بعيالج ، ببيتج خلال هالفترة مو تخلينه اهو محمور حياتج عشان ما تتعب نفسيتج أكثر
و خلي دمعتج غالية عشان اهو بعد يحس بغلاها و يخالف لي انزلت
خلي نفسج قوية .... لا تبينين له طول الوقت ان الحياة ما تمشي بدونه
في امور انتي سويها بنفسج بس على طول عشان ما يتعود عليها
و حبيبتي قبل ما ترصين طلباتج ........ حاولي تقعدين معاه قعدة حلوة و تشوفين شنو مضايقه؟ و اشيبي اهو ؟

 

[نور عيني الغالي]

رد : تنــــفيس..

عزيزتي الدموع والزعل ما يسون أي شي ومحد راح يتعب بالدنيا غيرج في البداية طولي بالج بالنسبة لزوج أنه متغير يمكن من الروتين
والحياة الزوجية الرجال يبحث عن الراحة وين ما يلقى راحتة راح يستقر وما يحب الحنة والطلبات الكثيرة وخاصة أذا أخترتي الوقت والمكان المناسب صدقيني الرجال يحتاج لطولة البال والكلام الحلو صدقيني استقبليه بالأبتسامه والكلام الهادي وخلي الأجواء حلوة قد ما تقدرين
وشوفي النتيجة وطلبي أي شي من غير حنه وعناد وتحدي وتوكلي على ربج وادعيله والله احنا الحريم من ضغوطات الحياة والعيال والمسئولية
أخلاقنا ضيقة والعصبية تسيطر علينا من جذية تبدأ المشاكل ...